Tíminn - 18.02.1989, Blaðsíða 4

4 Tíminn
Laugardagur 18. febrúar 1989
Verkefnisstjórn ráöhússbyggingar tekur undir gagnrýni borgarfulltrúa
Framsoknarflokks um kostnaðarauka við raðhusbygginguna vegna flýtis:
Þrjátíu milljónir
út í veður og vind
Miklar umræður um hönnunarkostnað ráðhússins urðu
á fundi borgarstjórnar í fyrradag og fram kom að
hönnunarkostnaður er kominn verulega fram úr áætlun.
Ástæða þess er einkum sá flýtir sem viðhafður hefur verið
við bæði hönnun og byggingu hússins.
Vegna flýtisins hafa verk-
fræðingar ekki getað hannað burð-
arvirki og aðra hluti hússins í þeirri
röð sem hagkvæmast er. Sigrún
Magnúsdóttir hefur gagnrýnt harð-
lega þetta verklag og lagt fram
fyrirspurn um málið og var lagt
fram svar Verkefnisstjórnar ráð-
hússbyggingarinnar á fundi borgar-
stjórnar í fyrrakvöld.
í svarinu kemur fram að umtals-
verður aukakostnaður og óhagræði
hefur orðið af flýtinum og hafa
verkfræðingar orðið að teikna
byggingarhluta í þeirri röð sem
framkvæmdir krefjast, en ekki eftir
því sem er hagkvæmast út frá
hönnunarforsendum.
Sigrún Magnúsdóttir benti á að
þarna er tekið undir fyrri gagnrýni
hennar. Hún fjallaði síðan um allt
það offors og læti sem einkennt
hafa ráðhúsbygginguna frá upp-
hafi. Byrjað hefði verið á henni
áður en tilskilin leyfi lágu fyrir frá
skipulagsyfirvöldum sem meðal
annars kostaði miklar útistöður við
íbúa í grenndinni og ráðherra.
Hún ítrekaði fyrri afstöðu sína
um að óráðlegt væri fyrir borgina
að vera með svo mörg stórverkefni
í gangi samtímis og nú er og hefði
vel mátt ljúka öðrum verkefnum
áður en hafist var handa við ráð-
húsið, en nota þess í stað tímann
til að vinna að fullnaðarhönnun
hússins á svipaðan hátt og gert
hefur verið við hús aldraðra við
Skúlagötu.
Hönnunarvinna við það hófst á
svipuðum tíma og við ráðhúsið, en
enn ekki búið að taka fyrstu skóflu-
stunguna fyrir því.
Sigrún taldi greinargerð borgar-
verkfræðings staðfesta og sanna
réttmæti þeirrar gagnrýni sem hún
hefur haft uppi um ráðhúsbygging-
una. Þar væri það staðfest að
írafárið við bygginguna kostaði
stórfé.
Það vakti athygli að Davíð
Oddsson svaraði gagnrýni Sigrúnar
óvenju málefnalega og tók undir
það að hönnunarkostnaður væri
sumpart óeðlilega hár. Hann sagð-
ist hafa ástæðu til að ætla að
hönnuðir hefðu hækkað taxta sína
á verðstöðvunartímabilinu og því
hefði hann ritað Verðlagsstjóra
bréf með fyrirspurn um þetta atr-
iði.
Sigrún Magnúsdóttir lagði fram
á fundinum eftirfarandi bókun:
„Stífni og offors borgarstjóra
við ráðhúsbygginguna ætlar að
verða borgarbúum dýrkeypt. í
þessu máli sem og öðrum tekur
hann engum rökum, hvorki frá
leikum né lærðum. Þegar í upphafi
benti ég á að hönnuðum veitti
ekkert af einu til tveim árum til
undirbúnings áður en framkvæmd-
ir hæfust.
Síðan hef ég gagnrýnt ýmis atriði
varðandi framkvæmdir, hvernig
þær hafa verið keyrðar áfram og
þar af leiðandi orðið miklu dýrari
en ella.
Sannleiksgildi orða minna kem-
ur skýrt fram í greinargerð frá
verkefnisstjórn frá 29. janúar 1989.
Þar segir meðal annars:
„Þegar hönnun hófst varð ljóst
að óskað var eftir mjög miklum
hraða í framgangi málsins. Þetta
verkefni er unnið með hraða; við
höfum nefnt aðferðafræðina „á
hraðbraut", það er að segja að
hönnun fer fram samtímis fram-
kvæmdum.
Ágiskaður kostnaðarauki af
þessum sökum er 1 % af byggingak-
ostnaði eins og hann er nú áætlað-
ur. Vegna hraða á hönnun fyrsta
árið voru notaðir fleiri menn sam-
tímis við hönnun en hagkvæmast
er.“
Kostnaðaráætlun frá 29. janúar
1989 hljóðar upp á 15,7 milljónir
króna eða helmingi hærri upphæð
en gengið var út frá þegar ráðhús-
byggingin var ákveðin.
Hér er um gífurlegar fjárhæðir
að ræða og til dæmis þetta eina
Sigrún Magnúsdóttir borgarfulltrúi
Framsóknarflokksins.
prósent af byggingarkostnaði
(vegna hraðans) er fimmtán mill-
jónir króna.
Hefði verið hlustað á rök í
upphafi hefði mátt spara borgar-
búum stórfé og einnig hægt að
komast hjá útistöðum við íbúa,
skipulagsyfirvöld og ráðherra.“
Sigrún sagði að jafnframt því að
kostnaðarauki hönnunar vegna
byggingarhraðans hækkaði bygg-
ingarkostnaðinn um eitt prósent,
þá væri nú reiknað með hækkun
um annað prósent vegna flýtisins
til viðbótar, þannig að bægsla-
gangurinn ætlar að kosta borgar-
búa yfir þrjátíu milljónir í bein-
hörðum peningum sem auðveld-
lega hefði mátt hjá komast.
Þótt 2% væri ekki hátt hlutfall í
sjálfu sér þá væri þrátt fyrir allt um
mikla fjármuni að ræða og vissu-
lega mætti nota þrjátfu milljónir
skynsamlegar en fleygja þeim út
um gluggann með þessum hætti .-sá
Anna Guöný Aradóttir, frkvst. Útsýnar í samtali viö Tímann-
Aukiðsvigrúm-nýjung
fyrir akandi Evrópufara
Flug, bfll og ferðafrelsi er nýr ferðamöguleiki sem ferðas-
krifstofan Útsýn býður upp á, á þessu ári. Anna Guðný
Aradóttir framkvæmdastjóri Utsýnar sagði í samtali við
Tímann að með þessum nýja möguleika gæfist ferðalöngum
kostur á að fljúga til Lúxemborgar og heim frá öðrum stað í
Evrópu, sem ekki héfur verið hægt til þessa því fólk hefur
þurft að Ijúka ferð á sama stað og hún hófst.
Anna Guðný Aradóttir, framkvæmdastjórí Útsýnar á skrífstofu sinni í
Mjódd. Tíitiaitiynd Pjetur.
Anna Guðný sagðist búast við að
þessi ferðamáti yrði mjög vinsæll,
enda gæfi hann fólki kost á að
ferðast lengra en áður og það þyrfti
ekki að keyra alla leið til baka, til að
skila bílnum. Þær borgir sem ferða-
löngum er gefinn kostur á að skila
bílnum og Ijúka ferðinni í eru í
Kaupmannahöfn, Frankfurt,
Salzburg, París, Milano og Luxem-
burg. Anna Guðný sagði að flug og
bíll hefði notið mikilla vinsælda og
væri þetta því kærkomin nýjung
fyrir þá sem vildu skipuleggja ferð-
irnar sjálfir.
Annar ferðamöguleiki sem er nýr
af nálinni hjá Útsýn á þessu ári eru
ferðir til Kýpur. Þetta er reyndar
annað árið í röð sem Útsýn er með
ferðir til Kýpur, í samvinnu við
ferðaskrifstofuna Úrval og taldi
Anna Guðný víst að Kýpur ætti eftir
að verða vinsæl í framtíðinni, enda
staðurinn heillandi og líklegur til að
falla íslendingum vel í geð. „Þar að
auki erum við með ferðir á þessa
gömlu góðu staði, sem njóta alltaf
jafn mikilla vinsælda, þ.e. Spánn,
Portúgal og Ítalía," sagði Anna
Guðný. Hún sagði að í ár væri ívið
meira sætaframboð til Spánar og
Ítalíu en í fyrra, enda vissi fólk að
hverju það gengi og hefði reynt
þjónustu Útsýnar á þessum stöðum
áður.
Aðspurð sagði Anna Guðný að
það heilláði íslendinga alltaf að fara
þangað þar sem fólk gæti verið
nokkuð öruggt um að fá gott veður
og því væri S-Evrópa alltaf vinsæl.
Þá væri líka sá hópur fólks alltaf að
stækka sem leitar á fjarlægari slóðir.
„Það eru örfá ár síðan ferðir til
Austurlanda fjær voru teljandi á
fingrum annarrar handar. Þessi hóp-
ur er alltaf að stækka, sjóndeildar-
hringur fólks er að víkka og það er
að verða óhræddara við að fara til
fjarlægari landa,“ sagði Anna
Guðný.
Aðspurð sagði hún greinilegt að
fólk væri þegar farið að skipuleggja
sumarfríið. Þegar í þeirri viku, sem
ferðaáætlun þeirra kom út hefði
komið mikill fjörkippur og fjöldi
fyrirspurna borist auk þess sem fjöl-
margir hefðu þegar látið bóka sig í
ferðir. Ástæðuna fyrir þvf að fólk
væri svo snemma á ferðinni sagði
Anna Guðný líklega þá, að fyrirtæki
gerðu þá kröfu að starfsmenn ákvæðu
sumarfrí sín með talsverðum fyrir-
vara. Á þeirri viku sem nú er liðin
síðan áætlunin kom út, hefur lang-
mest verið bókað í ferðir til sólar-
landa.
Anna Guðnv sagði að samkeppnin
væri hörð milli ferðaskrifstofanna,
enda væru þær margar. „Þetta kem-
ur að sjálfsögðu neytendum til góða,
úrvalið verður meira og breiddin í
verðlaginu meiri. Ég held að sam-
keppmn sé tiltölulega fagleg og heið-
arleg," sagði Anna Guðný. Aðspurð
stigði hún að árið legðist vel í hana.
„Eg hef oft sagt að við séum raunsæ-
islega bjartsýn. Við höfum lítillega
aukið sætaframboð í ár og gert
ákveðnar breytingar á okkar ferða-
áætlun frá fyrri árum sem miðast að
því að gera fjölskyldufólki, og þá
stórum fjölskyldum auðveldara að
fara í sumarleyfi. Það er tiltölulega
ódýrara fyrir barnmargar fjölskyldur
að ferðast í ár og eins þá höfum við
lagt áherslu á að auka þjónustuna
við landsbyggðina, því þar býr jú
rúmur helmingur þjóðarinnar, sem
oft vill gleymast. Við bjóðum nú
fólki utan af landi fríar ferðir til
Reykjavíkur ef það bókar sig fyrir
ákveðinn tíma og við erum sannfærð
um að það eigi eftir að mælast vel
fyrir," sagði Anna Guðný.
Anna Guðný Aradóttir starfaði í
söludeild markaðssviðs hjá Flugleið-
um, áður en hún tók við starfi
framkvæmdastjóra Útsýnar um
miðjan janúar. -ABÓ
Lýsingar
frá Heklu-
gosi
Athugasemd:
í frásögn á baksíðu Tímans í
dag, 16. febrúar, segir frá merki-
legum samtímahljóðritunum frá
Heklugosinu 1947 sem Byggða-
safninu í Skógum hafa borist til
varðveislu. Segir svo í upphafi
greinarinnar: „Engar aðrar upp-
tökur munu nú til á lýsingu manna
á Heklugosinu 1947, utan u.þ.b.
hálf mínúta sem Hendrik Ottósson
lýsti um talstöð."
Þetta er alrangt. í safni Ríkisút-
varpsins er varðveitt tæplega
klukkustundarlöng hljóðupptaka
frá upphafi Heklugoss, 31. mars
1947. Þetta efni var á sínum tíma
tekið á stálþráð, síðan afritað á
plötur, en hefur nú verið komið á
segulband til varanlegrar geymdar.
Þarna er um að ræða u.þ.b. 10
mínútna langa lýsingu Hendriks
Ottóssonar frá fyrstu byrjun
gossins, tekin úr flugvél gegnum
loftskeytastöðina og hljóðrituð hjá
Ríkisútvarpinu. Ennfremur Iöng
viðtöl Emils Björnssonar frétta-
manns við þrjá vísindamenn sem
lýsa gosinu. Sú lýsing var tekin á
stálþráð í Galtalæk 31. mars. Vís-
indamennirnir eru Steinþór Sig-
urðsson, Sigurður Þórarinsson og
Steindór Steindórsson.
F.h. Ríkisútvarpsins
Gunnar Stefánsson
dagskrárfulltrúi
Frá ritstjórn
Það er Tímanum mikið ánægju-
efni að Ríkisútvarpið skuli varð-
veita upptökur frá þessum atburði.
Þar er um að ræða mikilsverða
heimild.