Tíminn - 09.09.1989, Blaðsíða 19

'íY-5 1 'i'dl'iS"''!!'-*?. .S iUBCbítQt.'ijJ
'* »i ». *. »* f.«k »x V.f. «. f. »!’.».».». '•.h't't’t1*. ’tVt \ Vt’t^
Láúgárdágur 9. september 1989
fr
,’.».». r. 'i T
i ’* ’* '* * \» •
Tíminn 31
ÍÞRÓTTIR
gorðsem blasir stórum stöfum við ahorfendum a iþrottavöllum. En er afenginu
fiþrottina? Þar heita mot eftir afengistegundum og afengi er veitt i verðlaun!
holan er barinn"
eftir Björn Leósson
og „djúsaði“ allan daginn, þar sem
honum hafði ekki gengið sem best í
mótinu. Þetta tafði mótið heilmikil,
þar sem viðkomandi keppandi var
með alls konar fíflalæti. Sá sem ég
dró fyrir sagði mér að því miður væri
þetta ekkert einsdæmi og eftir á var
ekkert tekið á þessu máli innan
klúbbsins."
Þessa sögu, sem er frá meistara-
flo^ksmóti, hafði áhugamaður um
íþrpttir utan af landi að segja, maður
seiri fylgist mikið með öllum íþrótta-
greinum í sínum bæ.
„Ég held að grunnreglur fSÍ hljóti
að vera þverbrotnar með svona
framkomu," bætti utanbæjarmaður-
inn við.
„Hvergi bann við áfengi
í lögum ÍSÍ“
„í lögum og reglum ÍSÍ er hvergi
að finna nokkuð sem bannar notkun
áfengis í keppni. Hins vegar mundi
slíkt sjálfsagt vera kært á þeim
forsendum að um óíþróttamannlega
framkomu væri að ræða og yrði því
tekið fyrir hjá aganefnd og jafnvel
dómstól viðkomandi sérsambands
og áfram uppúr,“ sagði Jón Erlends-
son hjá lyfjaeftirlitsnefnd ÍSÍ, þegar
Tíminn innti hann álits á notkun
áfengis í íþróttum.
v,Það er litið á þetta þannig að það
sé óhugsandi að þetta fari saman, en
sjálfsagðir hlutir falla stundum út úr
lögum og reglugerðum."
„Maður sem er undir áhrifum í
keppni er í raun hættulegur sínu
umhverfi, því hann hefur ekki stjórn
á skapsmunum sínum né líkams-
hreyfingum og því yrði litið á þetta
sem óíþróttamannslega framkomu. “
„Varðandi mót sem nefnd eru
eftir áfengistegundum, þá er ekkert
í lögum eða reglugerðum ÍSÍ sem
bannar slíkt. Afengisinnflytjendur
eru að ná sér í góðar auglýsingar,
einkum vegna þess að þeir eru í
vandræðum með að auglýsa sína
vöru á almennum markaði," sagði
Jón.
„Áfengi er ekki
á bannlista“
„Á bannlista Alþjóðaólympíu-
nefndarinnar er áfengi ekki að finna.
Hins vegar yrði það tekið til um-
fjöllunar hjá aganefnd eða dómstól
viðkomandi alþjóðasérsambands, ef
upp kæmi mál þar sem keppandi
væri grunaður um áfengisneyslu í
keppni. Áfengi er ekki notað til þess
að byggja upp óeðlilega afreksgetu,
heldur eru það steranir og því um
líkt. Áfengi er sljóvgandi á ekkert
heima nálægt íþróttum," sagði Jón
Erlendsson
„Þetta er viðkvæmt mál“
„Við höfum gert okkur grein fyrir
þessu all lengi og þetta er viðkvæmt
mál,“ sagði Konráð R. Bjamason
forseti Golfsambands íslands þegar
þessi mál voru borin undir hann.
„Það sem tilheyrir Golfsamband-
inu sem slíku, þá erum við ekki með
neitt áfengi í kringum okkur. Við
höfum gengið það langt að banna
sölu á áfengi í klúbbhúsunum þegar
landsmót fara fram. Ég kann ekki
við að áfengi korni nokkurs staðar
nærri þar sem verið er að keppa í
íþróttum, hvort sem það heitir golf
eða eitthvað annað."
„Golfíþróttin er að nokkru leiti
svolítið öðru vísi byggð upp en aörar
íþróttir. Annars vegar erum við að
tala um íþróttastarf og uppbyggingu
þar sem fyrst og fremst er verið að
sinna þeim yngstu og fólki uppí
30-32 ára. Hins vegar erum við svo
lánsamir með golfíþróttina að við
erum með fólk uppí 75-80 ára gamalt
í henni, fólk sem væri löngu hætt í
öðrum íþróttagreinum.“
„Síðan eru okkar félagsheimili
byggð öðruvísi upp en í öðrum
íþróttagreinum. Alls staðar erlendis
tíðkast það að barir séu í þessum
húsum.“
„Mér finnst það út í hött að menn
skuli að vera að fá sér bjór eða vín í
miðri keppni. Ég hef sjálfur prófað
það erlendis, að fá mér einn bjór
áður en ég fór að leika. Ég hafði
ekkert gaman af því, maður gerir
ekkert vel undir áhrifum áfengis."
„Iþróttafulltrúi
ríkisins hefur rætt
um þessi mál við mig“
„Það eru ekki unglingar sem gera
slíkt, það eru menn í kringum fimm-
tugt sem eru að þessu og við vitum
af því. Það hefur verið talað við mig
út af þessu. íþróttafulltrúi ríkisins
ræddi þessi mál við mig og ég veit að
eiginkonur hafa verið að kvarta til
hans. Við ráðum hins vegar lítið við
það hvað fullorðið fólk er að gera.
Það fær sér vín ef það ætlar sér að fá
sér vín, hvort sem það er þarna eða
annars staðar. Okkar vandamál er
það að við erum með mikið meira af
eldra fólki en aðrar greinar."
„Mér finnst þetta
vera að aukast“
„Klúbbarnir eru með bari núna,
en hér áður fyrr var þetta meira á
bak við tjöldin. Mér finnst, því
miður, að þetta hafi verið að aukast
og meira er urn þetta hjá minni
klúbbunum. Þar labba m'enn inní
skála eftir 9 holur og fá sér í glas og
halda síðan áfram. Sem betur fer er
þetta ekki svo nema hjá litlum hluta
fólks. Það eru kanski 4-5 menn sem
stunda það í keppni að fá sér í glas,
en íþróttina í heild má ekki dæma af
því. Síðan er annað hvort um innan-
félagsmót er að ræða eða opin mót,“
sagði Konráð.
Fara á bak við lögin
-Áfengisauglýsingar hafa viðgeng-
ist lengi í golfinu og gaman væri að
fá að vita hver viðbrögð manna yrðu
ef áfengisauglýsingar, mismikið dul-
búnar, færu að skjóta upp kollinum
á knattspyrnu eða t.d. handknatt-
leiksleikjum. Hvaða augum líta for-
ystumenn íþróttahreyfingarinnar og
heilbrygðiskerfisins á þessi mál.
Johnny Walker
verðlaunar þá sem
hafa farið holu í höggi
„Ég held að það bæði eðlilegt og
óeðlilegt að áfengisinnflytjendur sé
styrkaraðilar að golfmótum. í*að er
alveg sama hvaða íþrótt það er, allir
eru að reyna að fá einhverja til að
styrkja viðkomandi íþrótt. f Dan-
mörku eru það Tom‘s súkkulaði-
framleiðendurnir sem verðlauna þá
sem fara holu í höggi, en hér eru það
Johnny Walker. Þeir hafa þann hátt
á að gefa þeim sem fer holu í höggi,
eina viskíflösku Það gera þeir í 40
löndum og mér finnst það ekkert
óeðlilegt, þar sem við erum inná
alþjóðamarkaðnum með þetta. En
með sérhæfð innanfélagsmót sem
kennd eru við áfengistegundir gildir
annað, enda eru þau mót meira og
minna að detta upp fyrir. Við erum
ekkert hrifnir af slíkum mótum og
höfum aldrei verið. Ætli það séu
ekki 4 mót eftir sem kennd eru við
áfengistegundir. Tíminn verður að
leiða í Ijós hvaða þróun verður í
þessum málum.“
„Hef alla tíð verið
á móti áfengi í golfi“
„Persónulega hef ég alla tíð verið
á móti áfengi í golfinu, frá því ég
byrjaði fyrir 25 árum og hef stundum
verið illa liðinn fyrir það. Ég er
þeirrar skoðunar að íþróttir og
áfengi fari ekki saman," sagði Konr-
áð R. Bjarnason forseti Golfsamb-
ands íslands að lokum.
Jónsmessumótin eru fræg
Um Jónsmessubil, í lok júní, eru
haldin golfmót á öllum völlum lands-
ins þar sem skilyrði er að keppendur
fái sér tvo tvöfalda áður en þeir hefja
keppni. Mót þessi eru meira grín en
alvara, eins og skiljanlegt er og þau
eru lokuð innan hvers klúbbs. Fárán-
legt væri að fárast yfir þessum
mótum, en vonandi væri að þau yrðu
undantekningin sem sannaði þá
reglu að golf, eins og aðrar íþróttir
eigi ekki samleið með áfengi.
Stór klúbbur á Norðurlandi felldi
sitt Jónsmessumót niður í sumar,
vegna þess að þar vildu menn sporna
við áfengisneyslu í golfíþróttinni.

Laugardagur kl. 13:55 - w w..
36. LEIKVIKA- 9. sept. 1989 m X 2
Leikur 1 Arsenal - Sheff. Wed.
Leikur 2 Aston Villa - Tottenham
Leikur 3 Chelsea - Nott. For.
Leikur 4 C. Palace - Wimbledon
Leikur 5 Derby - Liverpool
Leikur 6 Everton - Man. Utd.
Leikur 7 Luton - Charlton
Leikur 8 Man. City - Q.P.R.
Leikur 9 Millwall - Coventry
Leikur 10 Norwich - Southampton
Leikur 11 Leeds - Ipswich
Leikur 12 Sunderland - Watford
Símsvari hjá getraunum er 91-84590 og -84464.
LUKKULÍNAN s. 991002
NÝR HÓPLEIKUR !!
VÍLTU DáNSá?
Kennslustaðir: Auðbrekka 17, Kópavogi og
„Hallarsel“ við Þarabakka 3 í Mjódd.
Kennum alla samkvæmisdansa: suðurameríska,
standard og gömlu dansana. Einnig barnadansa
fyrir yngstu kynslóðina. Laugardagskennsla á
báðum stöðum. Einkatímar eftir samkomulagi.
Innritun og upplýsingar dagana 1.-12. september
kl. 10 - 19 í síma: 64 11 11.
Kennsluönnin er 15 vikur og hefst fimmtudaginn
14. september og lýkur með jólaballi.
/
FID Betri kennsla - betri árangur.
Dansskóli Sigurðar Hákonarsonar
i