Tíminn - 28.10.1989, Blaðsíða 18

30 Tíminn
Láugardagur 28. október 1989
Bæklingur um jafnrétti:
Kvennalistinn vill vera með
Kvennalistinn hefur sent Jafnréttisráði og félagsmálaráðherra
bréf því að flokkurinn telur sig afskiptan í bæklingnum „Nú er lag!“
sem Jafnréttisráð gaf nýlega út. Markmiðið með útgáfunni var að
benda á leiðir sem leitt geti til meiri jöfnuðar kynjanna á Alþingi og
í sveitastjórnum.
I bréfinu segir: „Við Kvennalis-
takonur viljum hér með gera athuga-
semdir við nokkur atriði í umrædd-
um bæklingi og mótmæla því að
Jafnréttisráð skuli láta frá sér rit sem
þetta þar sem algerlega er sneitt hjá
þeirri staðreynd að hér á landi eru til
sérframboð kvenna bæði í sveitar-
stjórnum og á Alþingi."
Segir Kvennalistinn að bæklingur-
inn virðist eingöngu ætlaður hinum
karlstýrðu stjórnmálaflokkum.
Hvergi sé minnst á sérframboð
kvenna þegar rætt er um hvaö hafi
verið gert í jafnréttisátt og ekki
heldur þegar fjallað er um hvað
konur geti gert til úrbóta.
„í lok bréfsins eru þessi orð: „Til
hvers eru konur hvarvetna að berjast
fyrir því að gera konur og verk
þeirra sýnileg þegar konur taka svo
þátt í því að gera þetta ósýnilegt
aftur? Hvað er orðið um allt okkar
starf? Á að endurtaka þögnina í
sögubókunum sem ríkti um kvenna-
framboðin fyrr á öldinni?
Við óskum eftir að Jafnréttisráð
fjalli um efni þessa bréfs og taki
afstöðu til þess hvernig sé hægt að
leiðrétta þessi mistök?"
SSH
vsk.^?
Tilkynna þarf
skattskylda
starfsemi
fyrir 31. október
* •• •••
kylda til að tilkynna starfsemi
sína til skráningar hjá skattstjóra hvílir á öllum
sem stunda virðisaukaskattsskylda starfsemi.
Eyðublað fyrir tilkynningu (RSK10.11) á
að hafa borist flestum sem eiga að innheimta
og skila virðisaukaskatti frá 1. janúar nk.
Eyðublaðinu á að skila til skattstjóra í því
umdæmi sem rekstraraðili á lögheimili.
Þeir sem ekki hafa fengið tilkynningar-
eyðublað þetta sent, en stunda virðisauka-
skattsskylda starfsemi, geta nálgast
eyðublaðið hjá skattstjóra eða hjá RSK.
Þeir sem hefja virðisaukaskattsskyldan
rekstur eftir 31. október skulu tilkynna
starfsemi sínatil skattstjóra eigi síðar en átta
dögum áður en starfsemin hefst.
Áritaðar upplýsingar
um starfsemi
£
yðublaðið erfyrirfram áritað
með þeim upplýsingum sem skattyfirvöld hafa
um rekstraraðila. Ef ástæða ertil að leiðrétta
eða koma á framfæri viðbótarupplýsingum er
það gert á eyðublaðinu áður en því er skilað til
skattstjóra. Einnig skal færa á eyðublaðið
aðrar umbeðnar upplýsingar, t.d. hverjir eru
eigendurog stjórnendurfyrirtækja.
Skráningamúmer
ígar skattstjóri hefurtekið
rekstraraðila á skrá mun hann senda honum
staðfestingu um skráninguna og jafnframt
tilkynna honum um skráningarnúmer hans í
tölvukerfi RSK. Skráningarnúmer þetta á að
koma fram á sölureikningum fyrirtækis
(rekstraraðila).
Upplýsingasími RSK
vegna virðisaukaskatts er
91-624422
RSK
RÍKISSKATTSTJÓRI
Sextant á
minjasafn
Nýlega afhenti yfirmaður Varnar-
liðsins, Thomas F. Hall flotaforingi,
Agli Ólafssyni flugvallarstjóra að
.. Hnjóti Örlygshöfn, sextant úr flug-
vél að gjöf til flugminjasafns sem
Egill hefur komið upp að Hnjóti.
Egill Ólafsson hefur sem kunnugt
er komið upp mjög merku safni
gamalla muna sem snerta íslenska
búskapar og atvinnuhætti á liðnum
öldum.
Á myndinni sést Egill taka við
gripnum úr hendi Hall flotaforingja,
en eins og sjá má er sextantinn
nokkuð ólíkur þeim sem notaðir eru
til sjós.
(fréttatilkynning)
Tónlistarskóli
Hafnarfjarðar:
5 sóttu
um skóla-
stjóra
Fimm umsóknir bárust um starf
skólastjóra Tónlistarskóla Hafnar-
fjarðar. Þeir sem sóttu um voru
Gunnar Gunnarsson, Jóhanna J.
Linnet, Pavel R. Smid og Þórir
Þórisson. Einn umsækjenda óskaði
nafnleyndar. Bæjarráð vísaði um-
sóknunum til umfjöllunar skóla-
nefndar. -ABÓ
UMFÍ
þingar
Á 36. Sambandsþing Ungmenna-
félags íslands, verður haldið í Hlé-
garði í Mosfellsbæ, nú um helgina
verða kynnt úrslit í hugmyndasam-
keppni sem UMFÍ efndi til um
skipulag og notkun Þrastaskógar í
Grímsnesi, sem er í eigu ungmenna-
félaganna.
Ákvörðun um samkeppnina var
tekin á síðasta þingi UMFÍ fyrir
tveim árum. Alls bárust 14 tillögur
og hefur sérstök dómnefnd skoðað
tillögurnar og vali þrjár bestu til
sérstakrar viðurkenningar.
Tuttugasta landsmót UMFÍ, sem
haldið verðu í Mosfellsbæ næsta
sumar, verður einnig til umræðu á
þinginu.
Þrjú ný félög hafa óskað eftir
beini aðild að UMFÍ, en þau eru
Ungmennafélag Akureyrar, Ung-
mennafélagið Fjölnir, Grafarvogi og
Ungmennafélagið Óðinn, Vest-
mannaeyjum. Með aðild þeirra
verða ungmennafélögin innan sam-
takanna orðin 240 talsins með um 39
þúsund félagsmenn.
Sambandsþing UMFÍ er haldið á
tveggja ára fresti. Rétt til setu á
þinginu hafa 117 fulltrúar af öllu
Íandinu. -ABÓ