Tíminn - 16.01.1990, Blaðsíða 16

AUGLÝSINGASÍMAR: 680001 — 686300
NÚTÍMA FLUTNINGAR
Hatnarhúsinu v/Trvggvagölu.
S 28822
SAMVINNUBANKINN
I BYGGÐUM LANDSINS
PÓSTFAX
TÍMANS
687691
ÞRðSTllR
685060
VANIR MENN
Tíniiiiii
ÞRIÐJUDAGUR 16. JANÚAR 1990
Fólk ánægðast í dreifbýli og á meira en 10.000 manna stöðum:
Enginn vill frá Akureyri
en 1 /4 f rá Vestfjörðum
Vel yfir þriðjungur (38%) allra þeirra sem búa á
20Ö-1.000 manna stöðum á landsbyggðinni hafa alvarlega
hugleitt brottflutning, aðallega til höfuðborgarsvæðisins, á
síðustu 5 árum - og um helmingur þeirra ætlar að Iáta verða
af þeim flutningi á næstunni (ef þeir eru þá ekki þegar
fluttir núna). Hið sama á við um litlu lægra hlutfall íbúa
enn minni þéttbýlisstaða. Frá stærstu þéttbýlisstöðum
hugsa hins vegar fáir um brottflutning (5-6%) og ekki
miklu fleiri (9%) úr dreifbýlinu.
Þetta er niðurstaða nýrrar
skýrslu sem Félagsvísindastofnun
vann upp úr könnun sem fram-
kvæmd var sumarið 1988 fyrir
Húsnæðisstofnun (svo sumir þeirra
sem hugðu á flutninga hafa e.t.v.
þegar látið verða af þeim).
Margir vilja frá Austuifandi
og norðvesturhorninu
Útlitið er vægast sagt dökkt fyrir
þá sem vænta þess að hægt verði að
stöðva „fólksflóttann" frá Vest-
fjörðum. Samkvæmt könnuninni
vilja 40% Vestfirðinga helst búa
annarsstaðar en þeir nú gera og um
þriðjungur utan landshlutans. Það
hlutfall fer m.a.s. upp í 63% að-
fluttra Vestfirðinga, þ.e. þeirra
sem ekki ólust þar upp. Og hátt í
fjórðungur Vestfirðinga kvaðst
hafa í hyggju að láta verða af
brottflutningi á næstunni. Enda
eru þeir sem beinlínis lýsa óánægju
með búsetu á núverandi stað hlut-
fallslega flestir á Vestfjörðum, eða
rúmlega tíundi hver Vestfirðingur.
Þótt beinnar óánægju gæti mun
minna á Austurlandi eru önnur
hlutföll svipuð, nema hvað „inn-
fæddir“ hafa þar engu minni hug á
brottflutningi heldur en „aðflutt-
ir“. Um 21% Austfirðinga hafa í
hyggjuað pakka niður á næstunni.
Allra hæst hlutfall fólks sem
helst vill búa annarsstaðar, yfir
40% er þó á Norðurlandi vestra,
þar af um 2/3 aðfluttra þangað.
Þrátt fyrir það ætla á hinn bóginn
ætla „aðeins“ um 14% þeirra að
láta verða af brottflutningi á næstu
árum.
Akureyri „besti“ staðurim?
Norðurland eystra er besti stað-
ur landsins til búsetu ef marka má
könnunina - Akureyri þó sérstak-
lega. Þar eru færri óánægðir og
vilja færri flytja heldur en af höfuð-
borgarsvæðinu. Um 82% Akureyr-
inga vilja helst búa áfram á staðn-
um og innan við 8% þeirra vildu
flytja í annan landshluta. Aðeins
1% Akureyringa er óánægður með
búsetu á staðnum en hins vegar
segjast 63% mjög ánægðir. Svo
mikla ánægju var hvergi að finna
annarsstaðar. Þessi ánægjaogófýsi
á flutninga var raunar litlu minni á
Norðurland eystra í heild. Þetta
landssvæði sker sig einnig úr að því
leyti, að aðeins örfáir þeirra sem á
annað borð vilja flytja langar til
höfuðborgarinnar, öfugt við þá
sem flytjast vilja frá öðrum lands-
svæðum, t.d. meira en fjórða hvern
Vestfirðing.
Leigubíll fór út af veginum í beygju á Stekkjarbakka í Breiðholti í gærmorgun um ki.7.40. Þarna er
víðáttumikið opið svæði og fór bíllinn langt út fyrir veginn og valt margar veltur. Ökumaður var einn í bflnum
og slasaðist hann alvarlega á höfði og gekkst undir aðgerð á Borgarspítalanum í gær.
Ekki er vitað um ástæður þess að ökumaður missti bflinn út af en hált var í Breiðholtinu í gærmorgun. Að
sögn lögreglunnar lék ekki grunur á að um ölvun hefði verið að ræða og ekki var vitað hvort maðurinn notaði
öryggisbelti en sem kunnugt er eru atvinnubflstjórar sjálfráðir um hvort þeir nota bflbeltin eða ekki.
Bfllinn sem er af Mercedes Benz gerð skemmdist mjög mikið í veltunni, yfírbygging hans lagðist saman og
beita þurfti klippum til að ná ökumanni úr flakinu. Túnamynd Pjeiur
Ekki allir ánægðir
í Reykjavík
Um 3 af hverjum 4 íbúum höf-
uðborgarsvæðisins vilja helst búa
áfram í sama bæjarfélagi, en um
tíundi hver vildi helst búa utan
svæðisins. Töluverður munur er
þar á innfæddum og aðfluttum. Því
um 17% þeirra sem flutt hafa til
höfuðborgarinnar vildu eigi að síð-
ur helst búa annarsstaðar, eða
hlutfallslega þrefalt fleiri en í hópi
innfæddra. Aðeins um 5% hyggja
þó á brottflutning af svæðinu innan
tíðar og helmingi færri eru beinlínis
óánægðir með búsetuna.
Ungir á faraldsfæti
Tæplega fimmti hver íbúi höf-
uðborgarsvæðisins kvaðst hafa
flutt milli byggðarlaga á síðustu 5
árum, þ.e. til höfuðborgarsvæðis-
ins. Tæplega sjöundi hver íbúi
allra annarra landshluta hafði flutt
milli byggðarlaga. Hæst var hlut-
fallið á Vestfjörðum, meira en
fjórði hver (27%) hafði flutt á
þessu tímabili.
Fyrst og fremst er það unga
fólkið sem flytur. Þriðjungur allra
20-30 ára hafði flutt milli byggðar-
laga á þessum 5 árum, sem er tíu
sinnum hærra hlutfall en meðal
fólks yfir fimmtugt. Mest er um
háskólamenn og iðnaðarmenn á
faraldsfæti.
{ hópi þeirra sem ætla að flytja
er unga fólkið sömuleiðis flest.
Gangi eftir það sem lesa má úr
könnuninni verður ekki betur séð
en að litlir þéttbýlisstaðir, sérstak-
lega á Vestfjörðum og Austfjörð-
um, muni „deyja úr elli“ á næstu
áratugum.
Yfir þrefalt fleiri höfðu flutt til
höfuðborgarsvæðisins en frá því á
fimm árum. Athygli vekur, að
báðir hóparnir telja atvinnumál og
kjör hvað helstu ástæðu fyrir þeim
flutningum. Þá virðast húsnæðis-
mál veigamikill þáttur í flutningi
borgarbúa út á land. Athygli vekur
að nokkuð er um það að borgarbú-
ar flytja út á land vegna skorts á
dagvistarplássum. Á hinn bóginn
fara landsbyggðamenn til borgar-
innar vegna framhaldsnáms.
- HEI
::
Þriggja daga verkfall rútubílstjóra:
Talsverð harka í
verkfallsvörslu
Til mikilla átaka kom í gærmorgun
milli verkfallsvarða í Bifreiðastjóra-
félaginu Sleipni og rútubílstjóra á
vegum Landleiða. Verkfallsverðir
hleyptu úr dekkjum og skvettu ryð-
varnarefni á framrúður. Verkfall
Sleipnis mun standa í þrjá daga, en
félagið fer fram á rúmlega helmings
hækkun á launum.
Halldór Bergsson formaður verk-
fallsnefndar sagði að Sleipnir vildi
með þessu þriggja daga verkfalli
þrýsta á viðsemjendur sína. Enginn
samningafundur hefur verið boðað-
ur enn sem komið. Vinnuveitendur
segja að tilgangslaust sé að ræða
kröfur Sleipnismanna vegna þess að
þær séu allt of háar.
Verkfallsverðir hafa verið sakaðir
um að skera í sundur dekk á einni
rútu, en Halldór Bergsson segir að
sú ásökun eigi ekki við rök að
styðjast. Ekið var á einn verkfalls-
vörð í gærmorgun þegar hann hugð-
ist koma í veg fyrir að leigurúta á
vegum Landleiða gæti ekið af stað
frá Hafnarfirði. Maðurinn mun ekki
hafa orðið fyrir alvarlegum meiðsl-
um.
Átök verkfallsvarða og Landleiða
stafa m.a. af því að Landleiðir
viðurkennir ekki að fyrirtækið eigi í
vinnudeilu við Sleipni. Rútubílstjór-
ar sem vinna hjá Landleiðum voru
til skamms tíma í sérstöku félagi, en
hafa nú lagt það niður og gengið í
Sleipni.
Ferðir hjá Norðurleið hf., milli
Akureyrar og Reykjavíkur, lágu
niðri í gær. Sömu sögu er að segja af
ferðum Kynnisferða hf., en fyrirtæk-
ið annast m.a. ferðir milli Reykja-
víkur og Keflavíkur með flugfar-
þega. Verkfallsmenn hafa haft af-
skipti Vestfjarðaleið, rútum á Sel-
foss og rútum sem flytja fóik til og
frá vinnu á Grundartanga. í gær
reyndu verkfallsverðir frá Sleipni að
koma í veg fyrir að rútur, sem flytja
starfsmenn álversins í Straumsvík til
og frá vinnu, kæmust leiðar sinnar,
en það mun ekki hafa tekist. í dag
hyggjast verkfallsverðir stöðva al-
gerlega þessar ferðir. -EÓ