Tíminn - 02.03.1990, Blaðsíða 16

AUGLÝSINGASÍMAR: 680001 -686300 |
RÍKISS^IP NÚTÍMA FLUTNINGAR Halnarhúsinu v/Trvggvagölu, S 28822 SAMVINNUBANKII^^ í BYGGDUM lANDSINS : PÓSTFAX TÍMANS 687691 et*O.B"-ASr0 ÞRDSTUR 685060 VANIR MENN
Tíminn
FÖSTUDAGUR 2. MARS 1990
Steingrímur Hermannsson forsætisráöherra varar viö óþolinmæöi í vaxta
og verðlagsmálum en segir ríkisstjórninafylgjastgrannt meðáhliðarlínunni:
Munum skoða vexti
verði þess óskað
Sú ákvöröun bankanna að lækka forvexti víxla minna en
skuldabréfavexti hefur vakið upp hörð viðbrögð úr herbúð-
um vinnuveitenda og verkalýðshreyfingarinnar. Bæði
Björn Grétar Sveinsson form. verkalýðsfélagsins Jökuls á
Hornafirði og Einar Oddur Kristjánsson formaður VSÍ
hafa talað um að þetta sé brot á samkomulagi við bankana
sem gert var í tengslum við kjarasamningana. Þetta hefur
enn ekki komið til kasta ríkisstjórnarinnar en að sögn
Steingríms Hermannssonar fylgist ríkisstjórnin grannt með
þróun mála.
„Vissulega hef ég mínar áhyggj-
ur líka“, sagði Steingrímur þegar
ummæli Björns Grétars og Einars
Odds voru borin undir hann. Hann
sagði þó að sem einkum hefði farið
úr böndunum hafi verið uppmæl-
inartaxtinn sem orsakað hafi
óvænta 0,8 % hækkun á bygginga-
vísitölunni og þar með lánskjar-
avísitölunni. Síðan hafi verið tekið
á þeim málum og Verðlagsstofnun
falið að leiðrétta þetta og hækkun-
ina á að reikna til baka. „Ég er
þeirrar skoðunar að þegar það er
gert hafi bankarnir enga afsökun á
að standa ekki við sitt. En að vísu
er lánskjaravísitalan nú hærri og
því miður hefur það nú verið
áragömul reynsla mín af banka-
kerfinu að það fórnar litlu. Ég hef
einmitt oft gagnrýnt það, og gott
að fleiri fái að reyna hvernig það
stendur sig í þeim málum,“ sagði
Steingrímur.
Forsætisráðherra undirstrikaði
að kjarasamningarnir hafi verið
gerðir án beinna afskipta stjórn-
valda en ef verkalýðshreyfingin
eða vinnuveitendur kæmu með er-
indi til sín um að bankarnir hafi
brotið þarna samkomulag þá
myndi hann leggja það fyrir í
ríkisstjórn og síðan yrði það vænt-
anlega tekið upp við Seðlabank-
ann.
Steingrímur sagði að ríkisstjórn-
in fylgdist mjög náið með fram-
vindunni og kvaðst hann mjög
ánægður með það stranga verðlags-
eftirlit sem nú væri í gangi. Ljóst
væri að fjölmargir aðilar væru að
reyna að komast framhjá þessu
samkomulagi þó sér væri kunnugt
um að t.d. VSf hafi gengið mjög
hart fram í að binda hendur sinna
félagsmanna. „Það var ekki óskað
eftir verðstöðvun, einmitt vegna
þess að verðstöðvun er alltaf nokk-
uð hættuleg framkvæmd upp á
framtíðina og svo vegna þess að
menn treystu því að unnt yrði að
fá alla aðila til að taka þátt,“ sagði
Steingrímur um mikilvægi þess að
það samkomulag sem gert var í
tengslum við samningana héldi.
Ríkisstjórnin sem slík hefur ekki
komið að þessum síðustu hlutum
ennþá, segir Steingrímur, en hún
hefur beitt sér bæði í sambandi við
uppmælingataxta og byggingavísi-
töluna og eins í sambandi við
verkfræðinga. „Það hefur hins veg-
ar ekki verið óskað eftir því að
ríkisstjórnin komi að þessu með
vextina, að minnsta kosti ekki
ennþá," sagði forsætisráðherra.
Hins vegar benti hann á að menn
mættu ekki vera of óþolinmóðir
því í rauninni væri það ekki fyrr en
í maí sem þýðingarmestu vísitölu-
mælingarnar yrðu gerðar. Menn
hafi gefið sér undirbúningstíma
fram í maí og þá hæfust hinar
eiginlegu mælingar sem samið var
um í samningunum. - BG
Steingrímur Hermannsson for-
sætisráðherra

„Velkominn í kabarettinn,u sagöi Ragnar Kjartansson viö Albert Guömundsson þegar þeir heilsuðust í Sakadómi
í gær. Tímamynd: Pjetur
Albert í vitnastúku
Albert Guðmundsson, sendiherra
íslands í Frakkiandi og fyrrverandi
ráðherra er nú staddur hér á landi,
en fer aftur ytra í dag. Erindi Albcrts
er að bera vitni fyrir Sakadómi í
Hafskipsmálinu, en jafnframt hefur
kona hans lagst inn á sjúkrahús hér
vegna þrálátra veikinda er hún hefur
átt við að stríða undanfarin ár.
í yfirheyrslunum í Sakadómi var
Albert m.a. spurður út í styrk þann
sem hann hafði milligöngu um að
veita Guðmundi J. Guðmundssyni
vegna heilsubrests þess síðarnefnda,
en ekkert nýtt kom fram í framburði
Alberts um það mál.
Tíminn náði tali af Alberti í gær
og innti hann eftir hvernig hann
kynni við sig sem sendiherra íslands
í París.
„Mér líkar vel við starfið og þetta
gengur bara mjög vel,“ sagði hann.
„Ég vinn þarna með góðu samstarfs-
fólki, gamlir félagar mínir hafa mikið
samband og ég kann ágætlega við
mig. Ég hef reiknað með því að ég
verði hér alla vega í nokkur ár, eins
og búist var við þegar ég fór út. Hins
vegar hef ég ekki skipulagt þessi mál
neitt langt fram í tímann.“
Að sögn Alberts er nú verið að
ganga frá viðskiptasamningi á milli
Islands og Frakklands um sölu á
skelfíski þangað út, þróunin hefur
verið sú að undanförnu að útflutn-
ingur á físki til Frakklands hefur
verið að aukast. - ÁG
Óvenjuleg staða á Norðurlandaráðsþingi:
Rafmagnsleysi
í vesturbænum
Rafmagnslaust varð í vesturhluta
Reykjavíkur klukkan hálf sex í gær.
Um sjö leytið fór rafmagn af fleiri
hverfum, m.a. af Hlíðunum. Erfið-
lega gekk að finna bilunina sem var
í háspennustreng í aðveitustöð við
Barónsstíg. Önnur óþekkt bilun
mun hafa orðið í rafkerfinu, en tengt
var framhjá henni til bráðabirgða.
Rafmagn komst á að nýjum um
klukkan hálf átta.
Rafmagn fór m.a. á Háskólabíói,
en þar stóð yfir fundur í Norður-
landaráði. Sími varð einnig óvirkur
í bíóinu. Verið var að ræða um
nauðsyn orkusparnaðar þegar raf-
magnið fór. Þingmenn létu ekki slá
sig út af laginu en héldu þingstörfum
áfram við kertaljós. - EÓ
Grímuklæddu ræningjarnir á Seltjarnarnesi:
Fengu dóm upp á
4 ára fangelsi
Hæstiréttur hefur staðfest dóm
Sakadóms Reykjavíkur í máli
þriggja manna er brutust grímu-
klæddir inn á heimili aldraðra
hjóna á Seltjarnarnesi í september
1988, beitt þau ofbeldi og höfðu á
brott með sér verðmæti. Mennirnir
voru dæmdir til fjögurra ára fang-
elsisvistar. Þeir heita Gústav Rein-
holt Gústavsson, 28 ára, Hallgrím-
ur Pétur Gústavsson, 30 ára og
Magnús Gunnar Baldvinsson, 32
ára.
Mennirnir veittu hjónunum
mikla áverka, maðurinn marðist á
höfði og fingur hans brotnaði og
hljóp úr liði. Konan mjaðmagrind-
arbrotnaði. Árásarmennirnir
höfðu á brott með sér, eftir að hafa
neytt hjónin til að benda sér á hvar
verðmæti væri að finna, 15 þúsund
krónur í peningum, gullhálsmen, 6
gullhringi, 6 bjórdósir og 9 eða 10
áfengisflöskur. - ABÓ