Tíminn - 07.03.1990, Blaðsíða 4
4 Tíminn
Miðvikudagur 7. mars 1990
FRÉTTAYFIRLIT
TEL AVIV - Ráö.herra
Verkamannaflokksins í ísrael
hafa gefið Yitzhak Shamír for-
sætisráöherra sólarhringfrest
til þess að samþykkja áætlun
Bandaríkjamanna um friöar-
viðræður ísraela og Palestínu-
manna, ella mum þeir segja
sig úr stjórninni.
BISHO - Hinir nýju stjórn-
endur heimalandsins Ciskei
hafa sett á neyðarlög til þess
að koma á lögum og reglu eftir
óöld sem verið hefur í kjölfar
valdaránsins um helgina.
MOSKVA - Sovéska þingið
samþykkti ný eignaréttarlög
sem gefa víðtækan rétt til
einkaeignar og einkarekstur í
Sovétríkiunum. Þessi lög eru
Mikhaíl Gorbatjsof nauðsynleg
til þess að koma umbótaáætl-
unum sínum í framkvæmd, en
hann hyggst veita bændum
rétt til eigin framleiðslu á eigin
landi sem þeir síðan selja á
markað til að auka matvæla-
framleiðslu í Sovétríkjunum.
LUANDA - Fundur hátt-
settra embættismanna í ríkis-
stjórn Angóla og í skæruliða-
samtökunum Unita ættu að
geta hafist næstu daga. Unita
segist reiðubúin til að skrifa
undir voþnahlé. Það er stjórnin
líka.
MANAGUA - Skæruliðar
Kontra halda enn uppi árásum
á stöðvar Sandínista í
norðurhluta Níkaragva þrátt
fyrir áð sameiginleg sendi-
nefnd Violetu Chamorro verð-
andi forseta og kaþólsku kirkj-
unnar séu nú í Hondúras til að
fá Kontra til að leggja niður
vopn.
BONN - Fyrstu hópar þeirra
200 þúsund manna af þýsku
bergi brotnu sem gert er ráð
fvrir að yfirgefi heimaland sitt í
Rúmeniu áomu til Vestur-
Þýskalands.
njósnaþotan,
jánýjunraða-
WASHINGTON - Banda-
ríska SR-71
„Svartfugl", flaug a nýju
meti úr tveggja áratuga langa
þjónustu í leyniþjónustu hers-
ins inn á safn þar sem
„Svartfugl“ mun dvelja hér
eftir.
WASHINGTON - Aukin
list Sovétmanna á kjöti frá
Vesturlöndum gætu orðið til
þess að neyða Bandaríkja-
menn til að auka framlög til
niðurgreiðslna
á kjöti, vegna aukinnar sölu á
nautakjöti og svínakjöti í
Moskvu.
ÚTLÖND
Ekkert viröist bíta á Najibullah:
Misheppnuð byltingar
tilraun í Afganistan
Ekkert virðist bíta á Najubullah forseta Afganistan sem
haldið hefur sjó hvað sem á hefur gengið í styrjöldinni í
landinu undanfarin ellefu ár. Varnarmálaráðherra Kabúl-
stjórnarinnar Shahnawaz Tanai og hersveitir hollar honum
gerðu í gær tilraun til að steypa Najibullah af stóli, en eftir
harða bardaga á götum Kabúl náðu stjórnarhermenn Kabúl-
stjórnarinnar yfirhöndinni og er Tanai nú flúinn til fjalla.
útgöngubann ríkir nú í Kabúl, en allt virtist orðið með kyrrum
kjörum í gærkveldi.
Fyrstu fréttir af byltingartilraun-
inni komu fram
á blaðamannafundi Gennady Gera-
simov talsmanns utanríkisráðuneytis
Sovétríkjanna, en hann skýrði frá
því að óþekktar orrustuþotur hefðu
gert árás á forsetahöllina og barist
væri á götum Kabúl. Hins vegar
vissu Sovétmenn þá ekki hvort um
byltingartilraun væri að ræða eða
hvort skæruliðar hefðu fært sig svo
ærlega upp á skaftið.
Þegar líða tók á daginn kom í ljós
að einhverjar hersveitir innan stjórn-
arhersins hefðu reynt að steypa Naji-
bullah af stóli og kom síðar í ljós að
Tanai varnarmálaráðherra væri for-
sprakkinn. Ríkisútvarpið í Kabúl
sagði að Tanai hefði gert samsæri
með Gulfbuddin Hekmatayar leið-
toga Hezb-i-Islami flokksins, en
skæruliðar þeirra berjast með Muja-
hideen skæruliðahreyfingunni í Af-
ganistan gegn Kabúlstjórninni.
Hekmatayar hafði áður gefið út
yfirlýsingu um að Hezb-i-Islam
styddi byltingartilraunina og hvatti
alla skæruliða til að veita byltingar-
mönnum liðsinni sitt.
Ljóst er að liðstyrkur skæruliða
kom Tanai og uppreisnarhermönn-
um hans að litlu liði því þeir voru
yfirbugaðirá nokkrum klukkustund-
um. Sagði í yfirlýsingu Najibullah í
Kabúlútvarpinu að aðilar byltingatil-
raunarinnar hefðu náðst og þeim
verið refsað, auk þess sem sumir
hefði gefið sig fram við höfuðstöðvar
stjórnarhersins og yrði vægar tekið á
yfirsjónum þeirra.
Nú er eitt ár liðið frá því síðasti
sovéski hermaðurinn yfirgaf Afgan-
istan. Á sínum tíma spáðu flestir
falli Najibullah eftir að sovéskra
hersveita nyti ekki lengur. Þvert
ofan á allar spár þá hefur Najibullah
og stjórnarherinn haldið velli, en
sundrung virðist ríkja í liðið skæru-
liðar. Þrátt fyrir miklar mannfórnir
hafa skæruliðar ekki náð neinni
stórri borg á sitt vald þó þeir ráði
mestu í dreifbýlinu.
Najibullah sem varð forseti Af-
ganistan árið 1987 eftir að Barbal
Karmal var vikið frá, hefur ríkt af
miklum myndugleik og hvorki látið
árásir skæruliða, brotthvarf sovéska
hersins, né nokkuð annað hafa áhrif
á þá staðfestu sína að halda völdum
í Afganistan. Najibullah sem hafði
Ekkert virðist bíta á NajibuIIah forseta Afganistan. Hann kæfði byltingartil-
raun varnarmálaráðherrans Tanai í gær, án teljandi vankvæða.
verið yfirmaður leyniþjónustu Ka-
búlstjórnarinnar í átta ár áður en
hann varð forseti, hefur að vísu
boðist til þess að mynda þjóðstjórn
með skæruliðum, en vilja gefa eftir
valdastól sinn. Það er því ekki að
ófyrirsynju að Najubullah gagni
undir nafninu Uxinn.
Vestur-þýska ríkisstjórnin:
KOHL GAF EFTIR
LANDAKRÖFURNAR
Helmuth Kohl kanslari Vestur-
Þýskalands var að gefa eftir landa-
kröfur á Pólverja til að bjarga ríkis-
stjórn sinni. Kohl hafði sýnt mikla
hörku í því að láta ekki af kröfum
um að sameinað Þýskaland fengi
aftur það landssvæði sem tilheyrði
Þýskalandi fyrir stríð, en Pólverjum
var fengið í skaðabætur fyrir pólsk
landssvæði í austri scm Sovétríkin
innlimuðu í veldi sitt. Samstarfs-
flokkar hans í ríkisstjórninni voru
Kohl ósammála og stefndi því allt í
stjórnarkreppu í Vestur-Þýskalandi
í fyrradag. En á fundi ríkisstjórnar-
innar í gærmorgun var gert út um
málið og mun vesturþýska ríkis-
stjórnin ekki gera kröfu á Pólverja
um að þeir skili landinu, sem er
auðugt af ýmsum jarðefnum.
Kohl hafði reyndar boðist til að
láta af landakröfunum ef Pólverjar
myndu lýsa því yfir að þeir muni
ekki krefjast stríðsskaðabóta af sam-
einuðu Þýskalandi, en eiginlegir
friðarsamningar Þýskalands við önn-
ur ríki hefur ekki verið undirritaður
vegna skiptingar landsins undan-
farna áratugi. Vestur-Þjóðverjar
hafa því skorið úr um að þeir muni
ekki krefjast lands, skilyrðislaust.
Ríkisstjórn Vestur-Þýskalands un
þess í stað teggja frumvarp fyrir
Bunderstag, þing Vestur-Þýska-
lands, þar sem farið er fram á að
samið verði um núverandi landa-
mæri Póllands og Austur-Þýska-
lands, verði af sameiningu þýsku
ríkjanna.
Þess má geta að allar líkur benda
til þess að viðræður um sameiningu
þýsku ríkjanna muni hefjast þegar í
þessari viku, áður en frjálsar kosn-
ingar verða haldnar í Austur-Þýska-
landi 18.mars. Hingað til hefur verið
gert ráð fyrir að viðræður um hugs-
anlega sameiningu hefðust ekki fyrr
en nýr meirihluti Volkskammer,
austurþýska þingsins, hefði verið
kjörinn og ný ríkisstjórn mynduð.
Sovétríkin:
Mun Jeltsin verða
forseti rússneska
ríkjasambandsins?
Hinn róttæki umbótasinni Boris
Jeltsin segir það koma vel til greina
að hann bjóði sig fram til forseta
Rússneska ríkjasambandsins, sem
samanstendur af sovétlýðveldun-
um Rússlandi, Hvíta-Rússlandi og
Úkraínu. Ef Jeltsin næði kjöri, þá
gegni hann næst Mikhaíl Gorbat-
sjof forseta Sovétríkjanna í þessu
ríkjasamdandi sem telur 280 millj-
ónir manna.
Jeltsin sem á sínum tíma var
rekinn úr stjórnarnefnd kommú-
istaflokksins og settur af sem yfir-
maður Moskvudeildar flokksins
vegna þess að hann vild hraða
umbótum, var kjörinn á þing Rúss-
lands á sunnudaginn með 80%
atkvæða. Hann hefur verið sá aðili
sem hvað harðast hefur gagnrýnt
Mikháil Gorbatsjof forseta Sovét-
ríkjanna og segir að umbótastefna
hans gangi of skammt og og hægt.
Hefur Jeltsin gefið út bók þar sem
hann segir Gorbatjsof haga sér
eins og keisari.
Eiturlyfjasmygl frá Panama til Bandaríkjanna:
Bandarískir hermenn
taka við af Noriega
Eiturlyfjasmyglarar í Panama
deyja ekki ráðalausir þó að Noriega
hershöfðingi sem Bandaríkjamenn
hafa sakað um stórfellt eiturlyfja-
smygl til Bandaríkjanna hafi verið
klófestur. Eins og kunnugt er réðust
Bandaríkjamenn með fjölmennu
herliði inn í Panama til að stöðva
eiturlyfjasmygl Noriega og ná í
skottið á honum. Það tókst eftir að
bandaríski herinn hafði lagt heilu
íbúðahverfin í rúst og fellt fjölda
panamískra borgara.
Að undanförnu hefur bandaríska
innrásarliðið að snúa aftur til Banda-
ríkjanna, en margir hermannanna
hafa ekki farið með hendur tómar.
Eiturlyfjasmyglararnir hafa fengið
fjölda hermanna til að smygla með
sér kókaíni til Bandaríkjanna og
hafa hermennirnir fengið vænar fúlg-
ur fyrir vikið. Frá þessu skýrði
bandaríska sjónvarpsstöðin CBS í
gær.
f frétt sjónvarpsstöðvarinnar kem-
ur fram að hernaðaryfirvöld banda-
rísk hafa komið upp um hring eitur-
lyfjasmyglara sem samanstóð af sjö
Kólumbíumönnum og tveimur
Bandaríkjamönnum. Höfðu þeir
náð að smygla þó nokkru magni
kókaíns til Bandaríkjanna með
bandarískum hermönnum sem sneru
heim eftir innrásina í Panama. Alls
hafa 13 þúsund hermenn verið sendir
heim frá Panama eftir innrásina og
er ógjörningur að fylgjast með þeim
öllum til að koma í veg fyrir smygl.
í frétt sjónvarpsstöðvarinnar kom
einnig fram að sprengingar þær er
urðu á næturklúbb í Panama um
helgina þar sem einn bandarískur
hermaður fórst og tuttugu og sjö
manns særðust hefðu orðið í tengsl-
um við handtöku smygUranna sjö.