Tíminn - 22.09.1990, Blaðsíða 4

Laugardagur 22. september 1990
Laugardagur 22. september .1990
12 W. HELGIN
HELGIN W Í3
Aut
„í Englandi bíður mín autt herbergi. Ég
tek ekkert með mér þangað inn nema
minn eigin hugarheim og fáeinar skissur.
Upp frá því getur allt gerst. Það eina sem
ég hef ákveðið er að vinna eins og brjálæð-
ingur og sýna afraksturinn einhvem tíma á
árinu 1992.“
Sigurður Þórir listmálari er nýbúinn að
senda fjölskylduna til Reading við Lundúni
og fer sjálfur í kjölfarið þegar sýningu
hans í Listasafni ASÍ lýkur 23. september.
Þar ætlar hann svo að dvelja í tæpt ár.
Auða herbergið er vinnustofan sem bíður
tilbúin eftir honum.
„Eiginlega er þetta ævintýramennska,“
segir Sigurður Þórir og lætur eins og
spumingin komi flatt upp á hann. „Um-
hverfíð hefur alltaf verið áleitið í mínum
myndum og mér finnst spennandi að fara í
algerlega nýtt umhverfi og sjá hvað kemur
út úr því. Það er óhjákvæmilegt annað en
það hafi mikil áhrif, því annars væri maður
ónæmur og einrænn, einhver taugalaus
tréhestur. Og það er ég alls ekki.“
\
vegna þinna nánustu
A nœstu
dögum .
mun fjölda Islendinga
Innihald þess markar
þáttaskil í
íslenskri tryggingasögu
MEÐ VÁTRYGGINGAFÉLAG ÍSLANDS HF AS BAKHJARLI
itMÚU 3. SÍMI 60 SO iO, PÓSTHÓlf 8400. 13! REYKJAVIK
Heimslistin til sýnis
Bretar hafa alla heimslistina til sýnis í
söfnum. Landkönnuðir þeirra og
frumkvöðlar fornleifafræðinnar víluðu
ekki fyrir sér að taka með sér fornar
egypskar og grískar gersemar heim.
Afríka, Indland og mörg fleiri lönd
urðu fyrir barðinu á þeim. Rán og rupl
segja sumir, björgun menningarverð-
mæta fullyrða aðrir, en eftir situr sú
staðreynd að hvergi á heimsbyggðin
öll greiðari leið að heimslistinni en
einmitt í breskum söfnum.
„Þeir hafa líka verið duglegir við að
kaupa listaverk frá öllum heimsins
hornum,“ bendir Sigurður Þórir á.
„Og þar fyrir utan er breska samfélag-
ið í dag ákaflega margbrotið og galler-
íin þar endurspegla þetta fjölþjóðlega
umhverfi. Þetta á líka að verða náms-
ferð hjá mér og frá Bretlandi ætla ég
að fara í kynnisferðir til annarra borga
í Evrópu.“
Hugmyndin að dvölinni ytra kvikn-
aði fyrst hjá eiginkonu Sigurðar. Hún
heitir Sigrún Ágústsdóttir og hafði
hug á að kynna sér námsráðgjöf. Hún
gat gert það bæði hérlendis og í ýms-
um öðrum löndum, en ástæðan fyrir
því að England varð fyrir valinu var að
þar gæti Sigurður ekki síður nýtt sér
dvölina. Þau eiga tvö börn, Geirmund
Örn sem er 19 ára og Helgu, 13 ára,
og fara þau bæði með.
Dauður maður án mál-
verksins
Þegar Sigurður Þórir talar um vinnu
sína og fjölskylduna gætir sérkenni-
legrar mótsagnar í máli hans, sem
kannski er dæmigerð fyrir afstöðu
listamanna til fjölskyldna sinna.
„Ég get ekki verið án þess að mála.
Og best þykir mér að fara einn í sum-
arbústað í svona viku tíma, skilja eftir
símann og blöðin, börnin, konuna, er-
ilinn og allt mitt daglega líf og tæma
hugann algerlega. Að komast í harm-
óní við náttúruna skiptir sköpum og
eftir eina svona viku hef ég 30 til 40
skissur sem ég get síðan unnið áfram
með á vinnustofunni. Að mála er allt
mitt líf. Ef ég þyrfti að velja á milli
þess og einhvers annars myndi ég
velja málverkið.“
„Gildir það líka um fjölskylduna?“
„Já,“ svarar Sigurður hiklaust, en
þegar hann heldur áfram að tala um
fjölskyldu sína er hvert orð borið uppi
af sterkum straumi þakklætis og virð-
ingar. „Fjölskyldan mín skilur þetta.
Ef ég hefði ekki málverkið væri ég
dauður maður. Það er svo furðulegt,
en konan mín er sú manneskja sem
skilur þetta best. Henni er ljóst hvað
mér er mikil alvara með myndlistinni
og hún hefur stutt mig af alefli. Þegar
ég ákvað að hætta að kenna í Mynd-
listaskólanum árið 1984 til að helga
mig myndlistinni með öllu því óöryggi
sem því fylgdi var hún sú eina sem
studdi mig og hvatti. Síðan hefur allt
snúist um það að vera málari. Meðan
ég var í kennslu gat ég ekki sinnt mál-
verkinu heilshugar. Maður vill gera
allt vel og ég vildi vera góður kennari.
Ég held ég hafi verið það. Það þýddi að
ég varð stöðugt að miðla mínum nem-
endum og gefa af mér. Það var ekkert
eftir fyrir mínar myndir. Á þessum
tíma voru allir að kvarta. Enginn seldi
neitt af myndum en ég hugsaði bara
með mér; úr því allir eru kvartandi
hlýtur að vera óhætt fyrir mig að hella
mér út í málverkið. Ég vissi að ef ég
gerði það ekki myndi ég eyða ævinni
við að naga mig í handarbökin og ekki
er það skemmtilegt. Um þetta leyti las
ég ævisögu Kjarvals og uppgötvaði að
hann lifði allt sitt líf á víxlum og ve-
seni. Fyrst hann gat það hlaut ég að
geta gert það líka og fjölskyldan mín
var tilbúin í slaginn með mér,“ segir
Sigurður.
Fólk er bara svona
elskulegt
Fyrstu árin voru erfið. Sigrún vann
fyrir föstum útgjöldum fjölskyldunnar
og fljótlega fór Sigurður Þórir að sýna
myndir sínar.
,Á fyrstu sýningunum seldust þetta
frá einni upp í sex, sjö myndir. Það var
ekkert ósvipað og hjá mörgum öðrum.
Á sýningu minni á Kjarvalsstöðum ‘88
varð mikill vendipunktur. Þar seldi ég
vel og allt í einu þurfti ég ekki að fá
vasapeninga lengur hjá Sigrúnu.
Hvers vegna ég seldi? Ég veit það
ekki,“ segir Sigurður og hugsar sig
um drykklanga stund.
„Ég held að fólk sé bara svona elsku-
legt,“ svarar hann allt í einu af fullri
einlægni. „í sannleika sagt þá reiknaði
ég aldrei með því að selja myndir.
Hvort listamaður selur mikið eða lítið
er auðvitað lítill mælikvarði á hvort
list hans er góð eða slæm. En það
skiptir listamanninn samt miklu máli
að geta selt myndir.“
Sigurður fer daglega til vinnustofu
sinnar og leggur áherslu á að það sé
honum algerlega ómissandi.
„Ég er eins og allt annað fólk sem fer
til vinnu sinnar. Ég mála á hverjum
degi. í raun og veru er ég vinnubrjál-
æðingur. Einstaka sinnum hefur kom-
ið fyrir að ég hef þurft að útrétta og
sinna erindum og hef ekki komist í að
mála þann daginn. Samt verð ég að
skreppa inn á vinnustofuna mína eins
og til að ná sambandi við sjálfan mig.
Annars er dagurinn týndur, eins og
honum hafi aldrei verið lifað.“
Málverkið gerði mig að
taóista
„Hvernig ertu þegar þú málar? Reið-
ur?“
„Ég er aldrei reiður þegar ég mála.
Ég verð að vera í algeru jafnvægi til að
geta málað, eins konar hugleiðslu-
ástandi. Málverkið hefur eiginlega gert
mig að hálfgerðum taóista. Eg þoli
ekki truflanir og heldur ekki stöðnun.
Ég verð að vera í góðu sambandi og
finna mína myndauppsprettu innra
með mér, því ég mála það sem ég
hugsa.“
„Og myndirnar, hvernig eru þær?“
„Ég hef eiginlega gengið í gegnum
þrjú tímabil sem málari. Öll fjalla þau
um manninn og umhverfi hans.
Fyrsta tímabilið var svona heimspólit-
ískt. Þá leitaði ég afskaplega langt að
umhverfi mannsins. Á næsta tímabili
færðist umhverfið nær manninum og
Sigurður Þórir með nokkrum
verka sinna
ég málaði manninn í vinn-
unni, atvinnulífsmyndir.
Þriðja tímabilið mitt sem er
núna er eiginlega innra um-
hverfi mannsins. Maðurinn
er sjálfur umhverfi sitt. Ég er
að leita að nýrri fegurð í
manninum sjálfum og um-
hverfi hans og myndirnar
mínar eru einhvers konar út-
ópía um það hvernig maður-
inn ætti að harmónera í sínu
umhverfi. Svo kemur tog-
streita milli manns og konu
oft fyrir í myndunum mínum
og þetta er auðvitað einhvers
staðar úr sjálfum mér því ég
nota mínar eigin upplifanir í
myndirnar."
„Kanntu einhver nöfn yfir
þinn stíl? Notarðu einhver
nöfn?“
Stíll skiptir engu
máli
Sigurði Þóri líst ekki nema
miðlungi vel á spurninguna.
,Æi nei. Mig varðar ekkert
um stfl eða stefnu eða snobb.
Ég er bara að mála mínar
myndir og það er ekki mitt
mál að kalla þær einhverjum
nöfnum. Og þó, kannski ex-
pressjónistísk rómantík.
Hljómar það ekki ágætlega?
Annars skiptir stfll engu máli
í sjálfu sér. Sumir segja að
málverk sé bara litir, línur og
form. Það er ekki rétt. Mál-
verk er litir, línur, form og
boðskapur. Listamenn eiga að
vita hvað þeir eru að vilja yf-
irleitt með því að mála. Með
því er ég ekki að halda því
fram að ég þurfi að segja fólki
hvernig það á að túlka mynd-
irnar mínar. Því ræður það
sjálft. En ég verð að vita
hverju ég vil koma frá mér,
hverju ég vil miðla. Svo geta
aðrir skilgreint."
,Áttu von á að myndir þínar
breytist við Englandsdvöl-
ina?“
„Það hef ég ekki hugmynd
um. í raun og veru getur allt
gerst. Þess vegna er þetta svo
spennandi."
ÍÓU3USJÓÁSÖGU
ÖMAR.HALU OG LADDI
sameina skemmtikiaftana
PANTIÐ TIMANLEGA
Uppselt var á allar sýningar
frá síðastliönum áramótum til vors.
OPINN DANSLEIKUR FRÁ KL. 23.30 TIL 3
MÍMISBAR opinn frá kl. 19.
Miðaverð (skemmtun + veislumatur) 3.900 kr.
Tilboð á gistingu.
Nánari upplýsingar í síma 91-29900.
I I& llj) líj) lf|
Ilj) ll$) l$) llj) Ifj)
llj) l$) llft líj) lf!
Ifj) & $ !$) lí^)
l& tj
llj) l^) l$) llj) líj)
l^) Ifj) I& l& Ij!
FYRSTA SYNING
LAUGARDAGSKVÖLDIÐ 22. SEPT