Tíminn - 29.05.1991, Page 5

Miðvikudagur 29. maí 1991
Tíminn 5
Samdráttur í starfsemi sjúkrahúsa landsins í sumar:
HOFUÐASTÆÐAN ER
SKORTUR Á FÓLKI
Nokkur samdráttur vcrður í starf-
semi sjúkrahúsa landsins í sumar.
Það, sem veldur þeirri röskun, er
skortur á sérmenntuðu starfsfólki
til sumarafleysinga, en afar erfltt
hefur verið að fá fólk til starfa í
sumar.
Svo virðist vera að fólk telji sig
frískara á sumrin og leggist frekar í
ferðalög en í rúmið eða undir
skurðhnífinn og bíði með það til
haustsins.
Ekki er enn Ijóst hvernig sjúkra-
húsin í Reykjavík munu mæta sam-
drætti vegna sumarleyfa hjúkrunar-
fólks, en ljóst er að einhverjar deiid-
ir verða lokaðar eða
ófullnýttar. Reynt verður að sam-
hæfa aðgerðir þannig að það komi
sem minnst niður á borgarbúum.
Helst verður reynt að samræma
lokanir þannig að ekki verði sömu
deiidirnar lokaðar á sama tíma á
milli spítalanna.
Fjórðungssjúkrahúsið á Akreyri
verður með fulla þjónustu fyrir
slysa- og bráðatilfelli. Starfsemi á
Gjörgæsludeild, Fæðingardeild og
Slysadeild verður óskert og munu
deildirnar starfa eftir þörfum.
Skurðstofur verða reknar með
helmingsafköstum. Innlögnum og
þar með aðgerðum verður því hald-
ið í lágmarki á Handlækninga-,
Bæklunar-, Háls-, nef- og eyrna-
deild, Augn- og Kvensjúkdóma-
deild. Öllum bráðatilfellum verður
þó sinnt, en dregið úr innlögnum á
öðrum legudeildum.
Minni umsvif verða á Fjórðungs-
sjúkrahúsinu á Norðfirði í sumar en
verið hefur, en ekki verður slakað á
hlutverki þess sem bráðasjúkrahús.
Kristinn ívarsson, framkvæmda-
stjóri sjúkrahússins, sagði að erfitt
hefði verið að ráða hjúkrunarfólk,
en annað hefði gengið vel. Ekki
væri skortur á læknum og gengi vel
að fá þá tii starfa.
Á Akranesi verður ekki veruleg
breyting á starfi sjúkrahússins, en
einhver samdráttur verður þó vegna
skorts á faglærðu starfsfólki, að
sögn Sigurðar Ólafssonar fram-
kvæmdastjóra. Hann sagði að
ástandið færi ekki batnandi, en
hann ætti ekki von á að neinir sjúk-
lingar yrðu sendir heim vegna
þessa. -SIS
í SÍÐUSTU viku fórfram Pressukeppni í ökuleikni. Einungis tveir keppendur mættu til leiks. Það
voru þeir Árni Bjarnason frá Tímanum og Sigurjón M. Egilsson frá RÚV og bar Árni hærri hlut.
Þetta er í þriðja sinn sem Árni vinnur keppnina. Á myndinni sjáum við þá félaga, svo og hinn
glæsilega bíl sem Hekla h.f. ætlar að gefa þeim sem stigahæstur verður í keppninni.
Auglýsing
um starfslaun listamanna til 3ja ára
Borgarstjórn Reykjavíkur hefur samþykkt að
veita sérstök starfslaun til listamanna til 3ja ára.
Þeir einir listamenn koma til greina við veitingu
starfslauna, sem búsettir eru í Reykjavík og að
öðru jöfnu skulu þeir ganga fyrir, sem ekki geta
stundað listgrein sína sem fullt starf. Skulu lista-
mennirnir í umsókn skuldbinda sig til þess að
gegna ekki fastlaunuðu starfi meðan þeir njóta
starfslaunanna.
Starfslaunin verða kunngerð á afmælisdegi
Reykjavíkur, hinn 18. ágúst ár hvert, og hefst
greiðsla þeirra 1. september eftir tilnefningu.
Umsóknum um starfslaunin skal skila til Menn-
ingarmálanefndar Reykjavíkurborgar, Austur-
stræti 16, fyrir 15. júlí n.k.
Borgarstjórinn í Reykjavík.
FÉLAG
JÁRNIÐNAÐARMANNA
Skemmtiferð 1991
Ferðalag með eldri félaga, 60 ára og eldri, og
maka þeirra um Vesturland og Dalina.
Gist á „Hótel Eddu“, Sælingsdal.
Farið verður frá Suðurlandsbraut 30 kl. 8:30
laugardaginn 15. júní og komið heim sunnudag-
inn 16. júní um kl. 18:00.
Leiðsögumenn: Árni Björnsson þjóðháttafræð-
ingur og Jón Böðvarsson, ritstjóri Iðnsögu ís-
lands.
Skráning er í síma 81 30 11 milli kl. 08:00 og
16:00.
Félag járniðnaðarmanna