Tíminn - 28.08.1991, Blaðsíða 9

Miðvikudagur 28. ágúst 1991
Tíminn 9
Heimsókn frú Vigdísar Finnbogadóttur til Skagafjarðar og Sauðárkróks dagana 23.-25. ágúst:
Suður með Tindastól
og brot úr Drangey
Þegar flugvél Flugmálastjómar lenti á Alexandersflugvelli við
Sauðárkrók kl. 9 á föstudagsmorgni si. var þegar mikill mann-
fjöldi mættur við flugvöllinn til að fagna komu forsetans.
Frá Guttormi Óskarssyni,
fréttaritara Tímans á Sauðárfcrókt
Þorsteinn Ásgrímsson, formaður
héraðsnefndar Skagafjarðar, ávarp-
aði forsetann og bauð hann velkom-
inn í heimsókn til Skagafjarðar.
Hópur bama raðaði sér upp og veif-
uðu bömin flöggum. Einn af ungu
piltunum afhenti Vigdísi blóm en
Vigdís ávarpaði bömin með sínum
kunna innileik og hlýju.
Karlakórinn Heimir undir stjóm
Stefáns Gíslasonar söng Skín við
sólu Skagafjörður, sem því miður
skein nú ekki sem skyldi þá stuhd-
ina. Því naest var ekið að tónlistar-
skólanum og snæddur morgun-
verður, sem matvælaframleiðendur
í Skagafirði bám fram á hlaðborði.
Magnús Sigurjónsson, fram-
kvæmdastjóri héraðsnefndar, ávarp-
aði forsetann og bauð hann velkom-
inn og sagði frá störfum héraðs-
nefndar Skagafjarðar sem nú hefur
tekið við störfum sýslunefndar.
Rögnvaldur Valbergsson lék á píanó
og karlakórinn Heimir söng nokkur
lög. Þá var farið að útsýnisskifunni á
Nöfúnum og í Sauðárgil, þar sem
forseti gróðursetti þrjár birkiplönt-
ur — fýrstu plöntumar í þessari
ferð. AIIs mun frú Vigdís hafa gróð-
ursett plöntur á átta stöðum í þess-
ari heimsókn til Skagafjarðar.
Forsetanum var boðið í Safnahúsið
að opnun á málverkasýningu skag-
firskra listamanna. Bærinn hefur
nýlega fest kaup á 45 málverkum
efdr skagfirska listamenn úr safni
hjónanna Gyðu Jónsdóttur og Ottós
Michaelsen. Þau hjón eru bæði frá
Sauðárkróki og hafa jafnan sýnt
þessum bæ mikla ræktarsemi. Við
opnun sýningarinnar afhentu þau
bænum að gjöf málverk Jóns Stef-
ánssonar, Furðustrandir, sem sýnir
vesturós Héraðsvatna og Tindastól.
Forseti bæjarstjómar þakkaði þessa
höfðinglegu gjöf.
Um hádegisbilið ók forseti og
fylgdarlið fram í Skagafjörð og
snæddi hádegisverð í Árgarði í boði
Lýtingsstaðahrepps. Elín Sigurðar-
dóttir oddviti stjómaði hófinu og
ávarpaði frú Vigdísi forseta og bauð
hana velkomna.
Forseti skoðaði m.a. bókasafn
hreppsins við leiðsögn Rósmundar
Ingvarssonar, formanns bókasafns-
nefndar, en bókasafnið telur 5500
eintök auk tímarita. Nokkrar stúlk-
ur úr Steinsstaðaskóla skemmtu
með Ijóðalestri og söng.
Áður en staðið var upp frá borðum
afhenti Elín Sigurðardóttir frú Vig-
dísi forseta hnakkgjörð, unna úr
hrosshári af Margréti Ingvadóttur
Ytri-Mælifellsá, með gömlum kop-
arhringjum. Forseti þakkaði gjöfina
og sló á létta strengi og sagði að nú
yrði hún líklega að kaupa sér hest
og koma ríðandi norður næsL Frú
Vigdís sagði í ræðu sinni m.a. að
hún væri þakklát fyrir skemmtileg-
ar og hlýjar móttökur á góðum degi
í Skagafirði.
Næsti áfangi forseta var Amarstapi
þar sem minnismerki Stephans G.
Stephanssonar stendur. Eftir
skamma viðdvöl þar heimsótti frú
Vigdís skátana Eilífsbúa og vígði
nýtt félagsheimili þeirra, Brekkusel.
Frú Vigdís er vemdari skátahreyf-
ingarinnar á íslandi. Inga Andreas-
sen skátaforingi þakkaði forseta
heimsóknina og afhenti henni sögu
Sauðárkróks eftir Kristmund
Bjamason fræðimann að gjöf frá
skátunum.
Komið var við í Víðimýrarkirkju og
hún skoðuð, en forsetinn og fylgd-
arlið hans söng sálminn Þú guð sem
stýrir stjamaher — uppáhaldssálm
frú Vigdísar.
Forsetinn hélt nú að Miðgarði þar
sem þrír hreppar; Seyluhreppur,
Akrahreppur og Staðarhreppur
buðu forseta til kaffisamsætis. Séra
Gísli Gunnarsson flutti ávarp til for-
seta og bauð hann velkominn, svo
og alla veislugesti, sem voru fjöl-
margir og salurinn þröngt setinn.
Gerði hann einnig stutta héraðslýs-
ingu í ræðu sinni. Karlakórinn
Heimir undir stjóm Stefáns Gísla-
sonar söng nokkur lög. Þá léku
feðginin Stefán Gíslason á píanó og
Berglind dóttir hans á þverflautu og
sr. Dalla Þórðardóttir flutti ræðu og
ávarp til frú Vigdísar. Forseti þakk-
aði þessa góðu stund sem liðið hefði
með skemmtilegum söng og mikilli
vináttu.
Um kvöldið sat forseti kvöldverðar-
boð bæjarstjómar Sauðárkróks.
Snorri Bjöm Sigurðsson bæjar-
stjóri færði forsetanum að gjöf mál-
verkið Tindastól eftir Sigurð Sig-
urðsson.
Á laugardeginum 24. ágúst heim-
sótti forsetinn Fljótin og byggðimar
við austanverðan Skagaljörðinn. Að
kvöldi laugardagsins sat forsetinn
boð héraðsnefndar að Miðgarði.
Þorsteinn Ásgrímsson, formaður
héraðsnefndar, flutti aðalræðuna og
færði frú Vigdísi víkingaskip úr
silfri, sem stendur á bergi úr Drang-
ey, með skjaldarmerki Skagafjarðar
frá 1930, nú merki héraðsnefndar.
Sigurður Þórólfsson gerði listaverk-
ið. Undir kvöldverðinum söng
Helga Rós Indriðadóttir einsöng við
undirleik Heiðdísar Magnúsdóttur.
Álftagerðisbræður; Pétur og Sigfús
Péturssynir sungu tvísöng við und-
irleik Stefáns Gíslasonar. í ræðu
þakkaði frú Vigdís þennan fallega
grip og sagði efnislega, að hún færi
suður með Tindastól og brot úr
Drangey.
Sunnudaginn 25. ágúst, síðasta
dag heimsóknarinnar, ók forseti út á
Skaga og tóku heimamenn á móti
forsetanum í félagshgeimili hrepps-
ins, Skagaseli. Eftir að hafa gróður-
sett birkiplöntur með bömunum
snæddi frú Vigdís morgunverð í
boði hreppsnefndar.
Hádegisverð snæddi forseti í boði
bæjarfógeta Sauðárkróks, Halldórs
Þ. Jónssonar. Forseti ók inn í Borg-
arsveit og skoðaði m.a. gömlu Sjáv-
arborgarkirkjuna. Þar með hafði
forsetinn heimsótt alla hreppa sýsl-
unnar og var alls staðar vel fagnað.
Dáði fólk hennar virðulegu og alúð-
legu framkomu. Vigdís heimsótti
einnig dvalarheimili aldraðra á
Sauðárkróki. Forseti mætti svo á
íþróttavellinum á Sauðárkróki og
afhenti verðlaun á svokölluðu
Króksmóti, sem er knattspymu-
kappleikur krakka á aldrinum 6-9
ára víðs vegar af Norðurlandi.
Að síðustu mætti svo forsetinn í
kaffiboð sem bæjarstjóm Sauðár-
króks bauð til í íþróttahúsinu. Boð-
ið sátu auk forseta um 600 manns.
Kl. 18.30 kvaddi forseti síðan Skag-
firðinga, rómaði dvöl sína þessa
daga í Skagafirði og þakkaði mikla
gestrisni og góðar viðtökur. f þessu
lokahófi söng Jóhann Már Jóhanns-
son, söngvari og bóndi í Keflavík,
nokkur lög, flest skagfirsk, við und-
irleik Sigríðar Einarsdóttur frá
Varmalæk. Einnig söng kirkjukór
Sauðárkróks undir stjóm Rögnvald-
ar Valbergssc nar.
—GÓ
Hér er forsetinn viö gróðursetningu í Sauðárgili. Mynd: Feykir