Tíminn - 17.03.1992, Blaðsíða 9

Þriðjudagur 17. mars 1992
Tíminn 9
Belgíska
prinsessan
sem sagöi
skilið við
hirðlífið
Hver sá, sem hefur tekið þátt í
lottói og happdraettum, hefur
látið sig dreyma um hvernig lífið
gæti verið — líf í frægð, auði og
kannski þó fyrst og fremst mun-
aði. Hennar konunglega hátign,
Marie- Christine prinsessa af
Belgíu, dóttir Leopolds III. kon-
ungs og Liliane prinsessu, og
hálfsystir Boudouins konungs,
féll þetta allt í skaut við fæðingu.
Samt sem áður tók hún ákvörð-
un, sem fæstir í hennar stöðu
hefðu kjark og þrek til að gera:
hún sleit þau bönd og skyldur,
sem fylgja því að vera meðlimur
konungsfjölskyldunnar, til að
búa sér venjulegt líf í veröldinni
eins og hún reynist flestu fólki.
Undanfarin tvö ár hefur Marie-
Christine átt heima í Kaliforníu,
rétt utan við San Diego, ásamt
manni sínum, veitingamannin-
um Jean-Paul Gourgues, og
hundunum þeirra tveim. Hún
fæddist og ólst upp í Laeken- höll
í Brússel, svo að hún er komin
langt frá uppruna sínum.
Nú er áratugur liðinn síðan hún
þrítug að aldri hleypti heimdrag-
anum og gerðist landnemi í Kan-
ada og voru það mikil viðbrigði
eftir prinsessulífið. Hvað var erf-
iðast? Ja, það er erfitt að segja
hvar á að byrja. „Hvar getur mað-
ur byrjað, þegar maður veit ekki
einu sinni hvaða stærð af fötum
maður notar? Ég gat ekki tekið
leigubíl á eigin spýtur. Ég vissi
ekki hvernig ætti að borga reikn-
inga, vegna þess að ég vissi ekk-
ert um peninga — ég hafði aldrei
handleikið þá!“ segir hún. Eitt af
því, sem hún þurfti að læra, er að
það eru ekki allir góðir og sætir,
sumir eru hreinlega bara vondir.
Hún kom peningalaus til Kan-
ada, þar sem hún hafði ákveðið
að standa á eigin fótum. Hún
þurfti þess vegna að leita sér að
vinnu, en fann þá út að hún
kunni til engra verka. Hún end-
aði með því að verða barnfóstra,
en jafnvel það var erfitt.
En hvað gerir hún núna? Hún
segist teikna frægt fólk, sem sér
geðjast að, eftir Ijósmyndum.
Hún hlustar mikið á tónlist og
hefur ákaflega gaman af kvik-
myndum. Þau hjónin fara oft á
frumsýningar og henni þykir
skemmtilegt að hitta fólk úr
kvikmyndaheiminum.
Það er reyndar kosturinn, sem
hún sér við nýja lífið sitt að nú er
hún frjáls að því að gera það sem
henni þóknast. og þegar henni
þóknast það. I prinsessuveröld-
inni varð alltaf allt að vera vand-
lega skipulagt fyrirfram. Ef hana
langaði að fara út, varð hún að
tilkynna það fjölda fólks, vegna
þess að lífverðir voru í stöðugri
fylgd hennar og bflstjórans.
Marie-Christine er bara ánægð
með að lifa ekki prinsessulífi
lengur, svo þeir sem halda að það
sé sældarbrauð, ættu kannski að
hugsa sig um tvisvar.
Fyrir tveim árum giftist prinsessan veitingamanninum Jean-Paul Gourgues.
Marie Christine býr ásamt manni sínum og tveim hundum í Kaliforn-
íu. Hún hefur áhuga á list Indíána og hefur sjálf fundiö hjá sér hæfi-
leika til aö teikna. Hún hefur haldiö sýningar f Toronto og Montreal.
Meistarakokkur aug-
lýsir hamborgara —
vegna
mistaka!
Franska stjörnukokknum Paul
Bocuse, sem var fyrsti matreiðslu-
meistari sinnar kynslóðar (hann
er 65 ára) sem veitt var heiðurs-
orðan franska, var ekki skemmt
þegar mynd af honum var notuð á
auglýsingaspjöldum McDonalds-
hamborgara í Hollandi.
Myndin er af meistaranum sjálf-
um ásamt fjórum kokkum hans,
tekin í eldhúsinu hans og fylgir
með gamansöm athugasemd. Hún
hafði orðið fyrir valinu hjá auglýs-
ingastofu, sem vissi ekki betur og
hefur játað mistökin.
Fjögurra stjörnu veitingahús
Bocuses, í útjaðri Lyon, er þekkt
fyrir hugmyndaríka matreiðslu
skv. hinni svokölluðu „frönsku
línu“ og nýtur mikillar virðingar.
Hann segist ætla að láta þær
miskabætur, sem hann þykist viss
um að fá fyrir þann mannorðs-
hnekki sem hann hefur hlotið,
renna til veitingaskólans sem
hann hefur komið á fót í grennd
við Lyon.
Talsmaður hinnar frönsku aug-
lýsingastofu McDonalds lýsti því
yfir, eftir að hafa rætt við Iögfræð-
inga (yrirtækisins, að þarna hefðu
slæm mistök átt sér stað, en það
hefði verið gert f góðri trú.