Tíminn - 05.02.1993, Qupperneq 9

Tíminn 9
Föstudagur 5. febrúar 1993
DAGBÓK
Vlðar Eggertsson í hlutverkl
svínsins.
EGG-leikhúsið:
Síðasta sýning á Drög að svínasteik
Nú standa yfir æfingar á næsta verkefni
Þjóðleikhússins, sem frumsýnt verður á
Smíðaverkstæðinu og verða því aðrar
sýningar þar að víkja. Því fer hver að
verða síðastur að sjá þar sýningu EGG-
leikhússins á leikritinu Drög að svína-
steik.
Drög að svínasteik er eitt mesta leikna
franska leikritið á síðustu árum. Það hef-
ur verið þýtt á yfir 20 tungumál og leikið
í a.m.k. 50 mismunandi uppfærslum.
Höfúndurinn hefur sópað til sín verð-
launum fyrir leikritið og m.a. verðlaun
sem kennd eru við svartan húmor.
Drög að svínasteik er óvenjulegt Ieikrit.
Þar segir frá svíni sem bíður slátrunar og
dundar sér við, meðan á biðinni stendur,
að fara yfir sitt svínslega líf, sem það leik-
ur með miklum geðsveiflum. Áhorfend-
um er látið eftir að bera sig saman við
svínið.
í sýningu EGG-leikhússins er það Viðar
Eggertsson sem fer með hlutverk svíns-
ins. Kristján Ámason íslenskaði, Snorri
Freyr Hilmarsson gerði leikmynd og
leikstjóri er Ingunn Ásdísardóttir.
íslenskir gagnrýnendur hafa sjaldnast
verið eins ósammála um nokkra sýn-
ingu. Hafa sumir þeirra hlaðið hana lofi:
„Sýningin er afrek ... ég get ekki fundið
neinn galla á sýningunni" (Þorg. Þor-
geirss., Rás 2), „Hugmyndin að verkinu
er óvenjuleg og leikur Viðars sterkur"
(Auður Eydal, DV), „Grimmilega fyndið
verk í fáránleika sínum“ (Silja Aðal-
steinsd., Rás 1); en öðrum fundist minna
til koma: „Það er ekki nóg að vera með
skanka og klaufir" (Sús. Svavarsd., Mbl.),
„Langtímum saman leiddist mér illyrm-
islega ... heldur batnaði þó er á leið“
(Lárus Ýmir, Pressan).
Það fer hver að verða síðastur til að sjá
þessa umdeildu sýningu. Síðasta sýning
verður miðvikudaginn 10. febrúar og
hefst kl. 20.
Frá Leikfélagi Kópa-
vogs
Sýningar á Ottó nashyraingi um helg-
ina verða:
Á laugardag 6. febrúar kl. 14 og 17.
Á sunnudag 7. febrúar kl. 17.
Félagar í Leikfélagi Kópavogs verða í
Kringlunni sunnudaginn 7. febrúar kl.
12 til 17 með atriði úr sýningunni á út-
gáfudegi Flugleiða á ferðabæklingi fé-
lagsins.
Árshátíö Bolvíkingafé-
lagsins
verður laugardaginn 6. febrúar n.k. í
Samkomuhúsinu, Seltjamamesi, og
hefst með borðhaldi kl. 19.30.
Félag eldri borgara
í Reykjavík
Dansað í Risinu kl. 20 í kvöld, Tíglar
leika. Gönguhrólfar fara frá Risinu á
laugardagsmorgun kl. 10. Gamanleikur-
inn Sólsetur sýnt kl. 16.
Húnvetningafélagiö
Félagsvist á laugardag kl. 14 í Húnabúð,
Skeifunni 17. Fjögurra daga parakeppni
hefsL Allir velkomnir.
Skaftfellingafélagiö
í Reykjavík
Félagsvist sunnudaginn 7. febrúar kl.
14. Aðgöngumiðar á árshátíð félagsins
(sem verður 17. febr.) verða afhentir kl.
14-17 7. febr. í Skaftfellingabúð, Lauga-
vegi 178.
Frá Hana nú í Kópa-
vogi
Vikuleg laugardagsganga Hana nú í
Kópavogi verður á morgun. Lagt af stað
frá Fannborg 4 kl. 10. Nýlagað molakaffi.
Kvennadeild Skagfirö-
ingafélagsins
verður með kaffifund fyrir félagsmenn
og gesti í Stakkahlíð 17,7. febr. kl. 14. Til
gamans verður spilað bingó. Að loknum
fundi verður framhaldsaðalfundur deild-
arinnar.
Pétur Halldórsson
sýnir í Hafnarborg
Pétur Halldórsson opnar málverkasýn-
ingu í Hafnarborg, menningar- og lista-
stofnun Hafnarfjarðar, laugardaginn 6.
febrúar kl. 14.
Pétur stundaði nám við Myndlista- og
handíðaskóla íslands 1969-1974 og síðan
við Middlesex Polytechnic, London,
1975- 1976 og School of Visual Art, New
York, 1987.
Að námi loknu starfaði hann við teikn-
ingu, myndskreytingar og auglýsinga-
hönnun samhliða myndlistinni, en frá
1989 hefur hann helgað sig myndlist-
inni. Pétur kenndi við MHÍ1980 og 1986
og var prófdómari við skólann 1987, '89
og ‘90. Pétur hefur myndskreytt fyrir
Morgunblaðið og Lesbóic Mbl. frá 1982.
Verk eftir hann hafa birst í erlendum
annálum, svo sem Modem Publicity og
Graphic Annual.
Pétur er meðlimur í Félagi íslenskra
teiknara og The Pleiades Gallery í New
York. Hann hefur haldið fjórar einkasýn-
ingar, þá fyrstu í Listasafni ASÍ1986, síð-
an f Norræna húsinu 1990, Gallerí Kot
1991 og Pleiades Gallery, New York,
1992. Einnig hefur hann tekið þátt í
samsýningum hér heima og í Wether-
holt Galleries í Washington 1991, sýn-
ingu er nefndist Images of Colour og ár-
ið 1992 í Smith’s Galleiy, Covent Garden
í London, sýningunni Tender is the
North.
Á sýningunni í Hafnarborg verða mál-
verk unnin í olíu, eða olíu, vax og bland-
að efni á striga. Einnig sýnir Pétur vatns-
litamyndir.
Sýningin stendur til 22. febrúar og er
opin frá kl. 12-18 alla daga nema þriðju-
daga.
Gunnhildur Pálsdóttir
sýnir í Portinu í
Hafnarfiröi
Gunnhildur Pálsdóttir opnar sýningu
laugardaginn 6. febrúar í Portinu,
Strandgötu 50 í Hafnarfirði.
Á sýningunni eru leirskúlptúrar og mál-
verk frá árunum 1989- 91.
Opið alla daga vikunnar frá kl. 2-6 nema
þriðjudaga. Síðasti sýningardagur er 21.
febrúar.
Minningarspjöld Kristni-
boóssambandsins
fást í aðalskrifstofunni við Holtaveg
(húsi KFUM og K gegnt Langholtsskóla),
opið kl. 10-17, sími 678899.
Látum bíla ekki
ganga að óþörfu!
Tova Borgnine og David töluðu í fyrsta skipti saman um jólin 1990. Nú er eins og þau hafi alltaf
þekkst.
Týndi sonurinn
kominn í leitirnar!
Jólin hafa haft dýpri merkingu í
augum Tovu og Ernest Borgnine
undanfarin tvö ár en nokkru sinni
fyrr. Það var nefnilega um jólin
fyrir tveim árum sem Tova talaði í
fýrsta sinn við son sinn sem hún
hefur ekki augum litið síðan hann
var nýfæddur og henni var færður
hann fyrir slysni. Hún hafði
ákveðið að hann yrði ættleiddur.
Engir aðrir en Ernest og móðir
Tovu vissu að hún hafði eignast
dreng þegar hún var ung stúlka.
Ættleiðingin fór fram á vegum
einkaaðila og þá sem málið varð-
aði þóttust vera búnir að gleyma
smáatriðunum og vildu ekki að
upp kæmist.
Ernest, nú 74 ára, og Tova, sem
nú stendur á fimmtugu, eiga 21
árs brúðkaupsafmæli um þessar
mundir og ætla að halda upp á
það í faðmi fjölskyldunnar. Það
kann að vera ofurlítið flókið mál,
því að Emest á þrjú börn úr fjór-
um fyrri hjónaböndum, og nú
hefur David bæst við. En þau Tova
og Emest kynntust íyrst á stefnu-
móti sem aðrir hóuðu þeim sam-
an á. Þá stóð Ernie í sóðalegum
skilnaði en þegar sjáanlegt var að
samband þeirra stefndi í alvöru
sagði Tova honum leyndarmál
sitt, hún hefði eignast barn ung
stúlka, gefið það frá sér til ætt-
leiðingar og aldrei komist yfir
það.
Tova segir svo frá að hún hafi að-
eins verið 19 ára þegar hún átti
ástríðufullt ástarsamband við gift-
an, snjallan verkfræðing. Þegar
hún sagði honum að hún ætti von
á barni sagðist hann ætla að taka
hana með sér til Kaliforníu. Það
var það síðasta sem hún heyrði frá
honum. Löngu síðar frétti hún að
hann hefði fengið taugaáfall þrem
dögum síðar.
Meðgangan hafði sinn gang og
fyrir misskilning var hinni ungu
móður fært nýfætt barn sitt á
fæðingardeildinni. En stjúpfaðir
hennar hafði þá gengið frá ætt-
leiðingunni til hjóna, vina vinar
hans, sem Tova hafði reyndar hitt.
Þessi hjón ættleiddu líka dóttur
og David segir nú að það hafi ver-
ið systir hans, Debbie, sem fór að
gramsa í lífforeldrum, iyrst sínum
og síðar hans. Foreldrar þeirra
höfðu sagt þeim þegar þau höfðu
skilning til, að þau væm ættleidd
en engu að síður þeirra börn. Þau
hefðu notið þeirra forréttinda að
fá að velja börnin sín sjálf.
Debbie komst að hinu sanna og
með samþykki allra sem málið
snerti kom hún David í samband
við Tovu um jólin 1990. Þau
mæðginin fundu strax sameigin-
legan skilning, trúnað og traust
og nú er tölvukunnátta Davids
farin að koma að notum við rekst-
ur snyrtivörufyrirtækis Tovu.
Stærsta vandamál Davids í dag er
í rauninni að halda jól bæði með
foreldrum sínum á austurströnd-
inni og vesturströndinni.
Ernest Borgnine er svo ánægður
með gang mála að hann segist
óska að hans eigin börn hefðu
lukkast eins vel og David!
Ernest Borgnine er ánægður með nýja stjúpsoninn og sérstaklega ánægður fyrir hönd konu sinnar
sem gat aldrei sætt sig við að hafa misst David.