Tíminn - 08.01.1994, Blaðsíða 5

Laugardagur 8. janúar 1994
5
......................................;

■'
■

■■■ •. >'
: . ;■ ••••:
.
’m&V
Fyrsta Tímablab nýrra útgefenda komib úr prentun. Sveinn R. Eyjólfsson, Hörbur Einarsson og Jón Kristjánsson virba þab fyrir sér.
Tímamynd CS
Tíminn
Jón Kristjánsson skrifar
Samningur Framsóknarflokksins og
Tímamóta h/f, sem er dótturfyrir-
tæki Frjálsrar Fjölmiölunar, um út-
gáfu Tímans hefur vakið mikla athygli og
þóttu mestu tíðindi úr fjölmiölaheimin-
um í lok síðasta árs.
Þar sem ég hef verið kvaddur til verka á
Tímanum á ný, þykir mér tii hlýða að
nota þessa helgarhugleiðingu til þess að
ræða um þetta síðasta skref í langri út-
gáfusögu Tímans, þar sem skipst hafa á
skin og skúrir.
Blab meb merka sögu
Tíminn var stofnaður árið 1917. Frá
þessu upphafi blaðsins er meðal annars
sagt í grein, sem Þórarinn Þórarinsson
skrifar í blaðið árið 1988 um bréf Jónasar
Jónssonar til Jóns á Reynistað, en þar er
aö finna merka heimild um upphaf
blaðsins.
Þar skýrir Jónas frá því hvemig nafn
blaðsins varð til og hvemig staðið var að
ráðningu fyrsta ritstjóra þess. Guðbrand-
ur Magnússon var ráðinn ritstjóri til
bráðabirgða, og síðan var farið að ræða
um nafn. Rætt var um að blaðið héti
Þjóðólfur. Héöinn Valdimarsson vildi að
það héti Fjallkonan, en faðir hans Valdi-
mar Ásmundsson hafði gefið út blað
meö því nafni. Guðbrandur Magnússon
skarst þá í leikinn og sagði að það skyldi
ekki minna á hin gömlu blöð, heldur
bera svip nýja tímans. Tíminn skyldi það
heita.
Blaðið hlaut því þetta nafn, sem það
hefur borið síðan.
Blaðhausinn, sem nú hefur verið tekinn
upp á ný, teiknaði Ríkharður Jónsson
myndhöggvari, og er líklegt að það hafi
verið gert í tilefni af 10 ára afmæli blaðs-
ins, en hann var tekinn í notkun árið
1927.
Skýr spor
Það segir sig sjálft að svo langur ferill í
blaðaútgáfu skiltu- eftir sig spor og til-
finningar. Ég hef til dæmis fundið það
mjög vel af samtölum við fólk og upp-
hringingum síöustu vikuna, að fólki,
sem þekkti Tímann með blaðhausnum
sem fylgdi honum áratugum saman,
þykir vænt um að sjá hann aftur. Ég hef
orðað það svo að með því sé stigið ákveð-
ið skref til fortíðar blaðsins, ekki í því
skyni að hverfa til fortíðar, heldur til þess
að tengja útgáfu blaðsins langri og
merkri sögu. Tíminn var málgagn sem
tekið var eftir, og það er draumur okkar
sem vinnum við hann — og raunar eðli-
legur draumur allra
blaða- og fjölmiðla-
manna — að eftir okk-
ur sé tekið og að við sé-
um virkir þátttakendur
í þjóðfélagsumræðunni
á hverjum tíma.
Tíminn var löngum
drjúgur blaðamanna-
skóli og ótaldir em þeir
fjölmiðlamenn, sem
starfa af fullum krafti í dag, sem hafa
starfaö á blaðinu í lengri eða skemmri
tíma.
Rekstrarumhverfi
Það lifir þó ekkert blað á merkri sögu.
Það lifir ekki þótt í það sé margt vel skrif-
að, ef rekstrarlegur bakgmnnur er ekki í
lagi. Og þá er ég kominn að ástæðunni
fyrir þeim tíðindum sem vöktu svo mikla
athygli, samningi flokksins við Tímamót
h/f.
Aðaleigendur Frjálsrar Fjölmiðlunar,
þeir Sveinn Eyjólfsson og Hörður Einars-
son, hafa áralanga reynslu í blaðaútgáfu.
Þeir vom keppinautar á Dagblaöinu og
Vísi á sínum tíma, en ákváðu síðan að
vinna saman og brjóta niður múrvegg,
sem skyldi þá að í Síðumúlanum, og
sameina blöðin. Það var ' sínum tíma
mikil fjölmiðlafrétt, ekki sk °n samn-
ingurinn nú. Það samstarf, n tókst
með þeim félögum þá, hefur s.ríaö öfl-
ugri blaðaútgáfu.
Nú munu Tímamót h/f taka að sér aö
reka Tímann fyrir Framsóknarflokkinn,
og samningur þar um hefur birst í fjöl-
miðlum. Með því er einfaldlega farið inn
á þá nútíma verkaskiptingu aö leita til
manna, sem hafa sýnt það með góðum
árangri að þeir kunna til verka í þeim
flókna rekstri sem það er að reka dag-
Menn
oq mál
efni
blað. Þar þarf að samræma marga ólíka
þætti, þar sem einum hentar eitt verk,
öðmm annað.
Ritstjórnarstefnan
Ég hef ekki oröið var við annað en að
þessi samningur mælist vel fyrir. Helst er
að ráðherrar í ríkisstjóminni hafi verib
að ýja að því að með
þessu samstarfi sé Jón-
as Kristjánsson í raun
orðinn landbúnaðar-
skríbent Framsóknar-
flokksins. Ég tek þetta
ekki ýkja alvarlega.
Þetta er auðvitað heið-
arleg tilraun til þess að
gera blaðið tortryggi-
legt í augum bænda,
sem hafa ekki verið ánægðir með skrif
Jónasar í gegnum tíðina. En auðvitað
vita ráðherramir og aðrir að á blaðinu er
sjálfstæð ritstjóm, og ég hef engar
áhyggjur af því að menn þekki ekki í
sundur forustugreinar okkar Jónasar.
Ég hef verið spurður mikið að því í við-
tölum í fjölmiðlum, hvort blaðib sé
framsóknarblab. Því er til að svara að það
verður ekki ýkja mikil breyting á blaðinu
að því leyti til frá því að ég sat í stól rit-
stjóra síðast. Það var lögð áhersla á þab
að fjalla um stjómmál, og ég vona að
mín þátttaka í þeirri umræðu höfði til
framsóknarfólks og annars félagshyggju-
fólks og sé lesefni sem stuðningsmenn
annarra flokka gjaman vilja fá. Frétta-
stefna blaðsins á að vera óháð flokkum
og ég mun ekki íþyngja fréttadeildinni
með neinni ritskoðun fram yfir það, sem
staða mín sem ábyrgðarmaður blaðsins
gefur tilefni til.
Það liggur í hlutarins eðli að hvert blað
hlýtur að sækjast eftir góðum greina-
skrifum um það sem efst er á baugi í
þjóðfélaginu. Það munum vib auðvitað
gera. Auðvitað væri það óskastaban ab
þær greinar spegluðu sem flest sjónar-
mið.
Útlit og yfirbragð
Það dylst þeim ekki, sem sjá Tímann
núna, að hann hefur hefðbundið útlit
blaðs, sem gefið er út á morgnana. Síð-
degisblöð eins og DV bera annan svip.
Með þessu er verið að marka blaðinu
ákvebinn svip, sem ég er ánægöur með.
Framtíbin
Ég hef orðið þess rækilega var síðustu
dagana að menn hafa taugar til Tímans.
Blað, sem á sér 77 ára sögu og hefur allan
þann tíma verið virkur þátttakandi í
þjóðfélagsumræðunni, skilur eftir sig
skarð, ef þaö hverfur af sviðinu. Þá daga,
sem Tíminn kom ekki út um áramótin,
var abeins vitnað til Morgunblaðsins og
Alþýðublaösins t.d. þegar fjölmiðlamenn
líta yfir morgunblöðin og geta forustu-
greina og helstu efnisþátta. Sú lesning er
dálítið einhæf til lengdar. Alþýðublaðib
er nokkurs konar fréttabréf til flokks-
manna og Morgunblaöið stybur Sjálf-
stæðisflokkinn og ríkisstjómina í einu og
öllu, þegar á reynir.
Nú reynir á ab efla Tímann og gera
hann að öflugri rödd í blaðaheiminum.
Hib nýja samstarf
Samstarfið við hina nýju rekstraraðila
Tímans hefur gengið vel. Gengið var til
þess af heilindum, og bábir aðilar hafa af
því hag að það gangi sem best. Tækni-
kunnátta og aðstaða eru fyrir hendi hjá
Frjálsri Fjölmiölun til þess að gefa út
fleiri blöð en DV og koma þeim til les-
enda sinna. Hagnaður Framsóknar-
flokksins felst í því að gefa blaöið út og
það er í hans þágu að þetta fyrirtæki
komi sem best út fyrir rekstraraðilana.
Þá er ekki sísti þátturinn í þessu máli ab
með þessu hefur tekist að tryggja ab Tím-
inn verður áfram vinnustaður fólks. Þaö
er mikilvægt fyrir blaðamannastéttina
og þær stéttir tæknimanna, sem að
blaðaútgáfu starfa.
Þaö er barátta framundan í þessari út-
gáfu og ekkert sjálfgefiö, en það er ætlun
okkar á Tímanum að skilmast áfram í
þjóðfélagsumræbunni og við göngum
bjartsýn til móts við nýtt ár.