Morgunblaðið - 08.06.2006, Blaðsíða 12

12 B FIMMTUDAGUR 8. JÚNÍ 2006 MORGUNBLAÐIÐ

Auglýsing um skráningu óverðtryggðra ríkisbréfa,
RIKB 08 0613 í Kauphöll Íslands
RÍKISSJÓÐUR ÍSLANDS
Kauphöll Íslands hefur samþykkt að skrá nýjan flokk ríkisbréfa til tveggja ára, enda
uppfylla bréfin skilyrði skráningar. Bréfin verða skráð 16. júní nk. Skuldabréfin
eru óverðtryggð og bera 9,50% ársvexti sem greiddir eru út einu sinni á ári.
Á lokagjalddaga, hinn 13. júní 2008, greiðist síðasta vaxtagreiðslan, ásamt nafnverði
bréfsins. Frekari gögn er hægt að nálgast í afgreiðslu og á heimasíðu Lánasýslu
ríkisins, www.lanasysla.is.
Borgartún 21, 150 Reykjavík • Sími 540 7500, Fax 562 6068 • www.lanasysla.is
R
áðstefnan er liður í
undirbúningi sam-
starfsverkefnis
stjórnvalda og at-
vinnulífsins sem
gengur undir nafn-
inu „Einfaldara Ís-
land“ og miðar að einfaldara reglu-
umhverfi, atvinnulífi og
einstaklingum til hagsbóta.
Halldór Ásgrímsson flutti stutt
ávarp og setti ráðstefnuna. Í máli
Halldórs kom fram að vönduð reglu-
setning væri liður í því markmiði
stjórnvalda að tryggja blómlega at-
vinnustarfsemi. Með það fyrir augum
hafi stjórnvöld hrint af stað átakinu
„Einfaldara Ísland“ sem að sögn
Halldórs hefur það að markmiði að
grisja frumskóg opinbers regluverks
og vanda betur til verka áður en ný
lög og reglur eru settar.
Halldór benti á að þó um langtíma-
verkefni væri að ræða væri hægt að
koma fram umbótum í starfi ráðu-
neytanna sem myndi skila sér í bættri
löggjöf, strax næsta haust. Ein leið til
betrumbóta væri að tryggja betur að
sjónarmið hagsmunaaðila og almenn-
ings kæmu fram áður en frumvörp
eru lögð fyrir Alþingi. Halldór sagði
þetta kalla á skipulegri vinnubrögð
ráðuneytanna þannig að frumvörp
væru ekki samin í hendingskasti á síð-
ustu stundu, eins og stundum vildi
brenna við. Að lokum sagðist Halldór
vænta þess að starfshópurinn skilaði
af sér einföldum og skilvirkum tillög-
um um hvar og hvernig beri að hefj-
ast handa við einföldun regluverks-
ins.
Einföldun ESB
og úrbætur í Danmörku
Næst tók til máls Silvia Viceconte,
hagfræðingur á vegum framkvæmda-
stjórnar Evrópusambandsins. Vice-
conte sagði að framkvæmdastjórnin
hefði árið 2002 hrint af stað átaki sem
miðaði að því að betrumbæta löggjöf
Evrópusambandsins. Átakið hefði
fyrst og fremst falist í því að einfalda
regluverk Evrópusambandsins og
hefði víðtækt samráð verið haft við
aðildarríkin og hagsmunaaðila. Hvað
varðaði einföldun regluverks í ein-
stökum aðildarríkjum benti Viceconte
á að þær betrumbætur væru á valdi
aðildarríkjanna, en framkvæmda-
stjórn sambandsins hefði veitt þeim
ríkjum sem þess þyrftu aðstoð við
umbæturnar.
Flemming N. Olsen kvaddi sér
næst hljóðs en hann starfar hjá fjár-
málaráðuneyti Danmerkur, í deild
sem miðar að bættri reglugerðasetn-
ingu.
Olsen sagði að deild þeirri er hann
starfaði hjá hefði verið komið á fót ár-
ið 2002 með stefnuskrá ríkisstjórnar-
innar vegna slæmrar reynslu danskra
stjórnvalda af afnámi reglugerða (e.
deregulation). Mikil áhersla hefði ver-
ið lögð á að einfalda regluverkið að því
er varðaði atvinnulífið, sveitarfélög og
borgarana og þær aðgerðir stjórn-
valda borið marktækan árangur.
Mikill hagur af vandaðri
reglugerðarsetningu að mati OECD
Josef Konvitz, formaður nefndar
OECD um endurbætur reglugerða,
ávarpaði fundinn frá höfuðstöðvum
OECD í París. Konvitz lagði áherslu á
að allar aðgerðir stjórnvalda sem mið-
uðu að því að einfalda reglur og auka
gegnsæi og trúverðugleika þeirra,
leiddu til aukinnar virkni markaða.
Þannig hefðu neytendur beinan hag
af einföldun regluumhverfisins, fyrir-
tæki yrðu samkeppnishæfari á al-
þjóðavísu, störfum fjölgaði o.s.frv.
Konvitz taldi að áherslu bæri að
leggja á gæði og skilvirkni reglu-
gerða, afnám þeirra væri ekki svarið
við þeim vanda sem blasir við stjórn-
völdum. Þannig beri að kanna til hlít-
ar í hvert sinn sem ný reglugerð er
sett hvort reglugerðin sé nauðsynleg,
til þess fallin að leysa þann vanda sem
henni er ætlað, skýr og aðgengileg.
Að lokum benti Konvitz stjórnvöld-
um á að farsælast væri að nálgast
þetta erfiða viðfangsefni á öllum
stjórnsýslustigum, forðast bæri
skammtíma úrbætur, tímabundnar
aðgerðir og töfralausnir.
Einkaaðilar fái aukið eftirlit
Næst var röðin komin að íslensku fyr-
irlesurunum. Fyrstur í þeirra röð var
Pétur Reimarsson, verkefnastjóri
Samtaka atvinnulífsins. Beindi hann
sjónum fyrst og fremst að mikilvægi
einfaldra og góðra starfsskilyrða fyr-
irtækja.
Í máli Péturs kom fram að þrátt
fyrir skilvirkni íslenskrar stjórnsýslu
væri hið opinbera regluverk of flókið,
tímafrekt og kostnaðarsamt fyrir at-
vinnurekendur.
Til þess að einfalda umhverfi at-
vinnulífsins taldi Pétur mikilvægt að
endurskipuleggja stjórnarráðið og
skipta verkum ríkis og sveitarfélaga
með tilliti til eftirlits með atvinnulíf-
inu. Pétur benti einnig á að talsverð
einföldun fælist í því að fela faggiltum
skoðunarstofum beint eftirlit, sýna-
tökur og rannsóknir. Að endingu tók
Pétur fram að Samtök atvinnulífsins
styddu að sjálfsögðu eðlilegt eftirlit
með atvinnustarfsemi en hins vegar
væri brýnt að eftirlitið væri skilvirkt,
samræmt og rekið á sem hagkvæm-
astan hátt
Fjöldi reglugerða ekki
mælikvarði á gæði þeirra
Næstur tók til máls Halldór Grön-
vold, aðstoðarframkvæmdastjóri
ASÍ.
Halldór sagði að verkefnið væri
mikilvægt frá sjónarhóli ASÍ þar sem
það varðaði almenning, launafólk og
skattgreiðendur miklu að bæta nú-
verandi ástand.
Halldór taldi, líkt og Josef Konvitz,
að fjöldi reglugerða væri ekki mæli-
kvarði á gæði laga og reglna. „Ein-
hvers konar baunateljarar eru ekki
það sem við þurfum þegar við erum
að fjalla um góða eða slæma reglu-
setningu.“
Þannig þurfi að fara fram kerfis-
bundið mat á áhrifum reglna auk þess
sem meiri áherslu bæri að leggja á að
samráð væri haft við hagsmunaaðila.
Hvað varðaði leiðir til úrbóta taldi
Halldór mikilvægt að lagafrumvörp
kæmu fyrr fram, löggjöf væri sett
fram á skýrari hátt og staðið væri bet-
ur að kynningarmálum nýrra reglna
og laga.
Samræming í stjórnsýslunni
Gestur Guðjónsson hjá Olíudreifingu
fjallaði um hvernig regluumhverfið
horfði við fyrirtækjum. Hann taldi að-
komu fyrirtækja að reglusetningu al-
mennt vera góða og til að mynda mun
betri en hjá frændum okkar Dönum.
Gestur benti þó á að mikil þörf væri á
samræmingu í stjórnsýslunni. Nauð-
synlegt væri að fækka opinberum
stofnunum og gera þær að stærri og
miðstýrðari heild sem svo hefði útibú
víðsvegar um landið. Nefndi Gestur
Vinnueftirlitið sem dæmi um stofnun
sem hefði fært út kvíarnar á skipu-
lagðan hátt og væri alltaf innan seil-
ingar. Meginvandann taldi Gestur þó
mega rekja til skipulags stjórnarráðs-
ins: „Lykillinn að einfaldara regluum-
hverfi er endurskoðun stjórnarráðs-
ins. Það þarf að fækka og stækka
ráðuneyti, fækka og stækka stofnanir
þar undir, hafa eitt atvinnuráðuneyti
sem sér um atvinnuvegina, eitt innan-
ríkisráðuneyti gagnvart infrastrúkt-
úrnum og eitt eftirlitsráðuneyti. Þetta
tel ég algjöran lykil að þessu starfi og
öðruvísi komumst við ekki neitt áfram
með að gera Ísland einfaldara.“
Fjörugar pallborðsumræður
Að erindi loknu hjá Sigurði Óla Kol-
beinssyni frá Sambandi íslenskra
sveitarfélaga, sem fjallaði um reglu-
setningu frá sjónarhóli sveitarfélag-
anna, fóru fram pallborðsumræður.
Meðal þátttakenda voru alþingis-
menn og fulltrúar atvinnulífs, sveitar-
félaga og ríkis.
Bjarni Benediktsson, þingmaður
Sjálfstæðisflokksins, taldi að spenn-
andi tímar væru framundan í þessum
efnum hér á landi. Margt væri hægt
að bæta, bæði á framkvæmdavalds-
stigi og á Alþingi og samfélagið væri
þannig úr garði gert að vandamál sem
þessi væru leyst á skömmum tíma.
Ágúst Jónsson verkfræðingur og
fulltrúi í ráðgjafarnefnd um opinber-
ar eftirlitsreglur sem einnig tók þátt í
pallborðsumræðunum, tók ekki í
sama streng og Bjarni. Hann taldi
það ekki til marks um vönduð vinnu-
brögð stjórnvalda hversu fljótt mál
væru afgreidd heldur væri það þvert
á móti galli á kerfinu, víðtækara sam-
ráð þyrfti að hafa við hagsmunaaðila
og vanda betur til verka við samningu
laga og reglugerða. Ágúst sagði að
frumvarpi til laga um opinberar eft-
irlitsreglur frá árinu 1999 hefðu fylgt
skýrar leiðbeiningarreglur sem
stjórnvöld ættu að taka mið af þegar
lög og reglugerðir væru settar. Það
hefði hins vegar ekki verið gert og nú
væri kominn tími til þess að Alþingi
og ráðuneytin fylgdu þessum viðmið-
unarreglum í framkvæmd. „Það sem
við þurfum að gera til að einfalda Ís-
land og til þess að vinna lagasetn-
inguna af alvöru er fara eftir þeim
reglum sem í frumvarpinu er að finna,
OECD notar og verið er að innleiða í
Evrópuréttinn,“ sagði Ágúst.
Frumskógur regluverks grisjaður
Morgunblaðið/ Jim Smart
Einfaldara Ísland Ráðstefna um einfaldara og betra regluverk í þágu atvinnulífs og almennings fór fram á Grand Hótel á þriðjudag, þar sem Halldór Ás-
grímsson forsætisráðherra var meðal fyrirlesara. Ráðstefnan er liður í undirbúningi samstarfsverkefnis stjórnvalda og atvinnulífsins.
Haldin var ráðstefna á
Grand Hótel í vikunni
undir yfirskriftinni
„Einfaldara og betra
regluverk í þágu
atvinnulífs og almenn-
ings“. Friðrik Ársælsson
hlýddi á erindin
og varð margs vísari.
fridrik@mbl.is
Farsælast er að nálgast
þetta erfiða viðfangs-
efni á öllum stjórn-
sýslustigum, forðast
skammtíma úrbætur og
tímabundnar aðgerðir.