Morgunblaðið - 27.11.2006, Blaðsíða 8

8 MÁNUDAGUR 27. NÓVEMBER 2006 MORGUNBLAÐIÐ
íþróttir
Antoine Si-bierski
tryggði New-
castle afar mik-
ilvægan sigur í
botnbaráttu
ensku úrvals-
deildarinnar í
gær. Newcastle
sigraði
Portsmouth,
1:0, og skoraði
Sibierski sigurmarkið á 69. mínútu
leiksins en hann kom inn á sem vara-
maður undir lok fyrri hálfleiks.
Þetta var fyrsti sigur Newcastle í
níu leikjum í deildinni.




Argentínumaðurinn Carlos Tevezá von á hárri sekt frá forsvars-
mönnum West Ham en hann fór rak-
leiðis heim til sín eftir að honum var
skipt út af í síðari hálfleik í leik liðs-
ins gegn Sheffield Utd. „Ég er von-
svikinn. Slíkt eiga leikmenn ekki að
gera. Þetta er í annað sinn sem þetta
gerist hjá félaginu frá því ég kom til
West Ham. Í fyrra skiptið sektaði ég
leikmanninn um vikulaun. Við mun-
um beita svipuðum aðferðum við Te-
vez en ég tel að þetta sé vanvirðing
við félagið,“ sagði Pardew.




Aston Villa og Middlesbroughskildu jöfn, 1:1, á laugardaginn
í ensku úrvalsdeildinni. Gareth So-
uthgate knattspyrnustjóri Boro
hrósaði framherjanum Malcolm
Christie en þetta var fyrsta markið
hjá honum í tæp tvö ár og aðeins 14.
leikur hans fyrir félagið í fjögur ár
frá því hann kom frá Derby. „Chris-
tie hefur æft mánuð eftir mánuð
einn síns liðs og hugsað um hvenær
hann yrði með á ný. Ef hann var
rangstæður áður en hann skoraði þá
er mér alveg sama. Ef einhver átti
það skilið að skora þá var það hann,“
sagði Southgate.




Gylfi Einarsson var ekki í leik-mannahóp Leeds sem sigraði
Plymouth 2:1 á útivelli í ensku 1.
deildinni.




Ólafur IngiSkúlason
var í byrj-
unarliði Brent-
ford sem tapaði
2:0 gegn Chel-
tenham í ensku
2. deildinni.
Ólafur lék í 60
mínútur í leikn-
um en Brent-
ford er í næstneðsta sæti deild-
arinnar.




Arsenal er á höttunum eftirspænsku miðjumönnunum Ant-
onio Puerta og Jesus Navas sem
báðir leika með Sevilla. Steve Row-
ley, einn af njósnurum Arsenal, hef-
ur tvívegis fylgst með leikmönn-
unum í leik með Sevilla og staðfestir
Ramon Rodriguez Monchi, yfirmað-
ur knattspyrnumála hjá Sevilla, að
Arsene Wenger, knattspyrnustjóri
Arsenal, sé áhugasamur að fá leik-
mennina til liðs við sig.
Fólk sport@mbl.is
Franski landsliðsframherjinn Louis
Saha skoraði fyrsta mark leiksins í
fyrri hálfleik og kom Man. Utd. yfir
en portúgalski varnarmaðurinn
Ricardo Carvalho jafnaði fyrir
Chelsea í síðari hálfleik.
Ferguson sagði að vissulega hefði
hann kosið að hafa fagnað sigri en
margt jákvætt mætti taka með sér
úr leiknum. „Við ætlum okkur að
vinna meistaratitilinn og svona leik-
ir eru tækifæri sem við megum ekki
láta fram hjá okkur fara. Ég er von-
svikinn með eitt stig þar sem við
vorum sterkara liðið í leiknum. Við
höfðum ekki heppnina með okkur í
jöfnunarmarkinu. Ég var viss um að
Edwin van der Sar markvörður
okkar myndi verja frá Carvalho en
Saha rak höfuðið í boltann og hann
fór í þverslána og inn. Slík smáat-
riði skipta oft öllu máli þegar upp er
staðið,“ sagði Ferguson en hann sá
ástæðu til þess að hrósa Saha fyrir
hugarfar hans á æfingasvæðinu eft-
ir 1:0-tapið í meistaradeildinni gegn
Celtic þar sem Saha misnotaði víta-
spyrnu. „Hann hefur verið eins og
villidýr í búri. Gat varla beðið eftir
tækifærinu á að sýna hvað í honum
býr. Hann hefur tekið óteljandi
vítaspyrnur og ætlaði sér að koma
sterkari til baka,“ sagði Ferguson.
Jose Mourinho, knattspyrnu-
stjóri Chelsea, sagði að baráttan um
Englandsmeistaratitilinn muni
standa allt fram til loka keppnis-
tímabilsins. Hann var ánægður með
framlag sinna manna eftir að hafa
lent 1:0 undir í fyrri hálfleik.
„Ég held að meistararnir í vor
verði í mesta lagi 6 stigum á undan
næstu liðum. Enska úrvalsdeildin
er gríðarlega jöfn og það kom mér
því á óvart að við skyldum vera 10–
12 stigum á undan næstu liðum
megnið af síðasta tímabili. Þrátt
fyrir að við höfum aðeins fengið eitt
stig á Old Trafford tel ég okkur
hafa gengið af velli sem sigurveg-
arar. Leikmenn mínir voru með rétt
hugarfar og börðust til þess að ná
að jafna leikinn.“
Mourinho sagði að hann hefði
rætt við Ferguson eftir leikinn og
þeir hefðu rætt stuttlega saman um
leikinn.
„Ég held að við höfum verið sam-
mála um að Man. Utd. var betra í
fyrri hálfleik en við í þeim síðari.
Mistökin sem við gerðum í fyrri
hálfleik voru þau að við biðum eftir
því að eitthvað myndi gerast. Í síð-
ari hálfleik skiptum við um gír og
tókum af skarið sjálfir í stað þess að
bíða,“ sagði Mourinho en hann
hrósaði Howard Webb, dómara
leiksins, fyrir hans framlag. „Mér
fannst hann standa sig vel. Hann er
ungur og þessi leikur mun ýta hon-
um ofar á lista yfir bestu dómara
deildarinnar. Slakur leikur hjá hon-
um hefði ýtt honum neðar. Hann
stóðst því prófið,“ bætti hann við.
Samkeppni hjá Tottenham
Martin Jol, knattspyrnustjóri
Tottenham, sagði að framherjarnir
Jermain Defoe og Dimitar
Berbatov væru ekki öruggir með
sæti í byrjunarliðinu í næsta leik
þrátt fyrir að þeir hafi báðir skorað
með 89 sekúndna millibili undir lok
fyrri hálfleiks í 3:1-sigri liðsins
gegn Wigan. Aaron Lennon bætti
við þriðja marki Tottenham en
Henri Camara kom Wigan yfir í
fyrri hálfleik. Með sigrinum þokað-
ist Tottenham upp í 10. sæti deild-
arinnar.
Berbatov lék með Robbie Keane í
UEF-keppninni í síðustu viku en
Defoe tók sæti Keane í fremstu víg-
línu í gær. Jol sagði eftir leikinn í
gær að hann væri ekki með neitt
sérstakt kerfi í gangi. „Þeir sem
standa sig á æfingum og sýna rétt
hugarfar á æfingasvæðinu fá að
spila. Ég hef alltaf valið sterkasta
liðið fyrir hvern einasta leik og ég
hef ekki trú á kerfi þar sem leik-
menn ganga að því vísu að þeir séu
næstir í röðinni. Þeir sem standa sig
fá tækifæri,“ sagði Hollendingur-
inn.
Boltastrákurinn góður
Les Reed, knattspyrnustjóri
Charlton, hrósaði Andy Reid fyr-
ir jöfnunarmark hans gegn Everton
en liðin skildu jöfn, 1:1, á The Valley
á laugardag. Hermann Hreiðarsson
skoraði sjálfsmark þegar sjö mín-
útur voru liðnar af síðari hálfleik og
kom þar með Everton yfir en Reid
tryggði botnliðinu eitt stig með
jöfnunarmarki sínu á 68. mínútu.
Þetta var fyrsti heimaleikur
Charlton undir stjórn Reed sem tók
við af Iain Dowie sem var sagt upp á
dögunum. Stuðningsmenn Charlton
voru langt frá því að vera sáttir við
liðið í fyrri hálfleik og gerðu grín að
leikmönnum liðsins. Ungur boltast-
rákur skallaði boltann með glæsi-
legum hætti utan vallar og vöktu til-
þrif hans athygli stuðningsmanna
Charlton sem kölluðu: „Strákurinn
á að fá samning, strákurinn á að fá
samning.“
„Ég er ánægður með síðari hálf-
leikinn og við áttum skilið að sigra.
Þessi leikur var mun betri en gegn
Reading í síðustu viku,“ sagði Reed
en hann var mjög taugaóstyrkur í
upphafi leiks þar sem hann sat í
áhorfendastúkunni en eftir aðeins
nokkrar mínútur var Reed búinn að
taka sér stöðu niðri á grasinu við
hliðarlínuna.
Ívar og Brynjar í sigurliði
Ívar Ingimarsson og Brynjar
Björn Gunnarsson léku stórt hlut-
verk í 1:0-sigri nýliða Reading gegn
Fulham á útivelli. Heiðar Helguson
var í leikmannahópi Fulham en kom
ekki við sögu. Ívar var í byrjunarliði
Reading en Brynjar kom inn á sem
varamaður strax á 33. mínútu.
Ian Pearce, varnarmaður Ful-
ham, fékk rautt spjald strax á 17.
mínútu og skoraði Kevin Doyle úr
vítaspyrnunni sem dæmd var í kjöl-
farið. Reading er í 7. sæti deildar-
innar með 22 stig, og er fyrir ofan
Everton og Liverpool á töflunni.
Ætlum okkur titilinn
Hermann Hreiðarsson skoraði sjálfsmark í leik þar sem boltastrákur vakti
athygli. Reading er á sigurbraut og samkeppnin er aðalatriðið hjá Martin Jol
VIÐ vorum betra liðið í leiknum,“
sagði Alex Ferguson, knatt-
spyrnustjóri Manchester United,
eftir risaslag helgarinnar í ensku
úrvalsdeildinni gegn Englands-
meistaraliði Chelsea. Liðin skildu
jöfn, 1:1, en Man. Utd. er með
þriggja stiga forskot á Chelsea að
loknum 14 umferðum en Man. Utd.
er með 35 stig, Chelsea 32 og Bolt-
on er með 24 stig í þriðja sæti deild-
arinnar.
Reuters
Fögnuður Wayne Rooney og Louis Saha fagna marki þess síðarnefnda sem kom Manchester United yfir gegn
Englandsmeistaraliði Chelsea á Old Trafford í stórslag helgarinnar í ensku úrvalsdeildinni en liðin skildu jöfn, 1:1.
Í HNOTSKURN
»Didier Drogba og Kanueru markahæstir í deild-
inni með 8 mörk. Wayne
Roone og Kevin Doyle koma
þar næstir í röðinni með 7
mörk hvor. Louis Saha, Dar-
ren Bent, Andy Johnson og
Thierry Henry hafa allir skor-
að 6 mörk.
NICOLAS Anelka skoraði
tvívegis fyrir Bolton í 3:1-
sigri liðsins gegn Arsenal á
laugardaginn og er Bolton í
þriðja sæti deildarinnar.
Franski framherjinn hefur
ekki verið á skotskónum að
undanförnu og ekki skorað
mark í 10 deildarleikjum en
hann hrökk í gang gegn
sínu gamla félagi, Arsenal,
sem er í sjötta sæti deild-
arinnar.
Abdoulaye Faye kom
Bolton yfir áður en að
Anelka
bætti við
öðru
marki á
45. mínútu
en það
mark var
sérlega
glæsilegt.
Gilberto
skoraði
fyrir Arsenal skömmu fyrir
lok fyrri hálfleiks en Anelka
bætti við þriðja marki Bolt-
on á 75. mínútu. Arsene
Wenger knattspyrnustjóri
Arsenal sagði Arsenal hafa
átt sigurinn skilið. „Við
fengum tækifæri til þess að
ná þremur stigum og lík-
lega höfum við ekki fengið
betri tækifæri gegn Bolton
á undanförnum fimm árum.
Ég veit ekki hvaða áhrif
þessi úrslit hafa á okkur
hvað varðar meistarabarátt-
una en þessi úrslit eru okk-
ur mikil vonbrigði,“ sagði
Wenger en Arsenal er í
sjötta sæti.
Wenger: „Mikil vonbrigði“
Nicolas Anelka
RAFAEL Benítez, knattspyrnustjóri Liver-
pool, hrósaði fyrirliðanum Steven Gerrard í há-
stert eftir 1:0-sigur liðsins gegn Manchester
City á Anfield á laugardag. Gerrard skoraði
eina mark leiksins og er þetta fyrsta mark hins
26 ára gamla enska landsliðsmanns í úrvals-
deildinni frá því í apríl á síðustu leiktíð en hann
skoraði gegn PSV í meistaradeildinni sl. mið-
vikudag. Benítez hefur verið gagnrýndur fyrir
liðsuppstillingu sína í deildarleikjum þar sem
Gerrard hefur leikið úti á hægri kanti.
„Það var mikilvægt fyrir Gerrard að skora
og sjálfstraustið mun eflast hjá honum fyrir
vikið. Gerrard býr yfir miklum hæfileikum og
það búast allir við stórkostlegum hlutum frá
honum. Gerrard leikur vel,
hann er enn ánægðari þegar
hann skorar og eðlilega
verður hann ánægðari með
eigin frammistöðu þegar
hann skorar. Ég veit að
Gerrard á eftir að verða
betri og betri eftir því sem
lengra líður á keppn-
istímabilið. Við þurfum að
byggja á þessum sigri,
leggja Portsmouth á heimavelli í næstu umferð
og vinna síðan fyrsta útileikinn á leiktíðinni
gegn Wigan,“ sagði Spánverjinn Benítez,
knattspyrnustjóri Liverpool.
Biðin á enda hjá Gerrard
Steven Gerrard