Fréttablaðið - 02.04.2009, Qupperneq 31

FIMMTUDAGUR 2. apríl 2009 3
ÚR HÁBORG TÍSKUNNAR
Bergþór Bjarnason skrifar frá París
Flestir þekkja hvítu og bláröndóttu bolina sem nokkuð lengi hafa verið tengdir Jean-
Paul Gaultier og voru eitt af
því fyrsta sem almenningur
tók eftir úr smiðju hans og eru
enn seldir. Ilmvatnsflöskurn-
ar sem innihalda herrailm-
inn „Le mâle“ eru sömuleiðis
í hvítbláum, röndóttum flösk-
um líkum duggarapeysunum.
Margir muna líka eftir mál-
aranum Pablo Picasso í rönd-
óttu eða leikkonunni Brigitte
Bardot á forsíðum glansblað-
anna fyrir margt löngu. Aðrir
tengja kannski þessa tísku við
kragana ferköntuðu á öxlunum
sem Gaultier kynnti reyndar
með pallíettum 1997, þó pallí-
ettuhugmyndin komi nú líklega
ekki frá sjóliðum. En Gaultier
er langt frá því að vera sá fyrsti
sem leitar í einkennisbúninga
sjóhersins eða sjómanna og lík-
lega ekki heldur sá síðasta.
Leita þarf aftur til nítjándu
aldar til að finna fyrstu áhrif
einkennisbúninga í fatnaði en
það var Victoria Bretadrottning
sem byrjaði að klæða börnin sín
í stíl sjóliðabúninga um miðja
nítjándu öld. Seinna á öldinni
verður þessi barnaklæðnaður
hefðbundinn búningur fyrir
sunnudaga og trúarhátíðir hjá
fínni fjölskyldum. Löngu seinna
er það Gabrielle Chanel búandi
við ströndina í Deauville sem
leitar að einhverju þægilegra
en áður þekktist á ströndina
og notar í fyrsta skiptið jersey,
áður notað í sjómannaundirföt
í strandklæðnað og konur sýna
í fyrsta skiptið á sér leggina
á ströndinni. Vinsældirnar
voru miklar og þróuninni ekki
snúið við þrátt fyrir hneykslan
sumra sem þótti þetta hið mesta
siðleysi.
Í kringum 1960 er það enn
ein sjóliðaflíkin sem ratar inn í
fataskáp almennings í hönnun
Yves Saint Laurent. Hann fær
hugmynd frá hernum að hálfsíð-
um sportlegum jakka sem oftast
er hér kallaður „caban“ og enn
í dag er þessi jakki ómissandi í
hvern fataskáp.
Franska sjóliðasafnið stendur
um þessar mundir fyrir sýningu
undir yfirskriftinni, sjóliðar
í tískunni (Les marins font la
mode) sem sýnir þau áhrif sem
einkennisbúningarnir hafa haft
í gegnum tíðina á tískuna og
stendur fram til 26. júlí, fyrir þá
sem eru á ferðinni. Hugmyndin
kviknaði í kjölfar þess að sífellt
fleiri hönnuðir leituðu í heimild-
ir safnsins og teikningar þess
og markmið sýningarinnar er
að skilja hvers vegna og gefa
mynd af áhrifunum.
Enn í dag nægir að líta á
tískusýningar síðustu ára til
að finna áhrif sjóliðabúninga í
tískuhönnun. Hvort sem er hjá
Antonio Marras hönnuði Kenzo,
Yohji Yamamoto eða þeim sem
hvað mest hefur notað duggara-
peysurnar frægu, Jean-Paul
Gaultier. bergb75@free.fr
Af duggaratísku fyrr og síðar
Á vefsíðunni tightsplease.co.uk
má finna kynstrin öll af leggings
og sokkabuxum fyrir öll helstu
tilefni.
Leggings og sokkabuxur hafa verið
áberandi undanfarin misseri og
hafa þær svörtu jafnan haft yfir-
höndina. Víða má þó sjá meiri lita-
dýrð og munstur enda setja skraut-
legar sokkabuxur sterkan svip á
hvers kyns klæðnað. Þær flíkka
auðveldlega upp á litla svarta kjól-
inn auk þess sem hægt er að láta
þær tóna við skart og fylgihluti.
Á vefsíðunni tightsplease.co.uk.
má finna kynstrin öll af sokkabux-
um, leggings og stuðningsbuxum
sem margar af helstu tískudrós-
um heims hafa fallið fyrir. Þar er
úrval af einlitum, köflóttum, dopp-
óttum og skræpóttum buxum fyrir
öll hugsanleg tilefni. - ve
Skrautlegir
leggir
Vel valdar einlitar sokkabuxur setja
sterkan svip á hvers kyns klæðnað.
NORDICPHOTOS/GETTY
Hringdu í síma
ef blaðið berst ekki
Auglýsingasími
– Mest lesið