Morgunblaðið - 08.01.2007, Blaðsíða 40

ÁSKRIFT-AFGREIÐSLA 569 1100 MÁNUDAGUR 8. JANÚAR 8. DAGUR ÁRSINS 2007 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 Norðlæg átt,
víða 5–15 m/s en
hvassari sums
staðar vestan til.
Él norðan og austan til.
Mildast syðst. » 8
Heitast Kaldast
0°C -12°C
JÓLIN voru kvödd á brennum víða um land á laugardaginn en þá var
þrettándinn, síðasti dagur jóla, haldinn hátíðlegur. Landsmenn létu sér
ekki nægja að brenna upp kertastubba sem gengu af á jólunum líkt og
áður tíðkaðist heldur skutu upp ógrynni af flugeldum. Samkvæmt upp-
lýsingum frá lögreglu var hávaðasamt mjög sökum þessa og brugðust
sumir ókvæða við. Mikil þrettándabrenna var við Ægisíðu í Vesturbæ
hvar álfakóngur og álfadrottning brugðu blysum á loft í félagi við
Grýlu, Leppalúða og mannverur.
Morgunblaðið/Brynjar Gauti
Jólin kvödd á þrettándabrennu
Eftir Andra Karl
andri@mbl.is
„TRYGGINGASTOFNUN tók þessa
ákvörðun út frá gefnum forsendum. Þarna
voru nokkrir augnlæknar á ákveðinni skoð-
un og kynntu málið lítið sem ekki neitt fyrir
sínum félögum. Því sem þeir kynntu var
hins vegar afar illa tekið,“ segir Jóhannes
Kári Kristinsson, ritari Félags augnlækna,
um breytingar sem urðu um áramót en þá
var ákveðið að undirbúningur og eftirskoð-
anir vegna augasteins- og glákuaðgerða
skyldi fara fram á sjúkrahúsum en ekki á
stofum sjálfstætt starfandi augnlækna.
Jóhannes segir að klaufalega hafi verið
leyst úr þessu máli og telur að hægt hefði
verið að komast að annarri og betri nið-
urstöðu með samráði við alla augnlækna
sem málið snertir. „Mesta skerðingin verð-
ur gagnvart sjúklingum því þetta á fyrirsjá-
anlega eftir að auka á biðlistana. Þetta eru
lengstu biðlistar í heilbrigðiskerfinu og við
megum svo sannarlega ekki við því að
lengja þá frekar.“
Verið er að ræða málið innan Félags
augnlækna en engin ákvörðun hefur verið
tekin um aðgerðir. „Þetta verður rætt á
næstu dögum enda mikil óánægja í félaginu.
Þarna er um mjög erfitt mál að ræða en við
munum væntanlega grípa til einhverra að-
gerða á næstu vikum.“
Þröngt um starfsemina
Jóhannes Gunnarsson, lækningaforstjóri
á Landspítala – háskólasjúkrahúsi, segir
ekki fyrirséð að biðlistar muni lengjast. „Ég
get nú satt að segja ekki fullyrt um það og
mér finnst það fremur ólíklegt. Það er að
vísu svolítið þröngt um þessa starfsemi hjá
okkur en ég tel að með smávegis lagfær-
ingum megi koma þessari starfsemi fyrir.“
Breytingarnar munu þýða aukið álag á
augnlæknum sem starfa hjá LSH og
óánægja er með það meðal lækna.
Ljóst er að breytingarnar þýða aukin út-
gjöld en Jóhannes getur ekki sagt til um
hversu mikil þau verða, það fari t.a.m. eftir
aldurssamsetningu sjúklinga sem sækja
þjónustuna.
Jóhannes segir að litið sé svo á að þjón-
ustan sé hluti af aðgerðinni og því telur
hann eðlilegt að sjúklingar þurfi aðeins að
fara á einn stað vegna aðgerðarinnar.
Óánægja
meðal
augnlækna
Ekki fyrirséð að bið-
listar muni lengjast
FÉLAGSBÚSTAÐIR HF. stefna að því að
selja 20 íbúðir í Efra-Breiðholti á þessu ári en
20 íbúðir voru seldar í Fannarfelli í september
og október í fyrra. Markmiðið með sölu íbúð-
anna er að draga úr félagslegri einsleitni í
hverfinu. Sigurður Friðriksson, framkvæmda-
stjóri Félagsbústaða, segir að það sé yfirlýst
stefna Félagsbústaða að fækka íbúðum í sinni
eigu í Fellahverfi en þær voru 196 talsins fyrir
söluna.
„Efra-Breiðholtið var í kringum 20% af okkar
eign en önnur hverfi eru um átta og upp í 13%,“
segir Sigurður og tekur fram að stefnt sé að því
að hlutfall eigna í Efra-Breiðholti verði jafnt við
önnur hverfi borgarinnar.
Fulltrúar Vinstri grænna og Samfylkingar
lögðu fram tillögu á fundi velferðarráðs hinn 29.
nóvember sl. þess efnis að Félagsbústaðir hröð-
uðu sölu á hluta íbúða sinna í Efra-Breiðholti og
keyptu í öðrum hverfum borgarinnar til að
draga úr félagslegri einsleitni. Tillögunni var
vísað frá á fundi ráðsins hinn 13. desember sl.
og tók meirihlutinn fram að nú þegar væri unn-
ið gegn félagslegri einsleitni í hverfum borg-
arinnar. Í kjölfarið lögðu borgarráðsfulltrúar
Vinstri grænna og Samfylkingar fram fyrir-
spurn þar sem m.a. var óskað eftir svörum við
því með hvaða hætti væri unnið gegn fé-
lagslegri einsleitni í hverfum.
Árni Þór Sigurðsson, borgarfulltrúi Vinstri
grænna, segir að minnihlutinn hafi ekki fengið
vitneskju um þessa vinnu og því sé óskað eftir
upplýsingum um gang hennar.
Segir stefnuna óbreytta
Gísli Marteinn Baldursson, formaður borg-
arstjórnarflokks Sjálfstæðisflokksins, segir að
stefnan hafi ekki breyst en Félagsbústaðir sjái
um stefnumótun. Ákveðið hafi verið árið 2005
að berjast gegn félagslegri einsleitni og stefna í
þá átt að íbúðirnar séu ekki allar á sama stað.
Fyrirspurnin sé hins vegar sérstök þar sem
málið sé og hafi verið á fleygiferð.
Selja 20 íbúðir í Efra-Breiðholti
Félagsbústaðir vilja draga úr félagslegri einsleitni í hverfum borgarinnar
Í HNOTSKURN
»Félagsbústaðir fjölguðu leiguíbúðumsínum um 100 á síðasta ári en þá
voru keyptar 125 íbúðir og 25 seldar.
»Stefnt er að því að fjölga íbúðumum 100 á ári fram til ársloka 2010
með kaupum á íbúðum víðs vegar um
borgina.
Sjónvarpsmaðurinn
Magnús Magnússon
lést á heimili sínu
skammt frá Glasgow í
Skotlandi í gær eftir
baráttu við illvígan
sjúkdóm. Magnús var
77 ára að aldri og læt-
ur eftir sig eiginkonu
og fjögur börn.
Magnús var í ára-
tugi einn þekktasti
sjónvarpsmaður Bret-
lands í gegnum störf
sín hjá breska ríkisút-
varpinu, BBC. Hann
stjórnaði í aldarfjórð-
ung spurningaþættinum „Master-
mind“, sem var eitt vinsælasta sjón-
varpsefnið á Bretlandseyjum. Hann
var afkastamikill rithöfundur og
eftir hann liggja þýðingar á íslensk-
um fornbókmenntum og verkum
Halldórs Laxness á
ensku.
Magnús fæddist í
Reykjavík árið 1929,
sonur hjónanna Sigur-
steins Magnússonar
og Ingibjargar Sigurð-
ardóttur. Árið eftir
var Sigursteinn ráðinn
framkvæmdastjóri
Samvinnuhreyfingar-
innar í Evrópu með
aðsetur í Edinborg.
Þar bjó Magnús allt
frá níu mánaða aldri,
nam enska tungu og
bókmenntir við Ox-
ford-háskóla og lagði síðan stund á
framhaldsnám í Oxford og Kaup-
mannahöfn. Árið 1954 kvæntist
hann blaðakonunni Mamie Baird og
varð þeim fimm barna auðið, en
sonurinn Siggy lést 13 ára í bílslysi.
Andlát
Magnús Magnússon
FIMMTÁN ára stúlka þurfti að
leita aðhlynningar á Heilbrigðis-
stofnun Suðurnesja eftir árás
tveggja stúlkna, þrettán og fjórtán
ára, á leikvelli í Keflavík á laug-
ardagskvöld. Málið hefur verið sent
barnaverndaryfirvöldum.
Sauma þurfti fjögur spor í höfuð
stúlkunnar en samkvæmt upplýs-
ingum frá lögreglunni á Suðurnesj-
um lömdu árásaraðilarnir hana með
hafnaboltakylfu í hnakkann, ásamt
því að láta hnefahögg dynja á
henni. Haft var uppi á stúlkunum
tveimur og játuðu þær verknaðinn
við skýrslutöku og var sleppt að
henni lokinni. Að sögn lögreglu
töldu þær sig eiga sitthvað sökótt
við fórnarlambið en ekki liggur fyr-
ir hvert ágreiningsefnið var og er
málið til rannsóknar. Stúlkurnar
voru ekki undir áhrifum áfengis eða
fíkniefna og hafa ekki komið við
sögu lögreglu áður.
Alblóðugur á gangi
Fleiri líkamsárásir voru í Kefla-
vík um helgina því um klukkan hálf-
sex í gærmorgun komu lögreglu-
þjónar að alblóðugum karlmanni á
gangi. Maðurinn var með skurð á
höfði eftir að ráðist hafði verið á
hann á skemmtistað í bænum um
nóttina. Hann var fluttur á slysa-
deild HSS þar sem gert var að sár-
unum. Að sögn lögreglu er árás-
armaðurinn óþekktur en málið er í
rannsókn.
Beittu hafnaboltakylfu og
létu hnefahöggin dynja
Tvær táningsstúlkur í Keflavík réðust á 15 ára gamla stúlku