Morgunblaðið - 10.01.2007, Qupperneq 13

MORGUNBLAÐIÐ MIÐVIKUDAGUR 10. JANÚAR 2007 13
ÚR VERINU
BEZTA svar Norðmanna við veiði
Rússa umfram aflaheimildir í Bar-
entshafi er að gera slíkt hið sama.
Þetta segir Rögnvaldur Hannes-
son, prófessor við Verzlunarhá-
skólann í Bergen í Noregi í minn-
isblaði sem hann hefur tekið
saman og kallar klúðrið í þorsk-
inum.
Rögnvaldur segir að veiðar um-
fram kvóta eins og Rússar stundi í
Barentshafinu hafi lítil áhrif á
stærð þorskstofnsins. Athuganir
hans á stærð þorskstofnsins á ár-
unum 1945 til 2005 sýni að það sé
lítið samhengi milli stæðrar hrygn-
ingarstofnsins og nýliðunar.
Báðar þjóðirnar hafa
veitt umfram kvóta
Rögnvaldur segir að síðan Norð-
menn og Sovétmenn hafi tekið upp
sameiginlega fiskveiðistjórnun í
Barentshafi árið 1977, hafi báðar
þjóðirnar veitt umfram kvóta.
Norðmenn hafi leyft strandveiði-
flotanum að veiða umfram heim-
ildir fram til ársins 1980, en á síð-
ustu árum hafi Rússar veitt um
það bil 100.000 umfram kvóta,
samkvæmt áætlunum norskra yf-
irvalda.
„Tap Norðmanna vegna um-
framveiði Rússa felst í minna afla-
verðmæti og auknum kostnaði
vegna minnkandi þorskstofns.
Þrátt fyrir minni stofn geta Rúss-
ar hagnazt á umframveiðinni. Lík-
lega verði umframveiði Rússa að
vera mjög mikil til að hún skaði
hagsmuni þeirra meðan Norðmenn
hafast ekkert að. Bezta svar Norð-
manna er að veiða líka umfram
kvóta,“ segir Rögnvaldur.
Gagnkvæm ofveiði
leiðir til samvinnu
Hann segir að því meira sem
Norðmenn veiði umfram kvóta,
þeim mun minni verði umframveiði
Rússa. Hann bendir einnig á að
þar sem kostnaður Norðmanna við
veiðarnar sé meiri en Rússa, geti
það borgað sig að fara hæfilega
umfram veiðiheimildir.
„Sú aðferð að vinna ekki með
Rússum að ákvörðun hámarksafla
getur leitt til stofnstærðar þorsk-
ins langt undir mesta mögulegum
afrakstri. Þar með verður eftir-
tekjan minni. Það má kannski
segja, að það sé lítilfjörleg að-
ferðafræði að svara skorti á sam-
starfsvilja með ofveiði en þegar
annar aðilinn vill ekki samvinnu
getur það leitt til töluverðs ávinn-
ings fyrir hann. Með því að bregð-
ast við á sama hátt verður sam-
vinnan tekin upp á ný. Að svara
ekki með ofveiði eyðileggur mögu-
leikana á samvinnu til framtíðar,“
segir Rögnvaldur
Ráðleggur veiðar
umfram kvóta
Morgunblaðið/Arnaldur
Rögnvaldur Hannesson
Í HNOTSKURN
»Rússar veiða um það bil100.000 umfram kvóta á
ári, samkvæmt áætlunum
norskra yfirvalda
»Tap Norðmanna vegnaumframveiði Rússa felst í
minna aflaverðmæti og aukn-
um kostnaði
»Að svara ekki með ofveiðieyðileggur möguleikana á
samvinnu til framtíðar
„HITASTIG hefur sannanlega verið
að hækka. Þar er um að ræða nátt-
úrulegar sveiflur sem við þekkjum
vel til. Líklega auka gróðurhúsa-
áhrifin á þessi hlýsjávareinkenni,“
segir Jóhann Sigurjónsson, forstjóri
Hafrannsóknastofnunarinnar.
Fram kemur í nýrri skýrslu, sem
framkvæmdastjórn ESB hefur látið
gera, að hlýnun myndi koma sér
verr fyrir Suður-Evrópu en Norður-
Evrópu, þrátt fyrir að áhrif yrðu alls
staðar mikil.
„Breytingar á hita og sjógerð hafa
mikil áhrif á lífríkið eins og við
þekkjum frá síðustu öld og nú upp-
lifum við miklar sveiflur í göngu
loðnunnar og annars uppsjávarfisks.
Hversu mikið þetta tengist gróður-
húsaáhrifunum vitum við í raun
ekki.
Við þekkjum það af sögulegum
gögnum frá síðustu öld að hlýnun
hefur veruleg áhrif á framleiðnina á
Íslandsmiðum og samsetningu dýra-
lífs og fiskistofna. Við sjáum þess
merki nú en rekjum það ekki endi-
lega til þessara títtnefndu gróður-
húsaáhrifa, heldur að við séum að
fara inn í náttúrulegt hlýskeið eins
og á fyrri hluta síðustu aldar,“ segir
Jóhann Sigurjónsson.
Náttúrulegt hlýskeið
„ÞAÐ er óttaleg vitleysa í mönnum
ef þeir halda að það sé nóg að lengja
siglingaleiðina fyrir Reykjanesið um
30 mílur til að tryggja öryggi. Það
þyrfti að fara með hana miklu lengra
út ef svo ætti að vera. Reyndar eru
hætturnar þarna alls staðar, hvort
sem farið er djúpt eða grunnt,“ segir
Gísli Jóhannesson skipstjóri.
Gísli reri í 25 til 30 vetrarvertíðir á
þessum slóðum og er því öllum hnút-
um kunnugur. Hann nefnir þetta
vegna umræðna um strand flutn-
ingaskipsins Wilson Muuga og um-
ræðna um að breyta þurfi siglinga-
leiðinni fyrir Reykjanesið.
„Málið er miklu einfaldara. Það
þarf bara að fara
þetta á réttu falli
miðað við vind-
stöðu. Ef þú ert í
suðvestanroki á
móti vindi og með
strauminn með
þér, þá er voðinn
vís.
Það eru alls
konar drangar og
sker þarna fyrir utan. Það eru svo
miklir straumhnútar sem myndast
þarna bæði fyrir utan Garðskaga og
langt út á Leir og í kringum Eldeyj-
arskerin, að það verður að fara með
gát,“ segir Gísli.
Gísli Jóhannesson
Verður að fara með gát
NÝR 15 tonna bátur, Kristinn SH
712, hefur bætzt í flota Ólafsvík-
inga. Báturinn er af gerðinni Cleo-
patra 38, smíðaður í Trefjum í
Hafnarfirði.
Er báturinn hærri en sambæri-
legir bátar sem Trefjar smíða, er
hann til dæmis dýpri og hærri en
venjulegir bátar af þessari gerð. Er
það gert til þess að auka lest-
arrýmið og tekur Kristinn 26 450
lítra kör í lest. Báturinn er allur
hinn glæsilegasti og er frágangur
til fyrirmyndar að sögn þeirra
feðga Bárðar Guðmundssonar og
Þorsteins Bárðarsonar, eigenda
Breiðavíkur, sem gerir Kristin út.
Reyndist báturinn vel í prufusigl-
ingunni og var ganghraði um 22
sjómílur. Þeir feðgar eru mjög
ánægðir með bátinn.
Vélin er af gerðinni Caterpillar
og er hún 1.050 hestöfl, ljósavél er
af gerðinni Koler og er hún 21 kw.
Siglingatæki eru af Simrad-gerð og
sá Mareind í Grundarfirði um ísetn-
ingu tækjanna, einnig er báturinn
búinn krapískerfi frá Kælingu.
Línukerfi er frá Beiti.
Að sögn Bárðar er báturinn einn-
ig útbúinn bógskrúfum að aftan og
framan og er þetta fyrsti smábát-
urinn sem er með þennan búnað.
Við prufun reyndust bógskrúf-
urnar mjög vel. „Við erum einnig
með AIS-kerfi sem auðveldar okk-
ur af leggja línuna.“
Brú er vel búin tækjum og góð
aðstaða fyrir áhöfnina en það verða
4 í áhöfn. Báturinn verður gerður
út á línu og segir Þorsteinn að þeir
verði með landbeitta línu.
Morgunblaðið/Alfons
Nýr bátur á Ólafsvík
AÐEINS varð
vart við loðnu
fyrir Norðurlandi
um helgina en
síðustu daga hef-
ur veður hamlað
frekari leit rann-
sóknaskipanna
tveggja. Þrjú
veiðiskip eru nú
á leið á miðin fyrir Austurlandi til
leitar þar.
Jóhann Sigurjónsson, forstjóri
Hafrannsóknastofnunarinnar, segir
að ekki sé hægt að segja hvort um
mikið magn hafi verið að ræða.
Þetta verði nú skoðað á næstu dög-
um og vonandi sé veðrið farið að
ganga niður.
„Leitin verður því öflugri á
næstu dögum þegar færi gefst
vegna veðurs. Við verðum líklega á
miðunum að mestu leyti þennan
mánuð og vonandi skilar þessi
mikla leit árangri sem fyrst. En
það er ekki á vísan að róa þegar
loðnan er annars vegar,“ segir Jó-
hann.
Nokkrir togarar hafa verið á
veiðum fyrir Norðurlandi að und-
anförnu. Töluvert hefur verið af
loðnu í maga þorsksins á þeim slóð-
um, til dæmis á Rifsbanka.
Loðnu vart
fyrir norðan
Vökvadælur
Vökvamótorar
Stjórnbúnaður
Skútuvogi 6 • 104 Reykjavík • Sími 510 4100 • www.danfoss.isDanfoss hf
Kæliklefi og frystiklefi til sölu
Nýr kæliklefi og nýr frystiklefi til sölu. Uppsettir en ónotaðir.
• Stærð frystiklefans er h: 3.05, L: 7,80, b: 4.60, m. tveimur hurðum.
Frystikerfi getur fylgt með.
• Stærð kæliklefa h: 2.48, L: 6.12 og br: 3.32 með þremur hurðum.
Kælikerfið getur fylgt með.
Upplýsingar í síma 894 2580.
S í m i 5 5 1 7 2 7 0 , 5 5 1 7 2 8 2 o g 8 9 3 3 9 8 5 .
Þ jónustus ími utan skr i fs to fut íma 893 3985.
Þuríður Halldórsdóttir hdl., lögg. skipasali
www.hibyliogskip.is hibyliogskip@hibyliogskip.is
Til útgerðarmanna í söluhugleiðingum
Vegna mikillar eftirspurnar eftir veiðiheimildum vantar okkur
veiðiheimildir í krókaaflamarkskerfinu og aflamarkskerfinu.
Góð kauptilboð og fjársterkir kaupendur.
• Einnig vantar hlutafélög með veiðiheimildum, með eða án skips.
• Önnumst einnig sölu skipa og báta.
Minnum á heimasíðu okkar
www.hibyliogskip.is