Morgunblaðið - 01.05.2008, Blaðsíða 8
8 FIMMTUDAGUR 1. MAÍ 2008 MORGUNBLAÐIÐ
Pétur J. Hoffmann Magnússon: 1908-1910,
1913-14, 1915-17.
Arreboe Clausen: 1910, 1911-1913, 1917-1919.
Gunnar Halldórsson: 1910.
Gunnar Thorsteinsson: 1914-1915
Friðþjófur Thorsteinsson: 1919-1920, 1935.
Tryggvi Magnússon: 1920-1928.
Stefán A. Pálsson: 1928-1929.
Ólafur K. Þorvarðarson: 1029-1935.
Lúðvík Þorgeirsson: 1935-1937.
Guðmundur Halldórsson: 1937-1938, 1946-1947.
Jón Magnússon: 1938-1939, 1960-1961.
Ragnar Lárusson: 1939-1942.
Ólafur Halldórsson: 1942-1943.
Þráinn Sigurðsson: 1943-1946, 1947-1948.
Jón Þórðarson: 1948-1949, 1964-1965.
Gunnar Nielsen: 1949-1950, 1952-1953.
Guðni Magnússon: 1950-1951.
Sigurbergur Elísson: 1951-1952.
Sigurður Halldórsson 1953-1954.
Jörundur Þorsteinsson: 1954-1955.
Haraldur Steinþórsson: 1955-1960.
Sigurður E. Jónsson: 1961-1964.
Jón Þorláksson: 1965-1972.
Alfreð Þorsteinsson: 1972-1976, 1989-1994.
Steinn Guðmundsson: 1976-1978.
Hilmar Guðlaugsson: 1978-1986.
Birgir Lúðvíksson: 1986-1989.
Sveinn Andri Sveinsson: 1994-2000
Guðmundur B. Ólafsson: 2000-2007.
Steinar Þór Guðgeirsson: 2007–
Formenn Fram 1908–2008
Stefán A. er bróðir Gísla og Júlíusar.
Þeir bræður voru Íslandsmeistarar
með Fram. Mágar þeirra voru Jón
Sigurðsson slökkviliðsstjóri og Pét-
ur Sigurðsson, sem voru í Íslands-
meistaraliði Fram 1925 ásamt Páli,
Júlíusi og fleiri meistaraliðum.
Þegar Fram var endurreist voru
leikmenn Fram-liðsins aðeins 16 til
18 ára
Jón Sigursson skrifaði um þetta
tímabil í afmælisblað Fram:
„Ég vil sérstaklega vekja athygli á
starfi nokkurra. Guðmundur Hall-
dórsson æfði í 1. flokki af kostgæfni
og óvenjulegum áhuga og mun á
sumrum hafa eytt nær öllum sínum
frístundum í þarfir félagsins. Kjart-
an Þorvarðarson var sjúkur mestan
hluta þess tíma er hann var í stjórn,
en þrátt fyrir það tók hann þátt í
stjórnarstörfum, enda voru stjórnar-
fundir haldnir við sjúkrabeð hans.
Ólafur, bróðir hans, beindi starfs-
orku sinni aðallega að æfingu yngri
flokkanna. Þótt Stefán hyrfi frá for-
mennsku 1929 starfaði hann áfram
af miklum áhuga fyrir félagið.
Pétur Sigurðsson átti ekki sæti í
stjórn félagsins á þessum árum en
hann var ætíð reiðubúinn að vinna
fyrir það þegar þess var þörf og ósk-
að. Haukur Thors studdi félagið
rækilega á þessum árum, eins og oft
fyrr og síðar. Þessir menn ásamt
ýmsum fleirum áttu hvað mestan
þátt í endurreisn félagsins á mestu
þrengingartímum þess. Hefðu þeir
gefist upp 1928 þá hefðu lífsdagar fé-
lagsins verið taldir.
Félagsmenn hafa aldrei þakkað
þessum mönnum störf þeirra í þágu
félagsins sem skyldi, og nú eiga
menn erfitt með að gera sér í huga-
lund hvaða afrek var unnið á þessum
árum. Meðan félagið barðist fyrir til-
veru sinnu urðu kappliðsmenn fyrir
aðkasti almennings, sem aldrei hefði
tekið með silkihönskum á móti þeim
er tapar, og lengi gengu þeir til leiks
fullvissir um að engin leið lá til að
sigra, en ákveðnir að berjast til
hinstu mínútu og tapa heiðarlega.
Hið rétti íþróttaandi lifði meðal fé-
lagsmanna, og ekki leið á löngu
þangað til að árangur fór að sjást.
Kappliðunum fór að ganga betur,
það birti yfir öllu félagsstarfinu, og
að lokum kom félagið sterkt út úr
eldrauninni.“
Í bókinni Fram í 80 ár segir frá því
að strákafélög hafi haldið lífinu í
Fram og voru það til dæmis Vonin,
sem var á Njálsgötunni og æfðu
strákarnir, 8 til 12 ára, við Sundhöll-
ina. Þar í hópi var Sæmundur Gísla-
son, sem átti eftir að verða þrefaldur
Íslandsmeistari með Fram, og vest-
ur í bæ, við bæjardyr KR var Örin
staðsett á Ljósvallagötunni og neðst
á Ásvallagötunni.
Formaður var Haraldur Stein-
þórsson, sem síðar varð formaður
Fram, og í sveit hans voru Carl
Bergmann, bræðurnir Magnús og
Sigurður Ágústssynir, Kristján
Friðsteinsson, Haraldur Árnason og
Lárus Hallbjörnsson, svo einhverjir
strákar séu nefndir.
Strákarnir í þessum félögum
héldu tryggð við Fram og meira en
það, tilvist þeirra átti stóran þátt í að
halda lífinu í Fram á erfiðasta skeið-
inu, þar sem þeir mynduðu uppistöð-
una í yngri flokkunum sem héldu
alltaf áfram keppni á meðan meist-
araflokkurinn var að þoka sér upp úr
lægðinni.
Hetjulegt afrek unnið í endurreisn Fram 1928
Gáfust ekki upp
ÞEGAR aðalfundur Fram var haldinn í Iðnó 1928 gerðust þau tíðindi að
enginn úr stjórn félagsins mætti. Tryggvi Magnússon formaður var stadd-
ur í Frakklandi og ekki spurðist til annarra. Það má segja að Guðmundur
Halldórsson, sem síðar varð formaður Fram, hafi verið aðalhvatamaðurinn
að endurreisn félagsins og keypti hann bolta, því að félagið hafði ekki átt
peninga fyrir honum. Á aðalfundinum voru reikningar aldrei lagðir fram
og félagatalið var glatað ásamt fundagerðabók. Kjörin var ný stjórn og var
Stefán A. Pálsson valinn formaður í „endurreisnarstjórninni“ og með hon-
um í stjórn voru Guðmundur, sem var gjaldkeri, Ólafur K. Þorvarðarson,
ritari, Sigurður Halldórsson og Lúðvík Þorgeirsson, meðstjórnendur. Lúð-
vík, sem síðan var kunnur verslunarmaður í Lúllabúð, var aðeins 18 ára
þegar hann tók sæti í stjórninni.
FRAMARAR útnefndu í gærkvöldi,
í 100 ára afmælishófi Fram í Gull-
hömrum í Grafarholti, þrjá nýja
heiðursfélaga. Það eru þeir Guð-
mundur Jónsson, fyrrverandi
knattspyrnuþjálfari, sem vann
geysilegt öflugt starf við þjálfun
alla aldrursflokka félagsins um
margra ára skeið og sá jafnframt
um félagsheimili Fram við Skip-
holt.
Halldór B. Jónsson, sem var for-
maður knattspyrnudeildar Fram á
hinu sigursæla Ásgeirstímabili og
síðan varaformaður Knattspyrnu-
sambands Íslands; og Sigurður J.
Svavarsson, sem hefur verið ötull
starfsmaður Fram í gegnum tíðina.
Núlifandi heiðursfélagar Fram
eru ellefu, en fyrir voru eftirtaldir
(fyrir aftan nöfn þeirra eru ártölin,
sem þeir voru útnefndir):
Alfreð Þorsteinsson .................. 1998
Anný Ástráðsdóttir ................... 2003
Birgir Lúðvíksson ..................... 2003
Halldór G. Lúðvíksson .............. 1998
Hannes Þ. Sigurðsson............... 1998
Karl Guðmundsson.................... 2003
Steinn Guðmundsson ................ 2003
Sveinn H. Ragnarsson .............. 1998
Hátt í 600 manns voru í afmæl-
ishófinu og var þar frumflutt nýtt
Framlag.
Framarar blása í dag til veislu á
félagssvæði sínu í Safamýri í dag.
Öllum Frömurum verður boðið upp
á kaffi og veitingar frá kl. 13.30 til
16.
Morgunblaðið/Jón Svavarsson
Heiðursfélagar Guðmundur Jónsson, Halldór B. Jónsson, Sigurður J. Svavarsson, nýir heiðursfélagar Fram, ásamt Steinari Guðgeirssyni, formanni Fram.
Þrír nýir
heiðurs-
félagar
EIRÍKUR Jónsson, húsa- og list-
málari, sem varð margfaldur Ís-
landsmeistari með Fram í knatt-
spyrnu á „Gullárunum“ – lék stöðu
útherja – hannaði Fram-merkið
1936. Eiríkur, sem varð síðar heið-
ursfélagi hjá Fram, átti heima á
Laugavegi 43 og voru dætur hans,
Ingibjörg og Helga, í fyrsta
keppnisliði Fram í kvennaflokki
árið 1944 og þá var Helga fyrsta
konan til að taka sæti í aðalstjórn
Fram, undir formennsku Þráins
Sigurðssonar 1945-1946. Helga
giftist Magnúsi Ágústssyni, sem
varð Íslandsmeistari í knattspyrnu
með Fram 1946 og 1947, en bræð-
ur hans Högni, Íslandsmeistari
1939, og Sigurður, Íslandsmeistari
1946, voru einnig afburða knatt-
spyrnumenn.
Sonur Eiríks, Jón, lék knatt-
spyrnu í yngri flokkum Fram og
var í fyrsta 4. flokki Fram árið
1939, sem fagnaði sigri á Reykja-
víkurmóti.
Valgerður, Vala, dóttir Eiríks,
lék handknattleik með Fram. Hún
giftist Erni Hallsteinssyni, marg-
földum Íslandsmeistara með FH og
landsliðsmanni.
Eiríkur var mikill fagmaður og
sá hann um húsamálun fyrir
Reykjavíkurborg. Í frístundum
lagði hann rækt við listmálun,
enda mjög drátthagur eins og
merki Fram sýnir. Málverk eftir
hann eru eftirsótt í dag á málver-
kauppboðum.
Þess má geta að Eiríkur var
meistari Ríkarðs Jónssonar þegar
hann kom frá Akranesi í mál-
aranám til Reykjavíkur og varð Ís-
landsmeistari með Fram 1947.
Eiríkur
hannaði
Fram-merkið
FRAMARAR gerðu sér strax
grein fyrir því að knattspyrnan
væri harður leikur og leikmenn
ættu á hættu að meiðast í kapp-
leikjum. Til þess að leikmenn
Fram biðu ekki fjárhagslegt tjón,
er þeir meiddust í kappleik, var
stofnaður slysasjóður hjá Fram
1933. Það var Sigurður Hall-
dórsson miðframvörður sem lagði
fram sparisjóðsbók með álitlegri
fjárupphæð til að stofna sjóðinn.
Á aðalfundi Fram þetta ár safn-
aðist töluverð fé og gaf Haukur
Thors stærstu upphæðina í sjóð-
inn.
Framarar
stofnuðu
slysasjóð
ÞRÍR Framarar hafa verið útnefnd-
ir íþróttamenn Reykjavíkur í hófi að
Höfða síðan útnefningar hófust
1979.
Marteinn Geirsson, fyrirliði Fram
og landsliðsins í knattspyrnu, var
útnefndur 1981.
Pétur Ormslev, fyrirliði Fram og
landsliðsmaður í knattspyrnu, var
útnefndur 1987.
Guðríður Guðjónsdóttir, fyrirliði
Fram og landsliðskona í hand-
knattleik, var útnefnd 1995.
Þrír Framarar
íþróttamenn
Reykjavíkur
Knattspyrnufélagið Fram 100 ára