Morgunblaðið - 13.06.2008, Side 1

Morgunblaðið/Frikki
Fjölskyldubíll Hjónin Guðmundur og Anna ásamt börnum sínum Hafsteini, Skúla og Geirþrúði Önnu.
Eftir Þormóð Dagsson
thorri@mbl.is
TALSVERT hefur verið rætt um rafmagn sem
fýsilegan kost fyrir íslenskar samgöngur enda er
það bæði ódýr og hreinn aflgjafi. Engu að síður
eru aðeins örfáir rafmagnsbílar skráðir á Íslandi
og einungis fimm í einkaeign.
Hjónin Guðmundur Hafsteinsson tónskáld og
Anna Benassí tónlistarkona og skjalaþýðandi
eignuðust Reva rafmagnsbíl í október síðast-
liðnum. Þau segja að Íslendingar séu enn þá
smeykir við rafmagnsbílana en að þeirra sögn hef-
ur Reva bíllinn reynst þeim mjög vel. Hann komst
þar að auki klakklaust í gegnum veturinn.
Umhverfismeðvituð
„Ég var alltaf að bíða eftir visthæfu ökutæki og
var orðinn nokkuð gamall þegar ég eignaðist minn
fyrsta bíl,“ segir Guðmundur. Það var ekki fyrr en
fjölskyldan fór að stækka þegar þörfin fyrir öku-
tæki var orðin brýn. Fjölskylda þeirra telur nú sex
manneskjur en auk rafmagnsbílsins eiga þau einn
jarðeldsneytisjeppa. Jeppinn er þó nær eingöngu
notaður þegar farið er út fyrir borgarmúrana.
Innan þeirra nægir Reva þeim til langflestra nota.
„Síðan reyndist hann vel í vetur,“ heldur Anna
áfram en margir voru svartsýnir á getu bílsins yfir
íslenskan vetur.
„Hann stóð sig vel í snjónum og hálkunni, a.m.k.
ekkert síður en aðrir smábílar. Það fraus reyndar
stundum í vatnsleiðslum og þá þurfti maður að
bíða aðeins eftir að þær þiðnuðu. Ef maður er með
bílskúr þá er það ekkert vandamál,“ segir Guð-
mundur.
Rafbílafælni
„Það hefur verið eitthvert hik á Íslendingum í
þessum efnum,“ segir Guðmundur.
„Ég hef mikið hugsað um hversu upplagðar raf-
mangssamgöngur eru fyrir íslenskt samfélag,“
heldur hann áfram og tekur sem dæmi innleiðingu
hitaveitunnar.
„Við sjáum í dag hversu dásamlegur kostur það
hefur verið fyrir Íslendinga. Fyrir utan sparn-
aðinn sem af því fæst þá er umhverfisþátturinn
ómetanlegur. Innleiðing rafmagns í samgöngur
yrði afar þjóðhagslega góður kostur. Við lifum í
svo litlu samfélagi sem þýðir að ein hleðslustöð
gæti strax breytt heilmiklu,“ segir hann.
„Við góðar aðstæður kemst hann glettilega
hratt,“ segir Guðmundur og segir bílinn álíkan
vespu að því leyti. Annars segja þau að viðbrögð
íslenskra ökumanna við bílnum knáa séu mismun-
andi.
„Oft brosir fólk til okkar með uppréttan þumal
og á öðrum stundum finnur maður fyrir að sumum
er svolítið í nöp við hann,“ segir Guðmundur.
„Þegar ég fer fram úr stærri bílum þá espast þeir
gjarnan og taka fram úr aftur,“ segir Guðmundur
og hlær.
„Einu sinni var sonur okkar spurður af bekkja-
bróður sínum: „Af hverju keyrir pabbi þinn um á
dótabíl?“ segir Anna og hlær. Spurningin er
kannski ekki svo vitlaus þar sem hjónin hafa mikla
skemmtun af því að keyra bílinn.
„Ég kemst alltaf í gott skap þegar ég sest upp í
bílinn,“ segir Anna og Guðmundur tekur í sama
streng.
„Það er mjög gaman að upplifa það að raf-
mangsbíll skuli virkilega vera raunhæfur kostur.“
„Þjóðhagslega góður kostur“
föstudagur 13. 6. 2008
bílar mbl.isbílar
Leiðangurinn fullkomnaður hjá liði BMW með þeirra fyrsta formúlusigri » 5
ÁHYGGJULEYSI
ÍTALSKI SMÁBÍLLINN FIAT BRAVO TEKINN
TIL KOSTANNA Í REYNSLUAKSTRI >> 8
HÖFUÐSTÖÐVAR Toyota í Japan
hafa tilkynnt að tengiltvinnbíll frá
fyrirtækinu sé væntanlegur á jap-
anskan, bandarískan og evrópskan
markað árið 2010. Koma þessara bíla
inn á markaðinn mun eflaust hafa
miklar breytingar í för með sér í bíla-
heiminum en sumir hafa spáð að
tengiltvinnbíllinn sé næsta stóra bylt-
ingin í þróun visthæfra ökutækja.
Þessir bílar munu innihalda nýja teg-
und líþíumjónarafhlaðna sem ná tals-
vert meiri hleðslu en núverandi raf-
hlöður tvinnbíla. Auk þess verður
hægt að hlaða tengiltvinnbílana, sem
ganga bæði á rafmagni og jarðelds-
neyti, með venjulegu heim-
ilisrafmagni. Með því næst enn meiri
drægi á rafmagninu eingöngu og þar
af leiðandi verður losun koldíoxíðs
enn minni.
Margir kannast við líþíumjóna-
rafhlöður í ferðatölvum en eins og áð-
ur sagði þá ná þær meiri hleðslu og
eru talsvert minni en þær rafhlöður
sem núna eru notaðar í tvinnbílum.
Notkun líþíumjónarafhlaðna í
tvinnbíla Toyota er afrakstur sam-
starfs bílaframleiðandans og Matsus-
hita Electric Industrial Co. sem fram-
leiðir Panasonic-vörur. Framleiðsla á
rafhlöðunum mun hefjast á næsta ári
og þær fara svo í fjöldaframleiðslu
árið 2010.
Yfir milljón Prius-tvinnbíla hefur
selst um heim allan og er spáð mikilli
söluaukningu á þeim á næstu árum.
Morgunblaðið/Jim Smart
Toyota með
tengiltvinn-
bíl árið 2010
Rafmagnskostnaður við akstur Reva-
rafmagnsbíls þeirra Guðmundar Hafsteins-
sonar og Önnu Benassí eftir 5300 kílómetra
og átta mánaða notkun var tæpar 11 þúsund
krónur. Miðað við núverandi bensínverð
myndi upphæðin eftir sama akstur ná tæp-
lega 100 þúsundum krónum á með-
aleyðslufrekum bensínbíl.
„Það var fyrst og fremst af umhverf-
isástæðum sem við völdum þennan bíl því
okkur ofbýður öll koltvísýringsmengun, sót
og annar óþverri sem jarðefnaeldsneytinu
fylgir. Hitt er náttúrulega gott ef maður getur
á sama tíma komist þokkalega út úr þessu
fjárhagslega,“ segir Guðmundur.
Bíllinn kemst tæpa 50 km á hleðslu.
Ódýr og hrein orka