Morgunblaðið - 21.06.2008, Blaðsíða 8

8 LAUGARDAGUR 21. JÚNÍ 2008 MORGUNBLAÐIÐ
FRÉTTIR
STANGVEIÐI
Eftir Einar Fal Ingólfsson
efi@mbl.is
ÓLAFUR F. Magnússon borgar-
stjóri tókst í gærmorgun í fyrsta
skipti á við eina af rótgrónari hefð-
um embættisins er hann opnaði
Elliðaárnar með því að renna maðki
í Sjávarfoss. Þótt Ólafur hafi ekki
stundað veiðar síðustu árin hefur
hann veiðieðlið í blóðinu en faðir
hans, Magnús Ólafsson læknir, var
formaður Stangaveiðifélags Reykja-
víkur á árum áður. Enda leið ekki
nema um klukkustund uns fyrsta
laxi sumarsins var landað.
Tveir lágu á Breiðunni
Morguninn var bjartur og fallegur
er Ólafur hóf veiðarnar undir eftir-
liti, ef svo má segja, því á annan tug
áhorfanda var á bakkanum auk leið-
sögumanna Ólafs, Stefáns bróður
hans og Ásgeirs Heiðars. Borgar-
stjóri varð ekki var í fossinum og þá
steðjaði hersingin niður á Breiðu.
„Þar liggja tveir laxar,“ hvíslaði
einhver.
Á því varð þó einhver bið að laxinn
tæki og Ásgeir Heiðar sagði laxana
hafa hörfað. „Við hvílum þetta og
komum aftur,“ sagði hann.
Aftur var rennt í fossinn, án ár-
angurs, og þá reynt við Breiðuna að
nýju. Í ljós kom að þriðji laxinn hafði
nú slegist í hóp hinna tveggja og eft-
ir að hafa vandað sig við rennslið,
festi Ólafur loks í einum þeirra. Þá
var klukkan átta mínútur yfir átta.
Laxinn tók hressilega á móti og
tók spretti um Breiðuna, en eftir
nokkrar mínútur lyfti Ásgeir Heiðar
á land silfraðri og lúsugri hrygnu.
„Þetta var mjög skemmtilegt!“
sagði borgarstjórinn kátur.
„ Ég veiddi marga fiska í fossinum
hér áður fyrr, þegar ég var duglegri
við veiðarnar en í dag,“ sagði Ólafur.
„Mér finnst á vissan hátt skemmti-
legra að eiga við hann á Breiðunni,
enda fór hann hér talsvert um.“
Hann sagði það hafa sterkt tilfinn-
ingalegt gildi fyrir sig að fá að opna
Elliðaárnar því faðir hans var for-
maður SVFR fyrir 32 árum.
„Ég veiddi þó nokkuð hérna á átt-
unda áratugnum. Kannski að þetta
endurveki áhugann og ég fari að
blanda þessu við fjallamennskuna.
Mér fannst þetta skemmtileg við-
ureign, sjónræn og falleg,“ sagði
borgarstjóri og brosti breitt.
Morgunblaðið/Einar Falur
Sterkur Ólafur F. Magnússon borgarstjóri togast á við fyrsta lax sumarsins í Elliðaánum. Laxinn tók maðkinn á Breiðunni rúmlega átta í gærmorgun.
Stoltur „Kannski að þetta endur-
veki áhugann,“ sagði Ólafur.
Sjónræn viðureign og falleg
KYNT verður í hinu árlega Jóns-
messubáli á vegum Ferðatrölla við
Tungurétt í Svarfaðardal í kvöld.
Áður en það verður gert verður
boðið til gönguferðar frá Melum kl.
20. Farið verður á Melaeyrar þar
sem talið er að Jón Rögnvaldsson
hafi verið brenndur árið 1625,
fyrstur galdramanna á Íslandi.
Þaðan verður gengið að Tungu-
rétt og er áætlað að gangan taki um
tvo tíma. Þegar þangað er komið
verður kveikt í bálkestinum og mun
krökkum gefast kostur á að grilla
eða baka sér snúbrauð yfir eld-
inum. Að því loknu mun Leikfélag
Dalvíkur flytja sviðsetta frásögn af
fyrstu galdrabrennunni. Þá verða
sungnir fjöldasöngvar og Kven-
félagið selur kaffi og kakó með við-
biti í Tunguseli.
Farið á slóðir
galdramanns
SAMKOMULAG Starfsgreina-
sambands Íslands við fjármála-
ráðherra um breytingar á kjara-
samningi aðila, sem skrifað var
undir 26. maí sl., var samþykkt með
miklum meirihluta greiddra at-
kvæða.
Alls voru 2.139 einstaklingar á
kjörskrá. Atkvæði greiddu 677 eða
31,7%. Já sögðu 616 eða 91,0%. Nei
sögðu 55 eða 8,0%. Auðir og ógildir
seðlar voru 6 eða 1,0%. sunna@mbl.is
Samþykktu
samninginn
BÆNDUR sem hófu veiðar í gærmorgun neðan Æðarfossa í Laxá í
Aðaldal voru búnir að landa sex stórlöxum, 10 til 14 punda, eftir
þriggja tíma veiði. Að sögn Orra Vigfússonar, formanns Laxárfélags-
ins, er aðeins veitt á flugu og voru allir fiskarnir merktir með radíó-
merki áður en þeim var sleppt aftur. Stefnt er að því að merkja 60
hrygnur til að auðvelda rannsóknir á búsvæðum laxins í ánni.
Líflegt í Aðaldalnum
25 NÝNEMAR hlutu 300 þúsund
króna styrk úr Afreks- og hvatning-
arsjóði stúdenta Háskóla Íslands í
dag.
Fyrst um sinn styrkir sjóðurinn
nemendur sem hafa náð framúrskar-
andi árangri á stúdentsprófi en í
framtíðinni mun sjóðurinn einnig
styrkja nemendur í grunnnámi við
skólann.
Stúdentar frá MR skera sig úr
Athygli vekur að af 25 styrkþegum
hljóta stúdentar frá Menntaskólan-
um í Reykjavík sex en stúdentar frá
Verslunarskóla Íslands koma næstir
með þrjá styrki. Stúdentar frá
Menntaskólanum við Hamrahlíð og
Menntaskólanum á Akureyri hljóta
tvo styrki hvor skóli en afgangurinn
dreifist nokkuð jafnt á tíu aðra skóla.
Flestir styrkhafar hyggja á nám í
ýmiss konar verkfræðigreinum og þá
hafa fimm tekið inntökupróf í lækn-
isfræði. Samtals sækjast nemarnir
eftir inngöngu í 15 ólíkar námsleiðir.
Alls bárust rúmlega 60 umsóknir
um styrk og var við valið litið til ár-
angurs á stúdentsprófi auk virkni
stúdents í félagsstörfum í framhalds-
skóla. Fjórtán konur hlutu styrkinn á
móti ellefu körlum. andresth@mbl.is
25 stúd-
entar fá
styrk
TILKYNNING um hænu á vappi í
miðbæ Hafnarfjarðar barst lögregl-
unni í fyrrakveld. Brugðust laganna
verðir skjótt við og eftirför hófst.
Hænan reyndist hin versta viðfangs
og vildi ekki láta ná sér en að lokum
tókst að þreyta hana og færa til bók-
ar á lögreglustöðinni. Hefur hún
vafalaust verið minnug örlaga ís-
bjarnarins sem ekki vildi nást og gef-
ist upp á hlaupunum.
Ekki er enn vitað hvað hænunni
gekk til með athæfinu en mál hennar
er í rannsókn. skulias@mbl.is
Fiðurfé tek-
ið höndum
Náðist á hlaupum