Morgunblaðið - 29.06.2008, Blaðsíða 29

MORGUNBLAÐIÐ SUNNUDAGUR 29. JÚNÍ 2008 29
12
1
2
4
5
8
9
10
11
13
3
67
1
13
2
13 HÓTEL ALLAN HRINGINN
1 ML Laugarvatn • 2 ÍKÍ Laugarvatn • 3 Skógar • 4 Vík í Mýrdal
5 Nesjaskóli • 6 Neskaupstaður • 7 Egilsstaðir • 8 Eiðar • 9 Stórutjarnir
10 Akureyri • 11 Laugarbakki • 12 Ísafjörður • 13 Laugar í Sælingsdal
Pantaðu allan hringinn á hoteledda.is eða í síma 444 4000
ÚTSALAN ER HAFIN
Kringlunni • Simi 568 1822
www.polarnopyret.is
Laugavegi 53 • Sími 552 3737
Opið virka daga 10-18 • Laugardaga 10-16
Útsalan
hefst á morgun
Viltu selja eða
kaupa fyrirtæki?
Firma Consulting, Þingaseli 10, 109 Reykjavík,
GSM: (+354) 820 8800 og (+354) 896 6665,
Fax: (354) 557 7766, Veffang: firmaconsulting.is
Magnús Hreggviðsson viðskiptafræðingur og lög-
giltur fyrirtækja-, fasteigna- og skipasali. Magnús er
með áratuga reynslu af endurskoðunarstörfum, sem
rekstrarráðgjafi, fyrirtækja- og fasteignasali, útgef-
andi, fasteignarekandi, „land-developer“ í Smára-
hvammi og starfandi stjórnarformaður í nokkrum
fyrirtækjum. Er aðalráðgjafi hjá Firma Consulting.
(magnus@firmaconsulting.is)
Firma Consulting (www.firmaconsulting.is) er
ráðgjafafyrirtæki sem sérhæfir sig í ráðgjöf við
kaup og sölu millistórra og stórra fyrirtækja.
Ég ætlaði alltaf að verða blaðamaður og sjón-varpskona og fór til Bandaríkjanna, fyrirrúmum tveimur áratugum til að læra fjöl-miðlafræði,“ segir Ragna. „Eftir að hafa
starfað aðeins í auglýsingabransanum og þá aðallega í
markaðssetningu kviknaði hjá mér löngun til að stofna
mitt eigið fyrirtæki. Það var svo eiginlega tilviljun sem
réði því að silkið varð sú vara sem ég versla með. Ég var í
fríi á Tælandi og var þar á höttunum eftir silki sem ég
hugðist nota á heimili okkar hér í London, til að yf-
irdekkja sófa og fleira spennandi. Ég fann fyrirtæki
þarna úti sem seldi ekki einungis efnin heldur framleiddi
þau sjálf. Þetta var lítið og huggulegt fjölskyldufyrirtæki
og eigandinn var við þegar ég kom þangað. Ég endaði
með að eyða öllum deginum í búðinni og kom út með full-
mótaða viðskiptahugmynd í kollinum. Mig langaði að
stofna sams konar fyrirtæki.“
Úr varð Chase Erwin. Fyrirtækið sérhæfir sig í sér-
hönnuðu silki sem er mest keypt til að yfirdekkja hús-
gögn, púða eða gardínur. Fyrirtækið rekur eina verslun í
hönnunarmiðstöðinni Chelsea Harbour í London þar
sem er að finna ýmsar verslanir sem nýtast innan-
húshönnuðum vel við vinnu sína. Auk þess hefur fyr-
irtækið yfir að ráða vörulager og skrifstofuhúsnæði í
næsta nágrenni verslunarinnar.
Bókasafn með tvær bækur
Ragna hóf fyrir tveimur áratugum samstarf við fyr-
irtækið litla sem hún rambaði á í Tælandi og sáu þeir um
framleiðslu á öllum efnum fyrir Chase Erwin til að byrja
með.
„Þetta byrjaði auðvitað mjög smátt í sniðum og var
tæpast um mikla fjárfestingu að ræða í upphafi,“ segir
Ragna. „Við fluttum til London og ég útbjó möppu með
nokkrum sýnishornum af efnunum okkar. Möppurnar
fór ég svo með til innanhúshönnuða og kynnti fyrir þeim
hvað við værum að gera.“
Ragna segir það ágætt dæmi um hvað fyrirtækinu hef-
ur vaxið fiskur um hrygg að í upphafi voru sýn-
ishornamöppurnar tvær en síðustu sýnishorn frá þeim
endi trúlega með að koma út í yfir tvö þúsund eintökum.
„Hönnuðir sem höfðu áhuga á efnunum okkar gátu ein-
ungis fengið möppurnar lánaðar fyrst um sinn,“ segir
Ragna og líkir starfseminni við bókasafn.
Títtnefndar möppur nota innanhúshönnuðir um heim
allan til að sýna viðskiptavinum sínum hvað í boði er og
geta viðskiptavinirnir verið jafnt einstaklingar og fyr-
irtæki. Ragna veit því sjaldnast hvar efnin hennar enda
og segist hafa lent í því að sjá silkið sitt óvænt í notkun.
„Einu sinni var ég á snekkjusýningu í Mónakó og þar
rakst ég mjög óvænt á efnin okkar í einni af glæsisnekkj-
unum sem þar voru til sýnis. Svo hef ég einnig rekist á
efnin á hóteli í Las Vegas,“ segir hún.
Innblástur í íslenskri náttúru
„Það er mjög skrýtið að hugsa til baka og rifja upp
hvað þetta var í raun frumstætt hjá okkur í upphafi. Ég
hef oft reynt að rifja upp hvernig mér datt þetta einfald-
lega í hug á sínum tíma. En fólk tók mér alveg ótrúlega
vel frá upphafi,“ segir Ragna, en Chase Erwin er eitt af
yngstu fyrirtækjunum í sínum geira hér í Bretlandi.
„Öll þessi fyrirtæki sem eru hér í Chelsea Harbour
voru til þegar við byrjuðum og mörg þeirra hafa verið til
í hartnær hundrað ár.“ Ungur aldur hefur þó ekki háð
fyrirtækinu og Ragna fullyrðir að Chase Erwin sé eitt af
10 til 15 þekktustu fyrirtækjunum í þessum gera á
heimsmælikvarða, „og meðal þeirra fyrirtækja sem
versla eingöngu með silki erum við meðal þriggja þekkt-
ustu fyrirtækjanna, bæði hvað varðar sölu, dreifingu og
stöðu á markaðnum,“ segir hún.
„Þetta hefur bara gengið ótrúlega vel og sérstaklega
miðað við að ég hef aldrei lært neitt í þessum fræðum,“
segir Ragna.
Hún lætur það þó ekki aftra sér og hannar sjálf öll efn-
in. „Ég hanna þau í huganum og lýsi þeim svo fyrir fram-
leiðendunum sem í kjölfarið senda mér sýnishorn af því
sem þeir hafa búið til. Einstöku sinnum rissa ég upp ein-
hverjar hugmyndir og sendi þeim,“ segir Ragna.
„Ég sæki mikinn innblástur í íslenska náttúru, nátt-
úrulega liti ekki of bjarta eða skæra og samblöndu af
áferðum. Ég hef mikið verið að vinna með sjóinn og öld-
urnar undanfarið. Hugmyndirnar koma að heiman.“
Litla fjölskyldufyrirtækið í Tælandi hefur nú lagt upp
laupana en Ragna og félagar fá efni sín send bæði frá
Tælandi, Ítalíu og Indlandi.
„Þetta eru allt rótgróin fyrirtæki sem við verslum við
og það gefur okkur tækifæri á að halda okkar sérkenn-
um í útliti efnanna auk þess hve gott og rótgróið sam-
band á milli framleiðenda og dreifingaraðila skiptir
geysilega miklu máli. Ég passa bara að efnin samræmist
okkar stíl,“ segir Ragna en stílnum myndi hún sjálf lýsa
sem „nútímalegum en um leið klassískum. Þetta eru allt
rólegir litir og munstur. Það lifir lengst. Málið er bara að
halda sig við sérhæfinguna og þróa það sem vel gengur
og það sem við gerum vel, að byggja á grunninum í stað-
inn fyrir að vera sífellt að finna upp á einhverju nýju.“
Fiskiroð á húsgögn
Undantekningin á þessu er þó ný lína sem er í bígerð
hjá Rögnu og félögum, en þar er undirstaðan íslenskt
fiskiroð unnið á Sauðárkróki.
„Ég á sjálf veski úr fiskiroði sem ég keypti í Kirsu-
berjatrénu og mig hefur lengi langað að gera eitthvað úr
roði, reyndar hef ég leitað lengi eftir möguleikum að
vinna með íslensk efni.“
Ragna rekur auk Chase Erwin fyrirtækið Vef ásamt
föður sínum á Íslandi og hyggst hún eyða meiri tíma hér
á landi á næstu misserum. Vefur er meðal annars með
úrval af efnum og öðrum tengdum vörum til heim-
ilisnotkunar og fyrir fyrirtæki.
„Ég hlakka til að eyða meiri tíma heima á næstunni.
Mig langar að vinna meira heima, og hjálpa pabba við
Vef, það er svo gefandi að hafa beint persónulegt sam-
band við viðskiptavinina,“ segir Ragna að lokum.
Hugmyndirnar koma að heiman
Þegar Ragna Erwin hélt út í heim
grunaði hana ekki að hún ætti
eftir að stjórna einu stærsta fyrirtæki
sinnar tegundar í heiminum. Sú varð
þó raunin og í dag hefur Ragna
lifibrauð af því að hanna og selja
silki. Birta Björnsdóttir fékk að
heyra sögu Rögnu.
Hönnun Ragna Erwin sækir innblástur til Íslands.