Fréttablaðið - 17.04.2009, Qupperneq 24

24 17. apríl 2009 FÖSTUDAGUR
UMRÆÐAN
Andrés Magnússon
og Margrét Krist-
mannsdóttir skrifa
um Evrópumál
Það þarf ekki að fara mörgum orðum um
stöðu íslenskra fyrir-
tækja um þessar mund-
ir, ytra umhverfi þeirra
er skelfilegt og birtist
m.a. í himinháum vöxt-
um, verðbólgu, gjald-
eyrishöftum, dauð -
vona krónu og skertum
kaupmætti. Við þessar
aðstæður er atvinnulíf-
inu gert að standa í fæt-
urna, rétta úr bakinu og
spýta í lófana enda öfl-
ugt atvinnulíf forsenda
þess að þjóðin komi sér upp úr
núverandi stöðu.
Gríðarlegur kraftur býr í
íslenskum atvinnurekendum og
þeir átta sig fyllilega á sínu hlut-
verki í endurreisn þjóðarinnar en
því miður fer allt of mikill kraft-
ur þeirra í að berjast við ytri
aðstæður í stað þess að vinna að
uppbyggingu sinna fyrirtækja. Í
dag eyðir forystusveit íslenskra
fyrirtækja of miklu af tíma sínum
í að slökkva elda í stað þess að
horfa til framtíðar.
Fyrirtækjum og heimilum í
landinu hefur oft verið stillt upp
sem andstæðum pólum sem hafa
ólíkra hagsmuna að gæta. En því
fer fjarri – hagur fyrirtækjanna
og heimilanna er samtvinnað-
ur því hagur heimilanna bygg-
ir á öflugu atvinnulífi og fyrir-
tæki reiða sig á vinnuframlag og
öflugan kaupmátt heimilanna.
Atvinnulífið og heimilin haldast
því hönd í hönd og eru samherjar
í baráttunni fyrir efna-
hagslegum stöðugleika.
Á undanförnum miss-
erum hafa allar kannanir
sýnt að mikill meirihluti
fyrirtækja innan versl-
unar og þjónustu vill að
íslensk stjórnvöld hefji
nú þegar aðildarviðræð-
ur við Evrópusambandið
enda átta fyrirtækin sig
á því að þau þurfa að vera
hluti af stærri heild í því
alþjóðaumhverfi sem
þau starfa í. Öflugt efna-
hagslegt bakland snýst
um framtíð fyrirtækj-
anna og lífskjör fólksins
í landinu.
Því er það algjörlega
óásættanlegt að stjórn-
málaflokkar og einstakir
hagsmunaaðilar leggist í
skotgrafir og neiti þjóð-
inni um þann sjálfsagða rétt að fá
að vita hvað standi henni til boða
í aðildarviðræðum. Evrópumál-
ið er miklu stærra en svo að það
eigi að snúast um stjórnmálaskoð-
anir og sérhagsmuni einstakra
atvinnuvega enda eru fylgjendur
aðildarviðræðna í öllum flokkum
og öllum atvinnugreinum. Það má
aldrei líðast að sérhagsmunir séu
teknir fram yfir þjóðarhag. Fram-
tíð barnanna okkar er mikilvæg-
ari en sérhagsmunir og flokka-
drættir.
Nú sem aldrei fyrr er haldið
uppi öflugum hræðsluáróðri
gegn aðildarumsókn þó fyrir liggi
að ný aðildarríki hafa án undan-
tekninga náð að verja brýnustu
þjóðarhagsmuni sína í aðildar-
viðræðum. Hér er það því til-
gangurinn sem helgar meðal-
ið. En hræðsluáróður í stöðunni
í dag er einnig undar legur, enda
er verið að hræða fólk með ein-
hverju sem enginn veit hvað er.
Það veit nefnilega enginn hvaða
niðurstöðum aðildarviðræður við
Evrópusambandinu munu skila.
Um það snýst málið – kröfuna um
að þjóðin fái að vita hvað aðild að
Evrópusambandinu þýðir – kosti
þess og galla þannig að hún geti
í þjóðaratkvæðagreiðslu sjálf
metið hvar hagsmunum hennar
er best borgið eftir að niðurstöður
aðildarviðræðna liggja fyrir. Að
stjórnmálamenn og hagsmuna-
aðilar hætti að eyða dýrmætum
tíma í getgátur en hefji leit að
staðreyndum.
Þjóðin á betra skilið en að
kjörnir fulltrúar hennar á Alþingi
setji forræðishyggju og flokks-
hagmuni ofar rétti hennar til að
ákveða sjálf hvert hún vill stefna.
Við gerum þá kröfu að þeir stjórn-
málaflokkar sem taka við eftir
kosningar í lok mánaðarins setji
það í stjórnarsáttmálann að farið
verði nú þegar í aðildarviðræð-
ur og velji til þess verks öflug-
ustu samningamenn þjóðarinnar.
Þegar niðurstöður liggja fyrir á
þjóðin síðasta orðið − og stjórn-
málaflokkar eiga ekki að óttast
dómgreind eigin þjóðar.
Andrés Magnússon er fram-
kvæmdastjóri SVÞ. Margrét
Kristmannsdóttir er fram-
kvæmdastjóri Pfaff, formaður
SVÞ og FKA.
Að óttast sína eigin þjóð
MARGRÉT
KRISTMANNSDÓTTIR
ANDRÉS
MAGNÚSSON
Fyrirtækjum og heimilum í
landinu hefur oft verið stillt
upp sem andstæðum pólum
sem hafa ólíkra hagsmuna að
gæta. En því fer fjarri – hagur
fyrirtækjanna og heimilanna
er samtvinnaður …
UMRÆÐAN
Vigdís Hauksdóttir
skrifar um opinberan
rekstur
Tilgangur laga nr. 84/2007 um opinber
innkaup er að tryggja jafn-
ræði fyrirtækja við opin-
ber innkaup, stuðla að hag-
kvæmni í opinberum rekstri með
virkri samkeppni og efla nýsköpun
og þróun við innkaup hins opinbera
á vörum, verkum og þjónustu. Sam-
kvæmt 3. gr. laganna taka lögin til
ríkis, sveitarfélaga, stofnana þeirra
og annarra opinberra aðila.
Viðmiðunarfjárhæðir vegna opin-
berra innkaupa á Evrópska efna-
hagssvæðinu er að finna í reglugerð
nr. 807/2007. Viðmiðunarfjárhæðir
vegna skyldu til útboðs á Evrópska
efnahagssvæðinu samkvæmt 78. gr.
laga nr. 84/2007 skulu vera sem hér
segir: opinberir aðilar - viðmiðunar-
fjárhæðir vegna skyldu til útboðs á
Evrópska efnahagssvæðinu sam-
kvæmt 78. gr. laganna hjá opinberum
aðilum að frátöldum sveitarfélögum
og stofnunum eru eftirfarandi: vöru-
og þjónustusamningar 11.690.000 kr.
og verksamningar 449.490.000 kr.
Þegar sveitarfélög, stofnanir þeirra
og aðrir opinberir aðilar á þeirra
vegum eiga í hlut eru viðmiðunar-
fjárhæðir þessar: vöru- og þjónustu-
samningar 17.980.000 kr. og
verksamningar 449.490.000
kr. Almennt er kveðið á um
útboð í lögum nr. 65/1993
um framkvæmd útboða og
eiga þau lög við um opinber
útboð eins langt og þau ná,
það er að segja þegar ekki
er vikið frá þeim í lögum
um opinber innkaup eða
öðrum sérlögum.
Þegar innkaup/verk eru
yfir eftirtöldum viðmiðunarfjár-
hæðum er meginreglan sú að þau
þarf að auglýsa á öllu EES svæð-
inu með birtingu í Stjórnartíðind-
um ESB. Hefur þetta í för með sér
að erlend fyrirtæki hafa tækifæri á
að bjóða í innkaup/verk hér á landi.
Nú þegar atvinnuleysi hefur náð
nýjum hæðum er mikilvægt að ríki
og sveitarfélög leggist á eitt og hug-
leiði umfang innkaupa/verka til að
halda þeim á innanlandsmarkaði án
þess að brjóta gegn reglum EES-
samningsins. Verði tekin meðvituð
ákvörðun um að hafa umfang útboða
undir viðmiðunarfjárhæðum er
hægt að skapa fleirum atvinnu með
auknum verkfjölda. Ég tel að þessi
aðgerð komi til með að fleyta mörg-
um fyrirtækjum og einyrkjum sem
nú eru í rekstri og framleiðslu yfir
erfiðasta hjallann.
Höfundur skipar 1. sætið
fyrir Framsóknarflokkinn í
Reykjavíkurkjördæmi suður.
Opinber innkaup
VIGDÍS
HAUKSDÓTTIR
UMRÆÐAN
Ása Björk Ólafsdóttir
skrifar um ylrækt
Okkur er trúað fyrir fallegu og gjöfulu
landi. Á sama tíma og
mörg okkar óttast nánustu
framtíð og völtu efnahags-
kerfi verður komið í jafn-
vægi, skulum við hugsa
um það hvað okkur langar til að
sjá gerast. Hverjar eru vænting-
ar okkar?
Minn draumur er sá, að Íslend-
ingar verði sjálfum sér nógir með
mat. Matarkistan og gnægtar-
brunnurinn Ísland er ekki óraun-
hæfur draumur. Til eru nokkrar
leiðir. Um leið og tekin verður
ákvörðun um að garðyrkjubændur
fái raforku á stóriðjuverði, munum
við sjá hraða þróun og mikla upp-
byggingu í ylrækt. Fólk mun sjá
framtíð í að reisa gróðurhús og
hefja hvers konar ræktun græn-
metis eða/og jafnvel ávaxta.
Langtímastörfin við ræktun
eru svo mörg að ég hef ekki hug-
myndaflug til að telja þau. Ótal-
in eru þá afleidd störf við þjón-
ustu, pökkun, dreifingu og svo
framvegis. Þessi einfalda aðgerð
kemur þannig til með að stór-
auka eftirspurn eftir gleri og
grindum í gróðurhúsin, það skap-
ar störf. Einnig skapast störf við
undirbúning og vinnu við
uppsetningu húsanna.
Lífræn og hrein rækt-
un er sú ímynd sem Ísland
á að hafa út á við. Mig
dreymir um að við ræktum
nóg fyrir innanlandsmark-
að. Ekki einungis vegna
þess að íslenskt grænmeti
er fyrsta flokks, held-
ur einnig til þess að nota
ekki dýrmætan gjaldeyri í
nokkuð sem við getum verið sjálf-
bær um. Við framleiðum nóg af
kjöti, eigum nægan fisk í hafinu,
afbragðs mjólkurvöru og eigum
að rækta meira grænmeti og ein-
hverja ávexti. Það virðist erfiðara
með kornið, en í byggræktun erum
við komin vel í gang. Ræktun skóga
breytir loftslaginu og því verðugt
markmið að virkja enn frekar þann
stórhug sem með mörgum býr.
Þetta er sú framtíðarsýn sem ég
hef og að auki tel ég að sú vannýtta
auðlind sem felst í lækningajurt-
um sé nokkuð sem beri að athuga
gaumgæfilega. Þó ber sérstaklega
að gæta þess að ganga ekki á villta
stofna, en hugsanlega er þó hægt að
rækta slíkar jurtir í gróðurhúsum í
einhverjum mæli. Þannig náum við
að nýta þann gnægtarbrunn sem
landið okkar vissulega er.
Höfundur er héraðsprestur
og skipar 6. sæti á lista VG í
Suðvesturkjördæmi.
Allsnægtir landsins
ÁSA BJÖRK
ÓLAFSDÓTTIR
skipta um dekk hjá Max1
Umfelgun og ný dekk á góðu verði
Umfelgun og jafnvægisstilling á 4 fólksbíladekkjum á 12–16 tommu
stálfelgum 6.458 kr. Kauptu sumardekkin hjá Max1 á góðu verði.
Spyrðu okkur hvað við getum gert meira fyrir þig.
Við erum góðir í að gera hlutina fljótt og vel og ódýrt – skoðaðu: www.max1.is
Reykjavík, sími 515 7190: Bíldshöfða 5a,
Bíldshöfða 8, Jafnaseli 6, Knarrarvogi 2.
Akureyri, sími 462 2700: Tryggvabraut 5.
Skoðaðu www.max1.is
Sparaðu, láttu
Ný sumardekk
Dekkjaskipti