Morgunblaðið - 30.10.2008, Síða 4

4 FréttirINNLENT
MORGUNBLAÐIÐ FIMMTUDAGUR 30. OKTÓBER 2008
„Við vildum enga áhættu“
 Hópur manna á Suðurlandi skoðar forsendur málsóknar vegna peningabréfa
 „Ég ætla ekki að una því að vera hafður að fífli“  Neyðarlögin brjóti jafnræði
Eftir Gunnhildi Örnu Gunnarsdóttur
gag@mbl.is
„NÚ er ljóst hvað Landsbankinn borgar út með
góðu,“ segir Guðmundur Lárusson, bóndi á Stekkj-
um II við Selfoss og fyrrverandi formaður Lands-
sambands kúabænda.
Guðmundur átti tæpar 60 milljónir inni í pen-
ingabréfum fyrir mjólkurkvóta sem hann seldi og
hluta jarðar, sem hann ásamt systkinum sínum
erfði eftir móður sína.
Guðmundur er einn 14.434 einstaklinga sem áttu
43,6 milljarða króna í sjóðum Landsbankans við fall
hans. Bankinn greiðir út tæp 69 prósent af innlendu
bréfunum og því ljóst að eigendurnir verða af millj-
örðum. Guðmundur setti sig í
samband við Sigurð Sigurjóns-
son, hæstaréttarlögmann hjá
Lögmönnum Suðurlandi.
„Við munum án efa leita rétt-
ar okkar. Ég ætla ekki að una
því að vera hafður að fífli. Það
geri ég ekki,“ segir Guðmundur.
„Við fjölskyldan vildum ekki
taka áhættu með árangur ævi-
starfsins, þess vegna fórum við
út í peningabréfin því við trúð-
um því að þetta væri örugg fjárfestingarleið.“
Sigurður segir þónokkra umbjóðendur sína hafa
óskað eftir því að málið verði skoðað.
„Fyrir neyðarlögin giltu almennar reglur við
gjaldþrotaskipti. Lögin kveða hins vegar á um að
innistæður fái stöðu forgangskrafna. Síðan er bætt
um betur og ríkisstjórnin áréttar að innistæður séu
tryggðar að fullu. Afleiðingarnar eru þær að einni
tegund innistæðna, innlánum, er gert hærra undir
höfði á kostnað þeirra sem áttu sinn sparnað í pen-
ingabréfum,“ segir Sigurður.
„Þetta er skýlaust brot á jafnræði. Þetta er
stjórnarskrárbrot. Ég dreg því gildi laganna í efa.“
Sigurður hefur óskað eftir upplýsingum frá Lands-
bankanum um samsetningu sjóðanna. „Vonandi
fóru þeir eftir gildandi reglum. Hafi það ekki verið
er áskilinn réttur til að þeir sæti ábyrgð. Svo kemur
til skoðunar í framhaldinu hvort höfðað verði mál.“
Guðmundur
Lárusson
Eftir Ómar Friðriksson
omfr@mbl.is
UNDIRBÚNINGUR vegna útboðs
sérleyfa til olíuleitar við Ísland er í
fullum gangi þessa dagana. Sérleyfi
til leitar, rannsókna og vinnslu á
olíu og gasi á Drekasvæðinu, norð-
austur af Íslandi, verða boðin út 15.
janúar og sýna erlend fyrirtæki
víða um heim mikinn áhuga á út-
boðinu.
,,Það er allt í fullum gangi. Unnið
er að lagafrumvarpi í tengslum við
þessa leyfisveitingu og við vinnum
af fullum krafti að kynningu á út-
boðinu. Vinna við útboðsskilmála er
einnig í gangi í samstarfi við aðrar
ríkisstofnanir,“ segir Þórarinn
Sveinn Arnarson, sérfræðingur hjá
Orkustofnun.
Fram kom á ráðstefnu um
Drekasvæðið í byrjun september að
þó óvissuþættirnir væru miklir, þá
væru sterkar vísbendingar um að
mögulegt verði í framtíðinni að
vinna olíu og gas á svæðinu. Haft
var eftir norskum sérfræðingi
Sagex Petroleum í Morgunblaðinu
að ætla mætti að þar megi mögu-
lega vinna ígildi 10 milljarða tunna
af olíu.
Fram kom að reynist þetta rétt
og ef miðað er við að olíutunnan
verði yfir 100 Bandaríkjadölum,
megi ætla að verðmæti þessa
magns sé 85 þúsund milljarðar kr.
Það er fjórtánföld sú lánsfjárhæð
sem ríkið ætlar að afla til að vinna
bug á fjármálakreppunni. Hafa ber
í huga að finnist olía í vinnanlegu
magni er ósennilegt að vinnsla gæti
hafist fyrr en eftir 16 ár.
Lækkun olíuverðs áhyggjuefni
Þórarinn segir lækkun olíuverðs í
heiminum áhyggjuefni við undir-
búning verkefnisins því hún geti
haft áhrif á hvað olíufyrirtæki telja
vænlegt að gera. Að sögn hans
munu Íslendingar taka þátt í stórri
kynningu á Drekasvæðinu og fyr-
irhuguðu útboði í London í lok nóv-
ember á ráðstefnu sem bresku olíu-
leitarsamtökin (PESGB) standa
fyrir.
Kaupa gögn um svæðið
Unnið er að ýmsum fleiri kynn-
ingarverkefnum. Að sögn Þórarins
fjölgaði fyrirspurnum verulega í
kjölfar ráðstefnunnar á Íslandi.
„Olíufyrirtækin óskuðu eftir frekari
upplýsingum frá okkur. Ráðstefnan
var stór áfangi í kynningarstarfinu
en eftir sem áður aðeins hluti af því
sem við erum að gera þessa dagana.
Við vitum að olíufyrirtækin hafa
einnig keypt gögn af svæðinu sem
eru til sölu. Það sýnir að þau eru
farin að gera eigin rannsóknir á
möguleikunum,“ segir hann.
Aukinn áhugi á olíuleit
 Útboð á Drekanum kynnt á ráðstefnu bresku olíuleitar-
samtakanna í London  Olíufyrirtæki kaupa gögn um svæðið
GJALDÞROT
danska lágfar-
gjaldaflugfélags-
ins Sterling mun
ekki hafa nein
áhrif á starfsemi
Iceland Express.
Þetta segir
Matthías Ims-
land, fram-
kvæmdastjóri fé-
lagsins, en
fjárfestingarfélagið Fons á bæði fé-
lögin. „Það eru engin fjárhagsleg,
stjórnunarleg eða rekstrarleg
tengsl á milli Sterling og Iceland Ex-
press,“ segir Matthías og tekur fram
að íslenskir flugfarþegar sem keypt
hafi miða með Iceland Express þurfi
ekki að óttast um sinn hag.
Morgunblaðið hafði í gær eftir
Pálma Haraldssyni, öðrum aðaleig-
enda Fons, að nær útilokað væri fyr-
ir Íslendinga að standa í fyrirtækja-
rekstri utan Íslands um þessar
mundir og benti í því samhengi á að
Fons væri nú krafið um staðgreiðslu
í nánast öllum viðskiptum.
Aðspurður hvort Iceland Express
væri einnig krafið um staðgreiðslu í
sínum viðskiptum svarar Matthías
því neitandi og telur að skýra megi
það með tvennum hætti „Við erum
skuldlaust fyrirtæki og með sterka
eiginfjárstöðu, þannig að staðan
okkar er mjög sterk langt fram í
tímann,“ segir Matthías og tekur
fram að fyrirtækið hafi alltaf staðið
í skilum við erlenda birgja sína og
því ekki lent í neinum vandræðum
með stóru birgjana. Bendir hann á
að þar sem allt að 70% af innkomu
fyrirtækisins séu í erlendri mynt
hafi Iceland Express ekki lent í
vandræðum út af gjaldeyris-
kreppunni sem nú geisi líkt og mörg
önnur íslensk fyrirtæki.
Hefur engin
áhrif á Iceland
Express
Matthías
Imsland
ALMAR Örn Hilmarsson, fram-
kvæmdastjóri Sterling, vildi ekkert
tjá sig um stöðu fyrirtækisins þegar
eftir því var leitað í gær. Sagðist
hann t.d. ekki mega upplýsa hversu
margir ferðamenn á vegum fyrir-
tækisins væru strandaglópar víðs
vegar um heiminn og vísaði í því
samhengi á Lisu Bo Larsen lögmann
þrotabúsins á dönsku lögmanns-
skrifstofunni Kromann Reumert. Í
samtali við Morgunblaðið sagðist
Larsen ekki hafa þær tölur á hrað-
bergi og ekki geta tjáð sig um fyr-
irtækið að svo stöddu.
Gátu ekki tjáð
sig um Sterling
ÓLAFUR Ragnar Grímsson, forseti Íslands,
heimsótti fyrirtækið Prologus í Reykjavík í gær
og kynnti sér starfsemi þess. Prologus hefur ver-
ið starfrækt í 10 ár og sérhæfir sig í húsgagna-
og innanhússhönnun. Einnig annast fyrirtækið
framleiðslu og sölu á sínum vörum, sem allar eru
framleiddar af íslenskum iðnfyrirtækjum, s.s.
sófar, stólar, skápar, lampar og skrifstofu-
húsgögn. Með Ólafi Ragnari á myndinni eru
Lovísa Óladóttir verkefnastjóri, Guðmundur
Einarsson framkvæmdastjóri og Kristín
Sigurðardóttir innanhússarkitekt.
Meðal viðskiptavina Prologus hafa verið Há-
skóli Íslands, Orkustofnun, Landsbankinn og
Össur. Í framhaldi af þessari heimsókn forsetans
hyggst Prologus standa fyrir nokkrum morgun-
verðarfundum þar sem málefni sambærilegra
fyrirtækja verða rædd í nútíð og framtíð.
Allar vörur Prologus framleiddar af íslenskum iðnfyrirtækjum
Forsetinn kynnti sér starfsemi Prologus
Morgunblaðið/Ómar
Kvennalandsliðið
í fótbolta skipa
stelpur með sterk
bein. Þær mælast
með 24% þéttari
bein en jafnöldrur.
Mætum á völlinn í dag
og hvetjum stelpur með
sterk bein til sigurs