Tíminn - 12.01.1962, Blaðsíða 8
I
I
I
- ■:
í frásögnum af ferðalögum um
óvegi Afríku — mýrar, skóga,
sanda og urðir vekur það oft at-
hygli lesandans, að ekki er rætt
um bílinn, sem farartæki, heldur
Landróverinn, svo sjálfsagt þykir,
að það sé sú bifreiðategund, sem
notuð er. En Land Rover er ekki
aðeins sjálfsagðasti bíllinn á óveg-
um Afríku, heldur er hann nú svo
að segja í öllum álfum heims þar
sem vegir eru enn frumstæðir,
land erfitt umferðar og margir
farartálmar. En hann sést líka víða
um lönd á ökrum, eða við penings-
hús, þar. sem hann knýr margs
konar búvélar, eða dregur hlass.
Hér á landi hafa einnig sézt
nokkrir Land Rover bílar, og þeir
hafa reynzt með afbrigðum vel.
Tálmanir hafa þó löngum verið á
innflutningi þeirra, eins og margra
annarra bila, svo að þeim hefur
ekki fjölgað hér eins og eðlilegt
mætti virðast, því að ekki fer á
milli mála, að þetta er mjög heppi-
legur bíll í sveitum landsins og
sjávarþorpum, þar sem betra er
að vera á farartæki, sem kemst yfir
smávilpu eða melkoll, einnig þar
sem snjóar eru. Þessi bíll getur
létt margs konar störf eins og
dráttarvél. Bíllinn er sérstaklega
byggður fyrir torfærur ýmiss kon-
ar, hann er sterkur og með drifi
á öllum hjólum, hefur bæði hátt
og lágt drif, kemst upp flestar
brekkur, ef hjól ná aðeins taki,
þolir mikinn hliðarhalla og fjaðra-
umbúnaður þannig, að unnt er að
aka talsvert greitt, þótt óslétt sé
undir, jafnvel þýfi eða hryggir.
Hann er búinn góðu húsi og sætum
fyrir 4—6 menn. Hægt er að sitja
á hann spil, og er hann þá einfær
um að bjarga sér, þótt fastur setj-
ist. Einnig er hægt að fá með hon-
um margs konar tæki til bústarfa,
flutnings og moksturs. Margir
telja hann sérlega vel hæfan sem
læknisbíl í strjálbýli, þar sem veg-
ir eru misjafnir og oft þarf að
íerðast í snjó, og munu læknar úti
á landi oft hafa augastað á honum.
í tilefni af því, að fyrsta send-
ing þessara bíla eftir að innflutn-
ingur var gefinn frjáls — nokkrir
tugir —- kom til landsins skömmu
fyrir jólin, bauð Heildverzlunin
Hekla, sem Sigfús Bjamason rek-
ur, og hefur umboð fyrir þessa
brezku bíla, blaðamönnum að
skoða bílana og sjá, hvers þeir
væru megnugir í akstri. Einnig
ræddu þeir við Georg Coe, sendi-
mann frá Rover-verksmiðjunum,
sem hingað kom í tilefni af þess-
um aukna innflutningi þessara bíla
og til að líta eftir þjónustu í við-
haldi þeirra og gefa góð ráð um
notkun bílanna.
Var farið með gesti og bíla inn
fyrir bæ og bílarnir reyndir þar í
gömlum malargryfjum í hellirign-
ingu og foraði. Þótti ýmsum þær
ökuferðir allsvaðilfengnar en undr-
uðust mjög, hversu léttilega bíll-
inn fór upp og niður snarbratta
Efsta myndin hér að ofan
sýnir hús heildverzlunarinnar
Heklu með vænan hóp Land
Roverbifreiða fyrlr framan. <
Næsta mynd sýnir Land-Rov
er renna sér upp snarbratta
og forarblauta brekku í nánd
vlð Reykjavik — og ferðin
niður gengur líka að óskum,
þótt bílllnn standi nærri þvi
upp á endann. Á neðstu mynd
sést, að Land-Rover þolir mlk
’nn iiliðarhalla.
malarbakka, og um börð, móa,
vilpur og aur og virtist fleira en
vegir færir.
Eftir það ræddu menn við Georg
Coe. Hann kvað það tilgang ferðar
sinnar hingað að veita alla þá að-
stoð og leiðbeiningar, sem þörf
væri á í sambandi við innflutning
Land Rover bílanna að nýju, og
kvað hann verksmiðjunum það
ánægjuefni, að þessir bílar skyldu
koma á ísienzkan markað, því að
sér virtist auðsætt, að þeir hæfðu
hér mjög vel, einkum úti á landi.
Hann kvaðst líka vera mjög ánægð-
GEORGE COE,
sendimaður Rover-verksmiðjanna.
-«s* Qð
ur yfir því að geta kynnzt íslenzk-
um staðháttum og þeirri viðhalds-
þjónustu, sem eigendum þessara
bila hér á landi stæði til boða, því
að verksmiðjan legði áherzlu á, að
sú þjónusta vaeri sem bezt.
Coe sagði, að heildverzlunin
Hekla hefði nú um 12 ára skeið
verið umboðsmenn Rover-verk-
smiðjanna hér á landi og hefði
annazt þessa þjónustu vel, þrátt
fyrir ýmis vandkvæði á seinni ár-
um.
Hann sagði, að Hekla hefði að
undanförnu sérhæft nokkra menn
í meðferð og viðgerðum þessara
bíla og m. a. sent mann út til
tækniþjálfunar í verksmiðjunni.
Hann kvaðst og fullviss um, að
Heildverzlunin Hekla hefði hina
ágætustu aðstöðu til að rækja um-
boðsstörfin þegar hinar nýju bygg-
ingar fyrirtækisins, sem nú eru í
smíðum að Laugavegi 170—172,
kæmu í not, en líklega yrði flutt í
þær á árinu 1962.
Coe kvaðst hafa reynt að kynna
sér ástand vega okkar og hvaða
sérkröfur þeir gerðu til bíla, en
sæi ekki betur en Land-Rover væri
mjög hentugur hér, enda byggður
fyrir svipuð skilyrði. Kvaðst Coe
ánægður yfir komunni hingað og
kynnum sínum af landi og fólki.
Rover-verksmiðjurnar í Bret-
landi eru gamalt fyrirtæki, stofn-
að 1885, en þá voru framleidd reið-
hjól, og um aldamótin hófst fram-
leiðsla á bifhjólum. Svo kom 8
hestafla Rover-bifreið á markað
1904. Til gamans má geta þess, að
þessi bifreið var talin of kraft-
mikil og var orka hennar minnkuð
í 6 hestöfl. Söluverð hennar var
105 pund. Bifreiðir þessar frá 1904
eru enn til gangfærar í Bretlandi,
Ástralíu, índlandi, Nýja Sjálandi
og í Evrópu.
Eftir þetta urðu framfarir í bif-
reiðasmíði mjög hraðfara hjá
verksmiðjunni. Á heimsstyrjaldar-
árunum fyrri sinnti verksmiðjan
öðrum hlutverkum, en 1919 setti
(Framhald á 15 síðu)
UNDIR LAND-ROVER
8
/
TIMIN N, föstudaginn 12. janúar 1962.