Skinfaxi - 01.10.1918, Blaðsíða 7

SKINFAXI
7.9
Sam|)ykt var að prenta ekki þingtíðindi
að þessu sinni.
Fundargerð lesin, sungið og þingi slitið.
Snndkensla.
U. M. F. „Geisli“ i Aðaldal hafði sund-
námsskeið á síðastliðu vori, 9.—23. juní.
Námskeiðið var haldið í sundpolli, er fé-
lagið kom sér upp í áarsprænu þeirri er
Helgá heitir, í Reykjahverfi. I hana renn-
ur heilt vatn úr hverum, sem þar eru
(Uxahverir o. fl.), og er áin þægilega hlý
til að synda í. Kennari námskeiðsins var
Lárus J. Rist íþróttakennari á Akureyri,
en hann er óefað æfðastur og færastur
sundkennari norðanlands. Kaus félagið
heldur að velja bezta -fáanlega kennarann,
þótt dýr væri, en annan óæfðan og ódýr-
an. Enda sýndi árangur námskeiðsins
ótvírætt, að það val borgaði sig. Er þess
getið öðrum félögum til athugunar. —
Nemendnr voru milli 40 og 50, piltar og
stúlkur á ýmsum aldri. Veitir ekki af
æfðum og röggsömum kenuara til að sinna
þeim hóp svo að vel sé, og það tókst
Lárusi ágætavel. Byr]endur urðu allvel
færir á bringu og baki, en þeir er áður
höfðu numið, tóku framförum í svipuðum
hlutföllum.
„Geisli“ heldur árleg íþróttamót, þar sem
kept er um verðlaunapeninga félagsins í
öllum almennum íþróttum. Mót þessa árs
var haldið í lok námsskeiðsins, sunnu-
daginn 23. Júní, á Brúaengi við Grenjað-
arstað. Var þar jafnframt sundpróf fyrir
námskeiðsfólkið, og vakti það almenna að-
dáun.
Því miður var veðrátta ekki sem heppi-
legust dagana, sem námskeiðið stóð yfir.
Gerði hret 14. Júní og töpuðust við það
þrír dagar. Hlóð þá niður fönn, svo að
kálfasnjór varð sumstaðar í bygð.
Sundlaugin er ekki sem heppilegust, en
viðunandi þó. Sjálfsagt steypir félagið
hana úr steini áður langt líður. En sem
stendur hefir það önnur járn i eldi. Það
hefir tekið sér fyrir hendur að koma upp
vönduðu samkomuhúsi fyrir sveitina.
Áhugi á iþróttum er mikill i „Geisla".
Hefir hann íþróttamót á hverju vori, svo
sem áður er sagt. Auk þess skíða- og
og skautamót á vetrum og svo æfinga-
fundi af og til í glímum og skíða og
skautaferðum. Mun skíðaíþróttin þar einna
lengst á veg komin meðal U. M F. hér-
lendis. Skíðamótsbrekkan er valin þar
sem er 9—10 álna há hengja, og þykir
enginn sá maður með mönnum, sem smeyk-
ur er við þá brekku.
Stjórn „Geisla“ skipa: Kristján Jónatans-
son bóndi i Tumsu, Þórkell Jóhannesson
á Syðrafjalli og Ketill Indriðason á Ytra-
fjalli. Kristján er dugnaðar- og áhuga-
maður með afbrigðum og meðal efnileg-
ustu glímumanna norðanlands. Þórkell
dvelur bér í Rvík í vetur.
Aðalsteinn Sigmundsson.
Félagsmál.
Drátt
þann, sem orðið hefir á úlkomu blaðs-
ins, eru kaupendur góðfúslega beðnir að
afsaka. Stafar hann fyrst af fjarveru
{>eirra sem um blaðið átlu að sjá og sið-
an af völdum inflúensunnar. Verður
reynt að bæta úr því við fyrsta færi.
Orðsciidiugar frá sambandsstjórn.
Sambandsstjórnin afhenti í póst 14. okt.
I. árg. af Ársrili Fræðafélagsins til allra
Sambandsfélaganna og eyðublöð undir
skýrslur fyrir þetta ár lil allra sambands-
félaga í Vestfirðingafjórðungi, Héraðssam-
bandi Dalamanna, Austur-Skaftfellinga,
Vestur-Skaftfellinga og Fljótsdalshéraðs.