Skinfaxi - 01.12.1966, Síða 6

að halda skemmtanir á þessum fall-
ega stað, nema banna þar um leið alla
áfengisneyzlu.
XIII. landsmót U.M.F.Í.
— Hvað er að frétta af undirbún-
ingi næsta landsmóts af hálfu UÍA?
— Endurbætur á íþróttamannvirkj-
um á Eiðum eru þegar hafnar. í-
þróttavöllurinn hefur verið herfaður
og sléttur undir umsjón Björns
Magnússonar á Eiðum. Jónas Jóns-
son búnaðarráðunautur er okkar ráð-
gjafi í grasræktarmálum vallarins.
þá verður gerður sérstakur grasvöll-
ur fyrir keppni í knattspyrnu. Áform-
að er að koma upp plastsundlaug
fyrir sundkeppnina, eins og gert var
á landsmótinu á Laugarvatni, en við
höfum að því leyti erfiðari aðstöðu,
að við verðum að hita upp vatnið í
laugina. Þorsteinn Einarsson íþrótta-
fulltrúi hefur veitt okkur góða að-
stoð og leiðbeiningar varðandi þetta
allt.
Aðstæður á Eiðum verða tvímæla-
laust góðar. Ungmennafélagar hafa
alltaf átt góða heimkomu að Eiðastað.
Þarna á UÍA lögheimili, og skóla-
stjórinn er ágætur æskulýðsleiðtogi
og leggur þessum málum gott lið.
— Og eruð þið ekki vongóðir um
að mótið takist vel undir ykkar
stjórn?
— Við munum nú í haust skipa
nefnd til að annast undirbúning og
framkvæmd landsmótsins 1 samvmnu
við stjórn UMFÍ. Ég treysti því að
Austfirðingar muni standa saman
sem einn maður í þessu máli, og setja
metnað sinn í að gera þessa þjóðhá-
tíð sem bezta úr garði. Ég hefði sjálf-
ur ekki treyst mér til að mæla með
því að UÍA tæki að sér landsmótið,
ef ég hefði ekki fundið góðan vilja
og starfsþrá unga fólksins til að vinna
að veigamiklum verkefnum.
A Ð GEFNU TILEFNI
skal það tekið fram, að við höfum ekki fjölritað
frímerkin fyrir póststjórnina og heldur ekki
peningaseðlana.
E N FLEST ANNAÐ
er hœgt að fjölrita með offset-fjölritunaraðferð okkar.
Leitið tilboða í LETRI.
LETUR sf. OFFSET-FJÖLRITUN
Hyerfisgötu 32 - Sími 23857
6
SKINFAXI