Skinfaxi - 01.04.1986, Page 15

POTTAR OG PÖNNUR
Rafn: Fyrsta snerting mín við
trommuleik, hefur sennilega verið þegar
að mamma gekk með mig, þá spilaði
hún á trommur á sveitaböllum. Síðan
þegar ég kom í heiminn, þá byrjaði ég
náttúrlega að beija á potta og pönnur.
Jón: Ég þoli ekki þessar pottasögur hjá
öllum trommurum.
Rafn: Ég er fæddur fyrir vestan og
notaði allar mínar frístundir til að fara á
sjóinn. Þá sat ég oft niðrí koju og lamdi
á kökubotna og söng með útvarpinu, og
dreymdi um að verða poppstjama.
Stefán: Og það er gaman að sjá að sá
draumur er loks orðinn að veruleika.
Rafn: Fyrsta skiptið sem ég spilaði
opinberlega, var í pásu á skólaballi. Ég
kunni eitt lag og var klappaður upp.
Eftir það var hljómsveitin "Perlan"
stofnuð, svo komu "Náð" og "Ýr"" sem
ég var heillengi í, og loks "Grafík" sem
starfar enn.
STUTTUREN
LITRÍKUR FERILL
Stefán: Er þá loks komið að mér?
Minn ferill er það sem er kallað "Stuttur
en litríkur ferill". Mér var hugsað til
þess þegar Eyjólfur var að tala um
Texas-tríóið, að það var þá sem ég var
að byrja í tónlistinni. Þá komumst ég
og félagi minn Hallur Helgason ekki
inn í Óðal, þannig að við ákváðum að
taka með okkur gítar og sögðumst eiga
að spila í stiganum. Og það tókst, við
komumst inn. Síðan eftir þetta þá
stofnuðum við hljómsveitina "Herra-
menn". Síðan gerðist ég pönkari og
stofnaði hljómsveitina "Stress". Við
vorum geysivinsælir og spiluðum einu
sinni í félagsmiðstöð. Við komumst
ekki í "Rokk í Reykjavík" en það
munaði litlu.
Rafn: Svo var það sólóplatan.
Stefán: Æ æ, ég ætlaði að reyna að
komast hjá því að tala um hana. Jæja,
ég gaf út sólóplötu. Það var úr kvik-
mynd sem ég reyndar lék aðalhlutverkið
í. Hún hét "Morgundagurinn" (lítið stef
um daginn í dag). Aðallagið hét "Dr.
Bömmer". Það var fínt lag en platan
fékk ekki góða dóma. En þar kynntist
ég Jóni, hann spilaði undir á þeirri
plötu. Þú sleppur ekki Jón.
Jón: Ja ég reyndi að bjarga því sem
bjargað varð.
Stefán: Og síðan kom þetta tímabil
sem Jón var að þræða áðan. Við höfum
verið óaðskiljanlegir síðan.
Eyjólfur: Heyrðu það er eitt sem mig
langar til að koma að áður en við
höldum lengra. Texas-tríóðið var ekki
fyrsta hljómsveitin sem ég spilaði í
opinberlega. Ég var í hljómsveitinni
"Andrómedíu". Við spiluðum eitt kvöld
fyrir kaffisamkvæmi Sjálfstæðisflokk-
sins í Glæsibæ. (þá vitum við það)
ALDURSFORSETINN
- Jæja Haraldur, þá er loksins komið
aðþér.
Jón: Nú getum við lagt okkur.
Rafn: Ég er farinn í bíó.
Haraldur: Ég byrjaði eins og flestir í
gaggó á bítlatímabilinu og spilaði þá á
sólógítar. Svo tók bassinn við og ef ég
nefni það helsta, þá var ég í hljóm-
sveitum eins og "Sókrates, Litli mat-
jurtagarðurinn" sem var ástæðan að ég
spilaði í "Litlu hryllingsbúðinni" í
fyrra. Þá kom hljómsveitin "Eik" sem
ég spilaði með í mörg ár. "Deildar-
bungubræður" sem átti bara að vera
stutt flipp, en þeir tóku hljómsveitina
alvarlega og héldu áfram, þannig að ég
hætti.
Jón: Já Haraldur er alvarlega þenkjandi.
Haraldur: Þá fór ég í Brimkló.
Jón: Og ég sem var að segja að
Haraldur væri alvarlega þenkjandi.
Haraldur: Eftir að Brimkló hætti, var
ég í hljómsveitum eins og "Pardus" og
"Ba ba boom", spilaði með Megasi og
mörgum öðrum. Ég nenni ekki að telja
upp þær 30 plötur sem ég hef spilað
inná. En þetta hlýtur að vera hápunktur
ferilsins að spila með þessum strákum.
Eyjólfur: Heyrðu, það er eitt sem mig
langar til að koma að áður en við
höldum lengra. Andrómedía var alls ekki
fyrsta hljómsveitin sem ég spilaði í.
Það var hljómsveitin "Púkó og Gunni".
- Nei núer nóg komið.
GAMAN AF ÍÞRÓTTUM
- Jæja að lokum strákar. Hafið þið
gaman afiþróttum?
Allir: Já við höfum gaman af íþróttum
og höfum flestir spilað á okkar "yngri”
árum, en það er náttúrlega eins og allir
vita, þá getur maður ekki bæði verið í
íþróttum og verið hljómlistarmaður.
Hvoru tveggja þarf maður að gefa allt
sitt í, ef maður ætlar að verða góður. En
við komum til með að spila fótbolta í
sumar. Við notum allar okkar frístundir
til þess. En við erum að spila saman
ánægjunnar vegna, það er gaman að
þessu og meðan að það er gaman að
gera hluti, þá er allt í fína lagi.
- Já Poppfaxi getur tekið undir það að
þetta eru hressir strákar sem hafa gaman
af því sem þeir eru að gera. Poppfaxi
þakkár meðlimum Bítlavinafélagsins
fyrir viðtalið og óskar þeim góðs
gengis.
Kristján
Skinfaxi 2. tbl. 1986
15