Sjómannablaðið Víkingur - 01.02.1997, Qupperneq 43

Helgi Hallvarðsson
skipsherra
Sigurinn í
£00mílna
stríðinu
>,Það merkilegasta á minni starf-
sævi var þegar ég var skipsherra á
varðskipinu Óðni og við sigruðum
í 200 mílna landhelgisstríðinu
l.júní 1976. Þann dag fóru öll er-
lend skip út fyrir línuna og um leiá
eignuðust fslendingar 750.000 fer-
kílómetra svæði,“ sagði Helgi
Hallvarðsson, skipherra hjá
Landhelgisgæslunni. ^
„Það var mikil gleðistund að
horfa á eftir skijjunum þegar þau
sigldu útfyrir Iínuna.“ ■
Halldór Hallgrímsson togaraskipstjóri á Akureyri
Koma skuttogarans
var algjör bylting!
Halldór Hallgrímsson fyrrverandi tog-
araskipstjóri á Akureyri. „Ég fór sautján ára
grjónapungur fyrst um borð í togara í
Reykjavík. Sextugur labbaði ég í land eftir
fjögurra áratuga starf á sjónum,“ sagði
Halldór Hermannsson, fyrrverandi skip-
stjóri hjá Utgerðarfélagi Akureyringa. „Sjó-
mennskan er erfitt og taugastrekkjandi starf.
Skiptstjórinn hefur litla tryggingu, hann
verður bara að fiska ef hann ætlar ekki að
láta reka sig. En koma skuttogarans í kring-
um 1970 sem tók við af síðutogaranum var
algjör bylting. Ég var skipstjóri á skuttogar-
anum Svalbak frál 973 og það var eins og að
koma á lúxushótel, eftir öll árin á gömlu
togurunum. Á skuttogurunum er vinnu-
aðstaðan undir dekki í skjóli. Það hafði nú
aldeilis ekki tíðkast á gömlu síðutogurunum,
þar sem við unnum undir berum himni,
hvernig sem viðraði. Síðan var auðvitað öll
aðstaða um borð miklu betri, meira pláss,
tveggja manna klefar í stað þess að vera allir
saman í einum klefa á gömlu togurunum,
sturtur og hvað eina og í dag er saunabað í
flestum togurum." ■
Pétur Jóhannsson, stýrimaður á Auðbjörgu frá Ólafsvík
Sjóarar hafa hlunnindi
„Þegar ég á að tjá mig um framfarir í mál-
um sjómanna gegnum árin, og þar sem pen-
ingar virðast alltaf skipta svo miklu máli, þá
er nærtakast að benda á kjaramálin. Þar
varð mikil breyting á þegar ársfjórðungsupp-
gjörinu var breytt í mánaðaruppgjör," sagði
Pétur Jóhannsson, stýrimaður á Auð-
björgu frá Ólafsvi'k.
„Ég lenti hins vegar í því að vinna ein 17
ár í landi sem verkstjóri í fiskvinnslu. Þá
áttaði ég mig á því að, að fólkið í landi legg-
ur oft miklu harðar að sér í vinnu og við
mikið lakari kjör, en sjómenn. Við á sjónum
erum þar að auki með hlunnindi einsog
tuttugu þúsund króna skattaafslátt á mán-
uði, fyrir að vera á sjónum sem hinir í landi
fá ekki.
En svo vil ég Iíka minnast á dragnótina
þar hafa orðið miklar framfarir, spiltæknin
er ólíkt betri á okkar dögum, í stað víra er
notuð tóg sem eru miklu léttara og meðfæri-
legra, og það veiðist einfaldlega betur.“ ■
Sigurjón Öskarsson skipstjóri í Vestmannaeyjum
Afhjúpaði leyndar-
dóminn og hjátrúna
í kringum fiskiríið
„Á þrjátíu og tveggja ára sjómannsferli --i—c r,—:—t—u—i-:-
mínum tel ég helstu tímamótin hafa verið
þegar radarinn kom í lok sjötta áratugar-
ins,“ sagði SlGURJÓN ÓSKARSSON, skipstjóri
í Vestmannaeyjum.
„Tíu árum síðar kom lóraninn og plot-
terinn. Þangað til hafði maður aðeins kom-
pás og fjöllinn til þess að miða sig við, sem
var auðvitað ekki ýkja nákvæmt staðsetning-
arkerfi. Þessi tæknibylting afhjúpaði auðvit-
að leyndardóminn og hjátrúna í kringum
fiskiríið, en í gamla daga voru menn að
pukrast, hver í sínu horni með sín fiskimið.
En í dag skiptast menn á diskum með fiski-
slóðum sem þeir skoða í tölvunni upp í brú,
enda er búið að kortleggja öll mið og ekkert
að fela.“ ■
43