Samvinnan - 01.08.1985, Page 15
verið unnið í náinni samvinnu við
nokkur japönsk stórfyrirtæki. Er ekki
fjarri lagi að segja, að þessar nýju
afurðir hafi gert bæði karfa og grálúðu
að mun eftirsóknarverðari tegundum
en áður var. Það er trú okkar í
Sjávarafurðadeild, að allt okkar fram-
tíðargengi velti á því að vel megi til
takast um þróun nýrra afurða fyrir
hina ýmsu markaði. Okkur er löngu
ljóst orðið að þetta starf verður ekki
unnið svo vel sé nema í nánum
tengslum við markaðinn og þá sem
þar starfa.
• Eftirsóknarverðir viðskiptaaðilar
- Á síðasta ári varð mikil aukning
á útflutningi frystra botnfiskafurða til
Japans. Hver var hlutur Sjávarafurða-
deildar í þeim útflutningi og eru
miklar vonir bundnar við þennan nýja
markað?
- Hlutur okkar í þessum Japans-út-
flutningi var rúmlega 60% og er það
að sjálfsögðu mun meira en svarar til
framleiðsluhlutdeildar okkar þegar lit-
ið er á landið í heild. Ég held að
ástæðan fyrir þessu hafi verið sú, að
við vorum tiltölulega fljótir að bregð-
ast við þessum nýju möguleikum sem
buðu m.a. upp á tækifæri til þess að
létta verulega á birgðum af karfaflök-
um. Ég held að það sé óhætt að segja,
að við í Sjávarafurðadeild bindum
miklar vonir við þennan nýja markað.
Japanir eru miklar fiskætur og eru,
ásamt Sovétmönnum, fremsta fisk-
veiðiþjóð í heimi. Margir telja, að
japanir muni áfram þurfa að flytja inn
verulegt magn af fiski umfram það
sem þeirra eigin skip draga á land.
Þeir gera miklar kröfur um vörugæði
en borga líka að jafnaði ágætt verð,
þegar þessum kröfum er fullnægt.
Þess vegna eru þeir bæði eðlilegir og
eftirsóknarverðir viðskiptaaðilar fyrir
okkur íslendinga.
# Vöruþróun og aukin vélvæðing
- Að lokum: Hvað telurðu mark-
verðast af því sem gerst hefur í
sjávarútvegi samvinnumanna siðasta
áratug og hvaða verkefni eru brýnust
í náinni framtíð?
- Á fiskveiðasviðinu: aukin og betri
stjórnun veiðanna, tilkoma frysti-
togara og stórlega auknar rækjuveið-
ar.
Á framleiðslusviðinu: aukin vöru-
þróun, meiri fjölbreytni og auknir
möguleikar í frystitækni, tilkoma
rafeindastýrðra eftirlitskerfa frá
Framleiðni s.f. og síðar Marel h.f.
Á vettvangi sölumálanna: endur-
reisn og uppgangur Iceland Seafood
Corporation eftir mikið erfiðleika-
tímabil, stofnun Iceland Seafood Ltd.
í Bretlandi og prýðilegur árangur á
fyrstu starfsárum þess, nýr markaður
í Japan fyrir frystar karfa- og gfálúðu-
afurðir.
Brýnustu verkefni í náinni framtíð
eru vöruþróun, sem taki mið af þörf-
um markaðarins, og stórlega aukin
vélvæðing vinnslunnar.
G.Gr.
Vöruþróun, scm taki
mið af þörfum
markaðarins, og stór-
lega aukin vélvæðing
vinnslunnar eru verk-
efni framtíðarinnar