Fálkinn - 20.04.1929, Blaðsíða 1

STÆRSTA LOFTFAR I HEIMI
Vm þessar mundir er verið að fullgera í Englandi stærsta loflskip, sem nokkurntíma hefir verið smiðað i heiminum, —
mun stærra heldur en hið víðfræga Zeppelinsloftfar dr. Eckeners. Enska loftfarið heitir „fí 101“ og bijrjar ferðir sinar i
sumar. Er það af likri gerö og „fí 100“ en alt stærra. Er það 70h fet á lengd, en áhöfn þess verður 50 manns. Hundrað
farþegar eiga að geta rúmast á skipinu og fleiri i stuttum ferðum. Hefir verið kappkostað að gera farþegaþægindin sem
líkust því og þau eru á hinum stærstu og fullkomnustu farþegaskipum heimsins, því fólk það sem á annað borð hefir ráð
á að ferðast með loftskipum, er góðu vant og gerir miklar kröfur til þæginda. Til dæmis eru á loftskipinu tvö stór þilför
handa farþegum til að hreyfa sig á og má lialda þar dansleiki. Á efsta þilfari eru svefnherbergi farþega, snyrtiklefar og
matsalur, þar sem 50 manns geta snætl í einu. Á neðsta þilfari eru reykskálar, herbergi skipshafnar, eldhús og búr og
ioftskeytastöðin. Er einkar haganlega frá öllu þessu gengið. — Á myndinni sjest að ofan frá v. danssalurinn, eldhusið og
matsalurinn, en að neðan er t. v. yfirlitsmynd yfir efri liæð skipsins en t. li. yfir þá neðri. Loks sjest skipið sjálft í miðju.