Fálkinn - 03.10.1962, Blaðsíða 4
Það byrjaði með því, að kvenfólkið fór að fá lánaða skyrtu-
hnappana okkar og auðvitað varð margt fjölskyldustríðið út af
bansettum hnöppunum. En nú hafa þær fært sig upp á skaftið.
Þær hafa rekið nefið í sitthvað fleira í klæðaskáp okkar, og nú er
svo komið, að erlendis er það nýjasta nýtt í heimi kventízkunnar
að klæða sig eins og karlmaður. Myndin hér að ofan er ofurlítið
sýnishorn. Hún er í karlmannsregnfrakka, með karlmannsregnhlíf,
á lághæluðum skóm og hatturinn er ekki ósvipaður höttunum okkar.
Það vantar sem sagt lítið nema pípuna og skjalatöskuna.
Um þessar mundir vinna nokkrir lög-
fræðingar að Því í Egyptalandi að semja
lög um klæðnað kvenfólks og er sérstak-
lega verið að koma í veg fyrir, að bless-
að kvenfólkið gangi í kjólum, sem eru
of flegnir í hálsinn. Það eru nokkrir
þingmenn, sem kröfðust þess, að lög
þessi yrðu sett á, til þess að bæta sið-
ferðið í landinu. í Ohio í Bandaríkjun-
um stóð eitt sinn til að setja svipuð
lög. Þá gerði kvenfólkið sér lítið fyrir
og fór í kröfugöngu að þinghúsinu og krafðist þess til endurgjalds,
að sett yrðu lög sem bönnuðu karlmönnum að ganga fúlskeggjaðir
og — ef þeir væru sköllóttir — að ganga með hárkollur. Þing-
heimur sá þá sitt óvænna og ekkert varð úr lagasetningunni.
4
Það er erfitt að
kyngja því fyrir þá
rithöfunda, sem
kenna sig við fagr-
ar bókmenntir í Eng
landi, en staðreynd
er það engu að síð-
ur, að Agatha
Christie er mest les-
inn allra brezkra
höfunda í heimin-
um. Shakespeare
verður að láta sér
lynda annað sæti á
listanum. Agatha
hefur skrifað 63
sakamálasögur og þær hafa verið þýddar á
103 tungumál. Auk þess hafa nokkrar af
sögum hennar verið færðar í leikrænan bún-
ing, svo sem Músagildran, sem hefur slegið
öll met hvað aðsókn snertir. En Agatha verð-
ur að sætta sig við það, að fjórir rithöfundar
eru meira lesnir í heiminum en hún, þrír
rússneskir og einn franskur. Efstir á blaðinu
eru: Lenin, Tolstoi, Jules Verne og Dostc-
jevski. Upplýsingar þessar eru byggðar á
rannsókn, sem UNESCO hefur gert. Sitthvað
fleira athyglisvert kom fram við rannsókn
þessa. Afkastamesti höfundur í heimi er til
dæmis franski sakamálahöfundurinn Georges
Simenon. Hann hefur skrifað 62 glæpasögur,
101 sálfræðilega skáldsögu og auk þess 191
skemmtisögu. Alls eru þetta 354 verk.
Simenon hóf ritferil sinn 15 ára gamall og
er nú 55 ára, svo að hann getur haldið upp á
40 ára rithöfundarafmæli sitt á þessu ári. Að
meðaltali hefur hann skrifað 9 bækur á ári
og eru þá ótaldar fjölmargar smásögur, blaða-
greinar og fleira. Simenon skrifar eina skáld-
sögu á 5—8 dögum. Hann lokar sig þá inni
í vinnuherbergi sínu og hefur hjá sér smurt
brauð og lútsterkt kaffi. Eftir hverja bók
tekur hann sér nokkurra vikna frí, unz hann
byrjar á þeirri næstu.
★
Einhverjar
hinar verstu
fréttir, sem
Jaqueline
Kennedy for-
setafrú hefur
borizt tilHvíta
hússins, var
þegar ólyginn
sagði henni, að
Elizabeth Eng-
landsdrottn-
ing væri farin
að greiða ná-
kvæmlegaeins
og hún. Þegar
forsetafrúin
hafði jafnað sig eftir áfallið, sá hún að við
svo búið mátti ekki standa. Hún varð að gera
eitthvað j málinu. Hún kallaði sérfræðinga
á sinn fund og í sameiningu fundu þau
upp nýja hárgreiðslu. Brioche heitir greiðslan
og sést á meðfylgjandi mynd.
I__________________________________________
FALKINN