Fálkinn - 06.02.1963, Side 16

I
I öllum löndum og á öllum tímum haía menn reynt
öll meðul og ráð til þess að öðlast ást hans eða henn-
ar sem hugurinn stóð til. Fyrir örfáum árum græddu
t. d. tveir náungar í París stórfé á að selja ástar-
drykk, sem búinn var til úr drykkjarvatni og litar-
efm!
ÁST OG
ORKIDEUR
Baráttan fyrir ástarhamingju er jafn-
gömul mannkyninu, og allt frá fyrstu
tíð hafa menn beitt hinum margvísleg-
ustu ráðum til þess að öðlast hana. Þeg-
ar betur er að gætt, þá er ekki að undra
þótt menn í öllum löndum og á öllum
tímum hafi verið iðnir og hugkvæmir
í leit sinni að meðulum og ráðum til
þess að öðlast óskipta ást hans eða henn-
ar, sem hugurinn stóð til. Næst á eftir
sultinum er ástin sterkasta frumhvöt
mannsins og það sem heldur allri hinni
undarlegu hringrás lífsins gangandi.
Ástin lyftir okkur upp á efstu tinda
hamingjunnar, — en hún getur líka
varpað okkur niður í regindjúp örvænt-
ingarinnar.
Gamall og gráskeggjaður maður kom
fyrir nokkrum árum í lyfjaverzlun á
Norður-Sjálandi. Hann var bersýnilega
mjög taugaóstyrkur og spurði eftir
lyfjafræðingnum. Þegar hann kom á
vettvang hvíslaði öldungurinn að hon-
um erindinu: Konan hans hafði yfirgefið
hann eftir 47 ára hjónaband og allar
tilraunir til þess að fá hana til sín aftur
höfðu misheppnazt. Þess vegna sá hann
aðeins eina lausn á málinu. Hann bað
um að fá fyrir krónu af hinum sjald-
gæfa ástardrykk, sem hann hafði heyrt
svo mikið látið af....
Þetta litla broslega atvik sýnir, að
trúin á töframátt ástarlyfja er engan
veginn úr sögunni á okkar öld. Frá öðr-
um löndum hafa einnig heyrzt sagnir
svipaðs eðlis. f minningabókinni „San
Michele“ nefnir sænski rithöfundurinn
og læknirinn, Axel Munthe, lyfjabúð í
Neapel, sem veitti viðskiptavinum sín-
um alveg sérstaka þjónustu með því að
framleiða og selja ástardrykk. Fram-
leiðsla hans var fjölskylduleyndarmál
— og eftirspurnin var gífurleg.
1950 var frönsk stúlka ákærð fyrir
að hafa byrlað elskhuga sínum eitur,
sem hún hafði látið í Cherry-glas. Hún
skýrði frá því grátandi í réttinum, að
hann hefði verið farinn að gerast henni
fráhverfur. Hún hafði haft æ ofan í æ
spurnir af því, að hann hefði leitað til
annarra kvenna. í neyð hjarta síns tók
hún að leita að uppskrift að ástardrykk
og fann hann í ævagamalli skræðu.
Drykkurinn innihélt meðal annars klor-
hydrat! Hún ætlaði sem sagt að vinna
ástir hans aftur .... en drap hann í
staðinn.
Fyrir fáum árum síðan voru tveir
skálkar í París sektaðir um 10.000
franka fyrir að hafa selt gífurlegt magn
af ástardrykk. Þeir kölluðu sig „alþjóð-
lega líffræðinga“ og auglýstu lyf, sem
átti að veita mönnum ómótstæðilega
persónutöfra. Lítil tilraunaflaska kost-
aði „aðeins“ 60 krónur, en ofurlítið
stærri flaska 100 krónur. En ef viðskipta-
vinir vildu gera verulega góð kaup, þá
16
FALKINN