Fálkinn - 11.01.1965, Page 19

Bctldvin Halldórsson
er leikstjóri þessarar sýningar, en hann hefur glímt við
mörg erfið leikrit og oft náð prýðilegum árangri. Ef miðað
er við leikstjórn hans á leikritum Arthur Millers má
búast við góðum árangri hjá honum í túlkun á Albee.
Baldvin hefur m. a. verið leikstjóri í „Antigona“, „Dag-
bók Önnu Frank“, „Horfðu reiður um öxl“, „í Skálholti",
„Engill horfðu heim“. Hjá Grímu stjórnaði hann „Bieder-
mann og brennuvargarnir" og hjá Leikfélagi Reykjavíkur
„Beðið eftir Godot“.
Baldvin hefur komið fram í um 80 hlutverkum.
Jónas Kristjónsson cand. mag.
hefur þýtt leikritið. Jónas hefur þýtt nokkur leikrit, fyrst
„Sumri hallar“ eftir Tennessee Williams sem sýnt' var í
Þjóðleikhúsinu 1953, þá „Krítarhringinn“ Kirsuberjagarð-
inn“, „Táningaástir“ og Kraftaverkið“ sem sýnt var á
þessu hausti í Þjóðleikhúsinu. Um þessar mundir vinnur
Jónas að þýðingu á hinu nýja leikriti Arthurs Miller „Eftir
syndafallið".
Jónas er starfsmaður Handritastofnunar íslands.
Þorgrímur Einarsson
gerir leiktjöld fyrir þessa sýningu. Þorgrímur var í leik-
skóla Lárusar Pálssonar um tveggja ára skeið, en hélt
síðan til Englands til frekara náms. Árið 1950 réðst hann
til starfa hjá Þjóðleikhúsinu, fyrst sem leikari og síðan
sýningarstjóri.
Þorgrímur hefur lengi haft mikinn áhuga á leiktjalda-
geið og segist hafa fullan hug á því að snúa sér alveg
að þeirri listgrein, ef tækifæri bjóðast.
Þorgrímur gerði fyrstu leiktjöldin er Gríma færði upp
„Vinnukonurnar", eftir Jean Genet. Ennfremur gerði hann
leiktjöldin í „Andorra“ og i „Amalía", eftir Odd Björnsson.
Róbert Arnfinnsson
fer með hlutverk Georgs, söguprófessorsins. Róbert gekk í
leikskóla Lárusar Pálssonar og fyrsta hlutverkið fékk
hann í „Kaupmanninum frá Feneyjum“, sem Leikfélag
Reykjavíkur sýndi 1946. Fyrsta stóra hlutverkið fékk
Róbert einnig hjá Leikfélagi Reykjavíkur — í „Ég man þá
tíð“ eftir O’Neill.
Frá því að Þjóðleikhúsið tók til starfa hefur Róbert leik-
ið á sviði þess og farið með mörg og fjölbreytileg hlutverk.
Hlutverk hans eru komin á annað hundrað og nægir að
nefna nokkur þeirra: í „Tópaz“, „Góða dátanum Sveik“,
,Horft af brúnni“, „Húmar hægt að kveldi“ „Nashyrning-
unum“, „Sautjándu brúðunni“ „Gísl“, og „Andorra"
Helga Valtýsdóttir
fer með hlutverk Mörthu. Helga fékk snemma áhuga fyrir
leiklistinni. Hún lék í barnaleikritum og einnig í Herranótt-
inni á Menntaskólaárunum. Hún fór í leikskóla Soffíu Guð-
laugsdóttur og lék þá í „Veizlunni á Sólhaugum“ sem
Gerd Grieg stjórnaði. Eftir þetta lagði Helga leiklistina á
hilluna í tíu ár, en hóf síðan nám að nýju hjá Lárusi Páls-
syni og hjá Gunnari R. Hansen.
Eftir að Helga sneri sér að leiklistinni að nýju lék hún
fyrst hjá Leikfélagi Reykjavíkur, fyrst í „Góðir eiginmenn
sofa heima“. Síðan rak hvert hlutverkið annað í „Frænku
Charleys“, í „Hviklyndu konunni". í „Erfingjanum", „Þrem
systrum", „Browning þýðingunni" og „Glerdýrunum“, en
fyrir leik sinn í því leikriti hlaut hún Skálholtssveininn.
Fyrsta hlutverk hennar hjá Þjóðleikhúsinu var í „Ætlar
konan að deyja“ 1955. Haustið 1963 varð Helga fastráðin
hjá Þjóðleikhúsinu og lék þá fyrst í „Gísl“ og hefur síðan
farið þar með nokkur hlutverk, nú síðast í „Kröfuhöfunum“
eftir Strindberg.
Gísli AlfreSsson
fer með hlutverk Nicks. Hann fékk snemma áhuga fyrir
leiklistinni, lék í útvarpið 12 ára gamall og einnig í Herra-
nótt á Menntaskólaárunum. Að loknu stúdentsprófi fór
Gísli til Þýzkalands og hugðist stunda verkfræðinám, hvað
hann og gerði um tveggja ára skeið, en leiklistin varð
sterkari og hann kvaddi verkfræðina fyrir fullt og allt
og hóf leiklistarnám í Þýzkalandi.
Árið 1962 sneri Gísli heim og réðist til Þjóðleikhússins.
Fyrsta hlutverk hans þar var í leikritinu „Gestagangur“
eftir Sigurð A. Magnússon. Gísli hefur farið með nokkur
hlutverk hjá Þjóðleikhúsinu síðan og var aðstoðarleikstjóri
þegar „Sardasfurstinnan“ var sett á svið
Gísli hefur stjórnað nokkrum leikritum, bæði á sviði
og í útvarpi, og ennfremur þýtt nokkur leikrit.
Anna Herskind
sem fær nú sitt fyrsta stóra hlutverk hjá Þjóðleikhúsinu,
er dóttir Axels heitins Herskinds, lyfjafræðings, og Ástu
Möller.
Anna hóf leiklistarnám IV ára hjá Ævari Kvaran, en
haustið 1963 hóf hún nám hjá Leiklistarskóla Þjóðleikhúss-
ins og lauk þar námi í vor sem leið.
Anna, sem stendur nú á tvítugu, hefur hug á að halda
utan til frekara náms, en hefur enn ekki ákveðið hvert
skal halda. Við óskum henni velgengni í þessu þýðingar-
mikla hlutverki — hlutverki Honey.
Edward Albee