Iðnneminn - 01.05.1977, Blaðsíða 3

1. maí 1977
Iðnneminfi 3-
Kjaramálaráðstefna INSÍ á Akureyri
Dagana 12. og 13. marz var haldinn kjaramálaráðstefna á
Akureyri á vegum INSÍ. Ráðstefnuna sóttu fulltrúar iðnnemafélag-
anna, kjaranefndar INSÍ svo og framkvæmdastjóm. Markmið ráð-
stefnunnar var í fyrsta lagi upplýsingamiðlun til iðnnemafélaganna, í
öðm lagi umræður og mótun kjarabóta í komandi kjarasamningum
og í þriðja lagi umræðum um starfshætti samninga- og kjaranefndar.
Frá kjaramalaráðstefnunni
Hér á eftir verður í stuttu máli
reynt að segja frá hvernig ráð-
stefnan gekk fyrir sig.
Mæting var ráðgerð kl. 8.30 en
vegna lélegra lendingarskilyrða á
Akureyri var ekki flogið fyrr en kl.
18.00. Dagurinn fór því að mestu í
að lesa blöðin, spila á spil, spila á
gítar eða yfirleitt að spila með
hvort annað. Var því góður andi í
mannskapnum, þegar lagt var af
stað. Ekki minnkaði hinn góði
andi þegar flugvélin hóf flugið, því
þá fannst mörgum þeir vera anzi
„hátt uppi.“ Nokkrir karlkyns iðn-
nemar tóku nú að reyna að fela
flughræðslu sína með því að glett-
ast við flugfreyjuna, en engar frek-
ari sögur fara af því hér. — Flugið
tók allt í allt 50 mínútur.
Iðnnemar á Akureyri tóku á
móti okkur og síðan var mönnum
boðið í glæsta farkosti strætis-
vagna Akureyrar og ekið sem leið
lá beint á Hótel Varðborg. Menn
komu sér fyrir á hótelinu og síðan
var tekið til við að éta ljúffengan
(steiktan) fisk á kaffiteríu KEA.
Um kvöldið var gert „strandhögg“
á Sjallanum en það fór allt vel
fram.
Kl. 8.00 morguninn eftir risu
frískir iðnnemar á fætur og eftir
morgunleikfimisæfingar var hafist
handa af fullum krafti kl. 9.00 með
setningarræðu Sveins Ingvasonar
form. INSÍ. Síðan var kosinn
fundarstjóri Jón Jóhannsson frá
félagi iðnnema á Akureyri. Gestir
ráðstefnunnar fluttu ávörp, en það
voru þeir Jón Helgason form. Ein-
ingar (sem flutti ávarp fyrir hönd
ASÍ), Hákon Hákonarson form.
Sveinafélags járniðnaðarmanna S
Akureyri. Síðan flutti Jónas
Sigurðsson starfsmaður INSÍ er-
indi um þróun kjaramála INSÍ.
Framsögu um hvern málaflokk
fluttu: Sveinn Ingvason um
„starfshætti kjaranefndar og
kjaramálaályktun,“ Sigurður
Salvarsson um „kjaraatriði iðn-
fræðslulaga og reglugerðar“ og
Hallgrímur G. Magnússon um
„kröfur í komandi kjarasamning-
um.“ Síðan voru umræður og
gengið var til nefndarstarfa, en inn
á milli skokkuðu menn í kaffiterí-
una og fengu sér næringu. Að öðru
leyti verður störfum ráðstefnunn-
ar gert skil með ályktunum sem
gerðar voru.
Ráðstefnunni var slitið kl. 17.00
og flogið til Reykjavíkur kl. 19.00.
Af ásettu ráði hef ég beðið með
þar til síðast að þakka iðnnemum
á Akureyri með þær hlýlegu mót-
tókur sem við fengum hjá þeim.
Þær voru höfðinglegar. Allt skipu-
lag var til sóma og sama er hver
litið er; veitingar og gistiaðstaða
og yfirleitt öll önnur þjónusta var
til fyrirmyndar.
Að lokum eru hér þakkir til
allra þeirra er sáu um undirbúning
ráðstefnunnar í ljósi þess að annar
dagurinn fór forgörðum, en allt er
gott þá endirinn er góður. —spé
Alyktanir kjaramálaráðstefnu
Kjaramálaráðstefna Iðnnema-
sambands íslands 12—13 marz
1977 á Akureyri.
Alyktun um starfshœtti kjara-
nefndar í komandi samningum.
Ráðstefnan telur að erfitt sé að
setja nefndinni einhverja ákveðna
línu til að starfa eftir. Hins vegar
er nauðsynlegt að settir séu ein-
hverjir „punktar" fyrir nefndina
að hafa til hliðsjónar, t.d. með
tilliti til þess hvernig á að bregðast
við óvæntum atriðum.
Eftirtalin atriði telur ráðstefnan
að eðlilegt sé að nefndin hafi í
huga í komandi samningum:
Að fengið verði skriflegt samn-
ingaumboð frá félögunum.
Talið er nauðsynlegt að nefndin
haldi fasta fundi 1 sinni í viku
fram að samningum og er í samn-
inga verður komið, og þar að auki
eins oft og þurfa þykir að mati
nefndarmanna.
Að viðræðunefndin taki ekki
neinar ákvarðanir nema í samráði
við kjaranefnd og framkvæmda-
stjórn.
Telja verði eðlilegt að kjara-
nefnd meti stöðuna í samningun-
um hverju sinni, og þau gagntilboð
sem hugsanlega koma frá atvinnu-
rekendum. Sé aftur á móti um
meiriháttar breytingar eða frávik
frá kröfum að ræða, eða ný tilboð
sem enga umfjöllun hafa fengið,
þá verði haft samband við þá sam-
bandsstjórnarmenn og formenn
félaga sem næst í, þannig að tryggt
sé að sem flestir forystumanna
iðnnemahreyfingarinnar geti tjáð
hug sinn um viðkomandi atriði.
Skapist þær aðstæður að alls ekki
sé mögulegt að koma slíku við, þá
telst eðlilegt að kjaranefnd og
framkvæmdastjórn taki afstöðu til
málsins.
Ráðstefnan telur brýnt að upp-
lýsingar og hugmyndamiðlun milli
viðræðunefndarinnar og kjara-
nefndarinnar annars vegar og sam-
bandsstjórnarmanna og iðnnema-
félaganna hins vegar verði að vera
í góðu lagi, og mjög nauðsynlegt
að þetta atriði bregðist ekki ef
samningar dragast á langinn.
Æskilegt er að kjarnefnd beiti
sér fyrir því, að iðnnemafélögin
þrýsti á viðkomandi sveinafélög,
til að vinna að stuðningi við kjara-
kröfur iðnnema í viðkomandi
félögum.
Kjaramálaráðstefna iðnnemu-
sambands íslands haldin á
Akureyri 12—13 mars 1977.
Ályktun um kjaramál.
Eins og öllum er kunnugt, hefur
verðbólgan á síðustu árum verið
gífurlega mikil eða um það bil 40%
að meðaltali á síðustu þrem árum.
Þetta hefur haft þær afleiðingar í
för með sér, að kaupmáttur hinna
óverðtryggðu launa verkafólks,
hefur minnkað í sífellu og hraðar
en nokkru sinni áður, eða almennt
um 25—40% frá því í febrúar 1974.
öllum er ljóst að ekki verður við
svo búið, og nú þegar samningar
fara í hönd, er ljóst að grundvöllur
er fyrir verulegum kauphækkun-
um, sem eðlilegt verður að telja að
atvinnureksturinn taki á sig að
öllu leiti. Ráðstefnan styður því
heils hugar þær kröfur sem fram
komu á kjaramálaráðstefnu ASÍ,
sem haldin var í Reykjavík 25.
febr. sl. um 100 þús. kr. lágmarks-
laun á mánuði frá 1. nóv. sl. að
viðbættum fullum vísitölubótum
síðan, og fullar vísitölubætur á
laun. Ráðstefnan undirstrikar að
ekki verði frá þessari grundvallar-
kröfu horfið. Mjög áríðandi er að í
komandi samningum verði ákvæði
sem tryggja að stjórnvöld geti ekki
að geðþótta afnumið vísitölubæt-
ur, eða brotið samningana á annan
hátt, með óhóflegum verðhækkun-
um eða öðrum aðgerðum. Ef til
þess kemur samt, skoðist samning-
ar lausir tafarlaust og verkalýðs-
hreyfingin mæti slíku af fullri
hörku, gagnstætt því sem verið
hefur.
Iðnnemar eru án efa ein lægst
launaða stétt landsins. Stafar það
af því að við gerð kauptaxta iðn-
nema er miðað við kauptaxta
sveina á 1. ári, en staðreyndin er sú
að enginn sveinn vinnur eftir þeim
taxta. Greinilegt er því að þessari
aðferð er einungis beitt til þess að
halda nemakaupinu niðri. Til
marks um það hve iðnnema kaup
er lágt má geta þess að árstekjur
samkvæmt 1. árs taxta sveina eru
um það bil 970 þús., en árstekjur 1.
árs nema 600 þús. og sér hver
maður að enginn lifir á slíkum
launum. Augljóst er því að út-
reikningur nemakaups miðað við
1. árs taxta sveina, stendur mjög í
vegi fyrir bættum launum iðn-
nema, og hvetur því ráðstefnan
sveinafélögin til þess að fella niður
sinn 1. árs taxta.
Ráðstefnan vill árétta kröfuna
um fullan verkfallsrétt til iðn-
nema, sem er forsenda verulegra
kjarabóta, sé honum beitt, og
hvetur iðnnemafélögin um land
allt til að herða baráttuna fyrir
þessari grundvallarkröfu.
Að lokum telur ráðstefnan að
teljandi breytingar á kjörum ís-
lensks launafólks til hins betra
geti aðeins komið í kjölfar þess, að
baráttugeta verkalýðshreyfingar-
innar verði efld mjög frá því sem
nú er.