Ljósberinn - 04.08.1922, Blaðsíða 5

LJÓSBERINN
um þetta að orði er hann vaknaði: Hér er vissu-
lega Guðs hús, og hér er hlið himinsins! Og þó var
þarna ekkert sýnilegt hús og ekkert hlið.
Elskulega barn! hugsaðu um þetta: H v a r, sem
þú felur þig Guði, — h v a r, sem þú leitar hans í
innilegri bæn, þar er Guðs hús og hlið
h i m i n s i n s. Hafðu þetta æfinlega í huga, og ekki
sízt er þú — eins og Jakob — legst til svefns á
kvöldin. Og vertu alveg viss um það, að Guð heyrir
til þín er þú biður:
„Drottinn, láttu mig dreyma vel,
sem dyggan Jakob ísrael,
þegar á steini sætt hann svaf,
sæla værð honum náð þín gaf.“
Sannarlega mun hann svara og segja: Sof þú
vært, blessað barn! Sjá, eg er með þér og varðveiti
þig. Og englar mínir vaka yfir þér. Á — 16.
----o-----
Sagan um týnda soninn.
þið sjáið mynd hér á næstu síðu, eða réttara sagt
Uiargar mynair. Af hverju haldið þið að þær séu?
Nú skuluð þið fá að heyra það. Fyrst lítum við í
hornið vinstra megin. þar sjáum við pilt með staf
og töslcu undir hendinni, og hundinn við hlið sér.
En ef við lítum betur á myndina, þá sjáum við
gamlan mann, sem horfir hryggur á eftir honum.
Það er faðir hans. Hví ætli hann sé hryggur? Jú,
Það er af því, að drengurinn hans er að fara að
heiman. Hann hefir aldrei fyr farið neitt í burtu.