Nýtt kirkjublað - 01.05.1915, Page 3

NÝTT KIRKJUBLAfe
ðð
verið tekið með ískaldri þögninni hér á landi. Aftur hafa
ýmsir erlendir menn fundið og metið gildi þessa verks og
þjóðlaga vorra.
Árið 1900, árið eftir að síra Bjarni dvaldi hið fyrra sinn
í þjóðlagaleit á Árnasafni, gaf helzti söngsögufrœðingur Dana,
dr. Angul Hammerich út merkilega ritgjörð, sem heitir Studier
over islandsk Musik. Hann hafði sjálfur eigi til Islands komið
né heyrt íslenzk þjóðlög sungin, kveðst hann hafa átt mjög
bágt með að trúa því, að íslenzk þjóðlög, og einkum hinn
íslenzki tvísöngur vœri eins merkilegur gripur eins og það í
raun og veru sé, unz hann kyntist síra Bjarna og starfi hans.
Dr. A. Heusler í Berlín skrifar ritdóm um Þjóðlagasafnið
í Zeitschrift fúr deutsches Alterthum, og gjörir það af velvilja
og góðum skiiningi, sem vænta mátti úr þeirri átt. Telur
hann þessa stóru bók næga sönnun þess, að einnig á þessu
svæði eigi íslenzka þjóðin bæði mikinn og góðan arf frá fyrri
tímum, meiri og betri en menn hafi dreymt um, og telur hann
það hið þarfasta verk, að þessu skyldi bjargað frá gleymsku,
og það gefið út, þótt enn æskilegra hefði verið að lesmál bók-
arinnar hefði verið á einhverju af tungumálum stórþjóðanna.
Það er minst á það í inngangi Þjóðlagasafnsins, sem er
langur og mjög fróðlegur, hvílik uppspretta fyrir tónskáld
hvers lands sé einmitt fólgin í jtjóðlögunum: það þyki kostur
á sérhverri lagsmíð, að hún sé bygð á þjóðlegum grundvelli,
hafi á sér jijóðlegan blæ, sverji sig í ættina til föðurlandsins
og þjóðarinnar; og að því er hin íslenzku þjóðlög
snertir, ]>á eiga hin íslenzku tónskáld komandi tima
hér mikið verkefni fyrir höndum. Og vonandi er það,
að margt í hinu mikla Þjóðlagasafni verði tónskáldum vorum
það úlsæði sem margt gott og þjóðlegt söngverk, smátt eða
stórt, megi upp af sprelta. Ymsir efast um það, að í þjóð-
lögum vorum liggi nokkur slíkur lífskraftur. En bezt er að
dæma varlega um slíkt. Reynslan er ólygnust. Sigfús Ein
arsson hefir raddsett og gefið út að minsta kosti tvö hefti,
bæði islenzk þjóðlög og islenzk alþýðusönglög. Og Svbj. Svein-
björ.nsson hefir fært í fagran búning og nýlega gefið út 20
íslenzk þjóðlög. Þetta eru aðeins tvö dæmi, en væntanlega
mun hér fleira á eftir fara.
Áður en skilist er að fullu við þelta atriði, má minnast,