Nýtt kirkjublað - 01.05.1915, Page 4

100
NÝTT KIRKJUBLA©
þess, að sr. Bjarni átti mikinn og góðan þátt í útgáfu Söng-
bókar Stúdentafélagsins, einkum að því Cr snertir íslenzku lög-
in í þeirri bók, eins og líka formáli bókarinnar ber með sér.
Einnig hefir hann skrifað skýra og alþýðlega ritgjörð í Skírni
um islenzk þjóðlög.
3. Þá er síðast, en ekki sízt, alt starf hans í þarfir
kirkjusöngsins hjá oss.
Er þar fyrst að nefna hinn íslenzka hátíðasöng, sem hann
hefir að öilu frumsamið og gefið út á sinn kostnað í Kmh.
1899. Hefir söngur þessi unnið sér mikla og einróma hylli,
hvervetna þar sem hann hefir verið notaður, en það er nú
orðið allvíða, enda er bókin því nœr uppseld. Ur ritdómi
síra Jóns prófessors Helgasonar (Vlj. V. 2) skal tilfæra þessi
orð og eru þau sannmæli: „Verkið er vandlega af hendi
leyst, og getur aldrei orðið höfundinum nema til sóma, frá
hvaða hlið sem það er skoðað. Hann á beztu þakkir skilið
fyrir verk sitt; hann hefir gefið kirkju lands vors góða gjöf
og er hún í þakkarskuld við hann fyrir gjöfina. En þá þakk-
arskuld fær hann aldrei betur borgaða með öðru en því, að
þessu söngverki hans verði vel tekið af prestum og söfnuðum,
og að það verði umfram alt til þess að gjöra guðsþjónust-
una enn meira aðlaðandi söfnuðunum, og þannig til að glæða
kirkjurækni og með henni kirkjulegt líf í landinu. Takist
það, hefir hann ekki unnið verk sitt til einskis.
Hið annað er útgáfa kirkjusöngsbókarinnar, 1903. Bók
þessi bætti úr brýnni þörf; þar voru hin venjulegu sálmalög
vor gefin út á ný, mörg þeirra í endurbættri og lagfærðri
mynd, og ýmsum nýjum, fögrum, útlendum lögum bætt við.
Eitt frumsamið lag á sr. Bjarni í þeirri bók við orðin: Sælir
eru þeir, sem heyra guðs orð og varðveita það.
Hið þriðja er útgáfa viðbætis við kirkjusöngsbókina, 1912.
Þar koma 85 sálmalög fyrir almennings sjónir, er ekki hafa
verið áður notuð í íslenzkum kirkjusöng, og er það mikil við-
bót og góð. Vandaði hann valið á lögum þessum svo sem
unt v'ar, og varði til þess miklum tíma og fyrirhöfn, enda
mun fólki hafa geðjast lagavalið vel, undantekningarlítið.
Breytti hann raddsetningu töluvert til bóla á sumum lögun-
um (nr. 180, 191, 202, 210, 222, 224, 240, 247) en raddsetti
sum að öllu leyti (nr. 179, 196, 204, 208, 212, 251). Tvö