Nýtt kirkjublað - 01.05.1915, Page 12

108_________NÝTT KIRKJUBLAÐ
Geti það tvent ekki farið saman, að vera þetta, og þó
að eiga jarðneskan föður, þá er að taka því og segja, að þú
hafir þá auðvitað ekki heldur átt neinn jarðneskan föður, og
vísindin uppgötva þá væntanlega á sínum tima, að þetta hafi
verið samkvæmt lögum náttúrunnar. Skyldi það aftur á móti
reynast svo, að ekkert væri því til fyrirstöðu, að þetta tvent
færi saman, þá hefir þú átt jarðneskan föður eins og aðrir
menn, og þá hefir það líka hlotið svo að vera, til þess að þú
gætir verið guðs eingetinn sonur, sem eg veit að þú ert.
En að þú eða sjálfs-vera þin er ekki sama sem jarðnesk-
ur líkami þinn, Iiggur i augum uppi, þegar þess er gætt, að
ekki einu sinni sjálfsvera mín („eg“) er sama sem jarðneskur
likami minn; jarðneskur líkami minn er aðeins verkfæri, sem
eg nota, til þess fyrir hann að hafa áhrif á efnisheiminn.
Eins og nú sjálfsvera mín er það i mér, sem hugsar og vill,
eins ert þú sú sjálfsvera i þér, sem hugsar og vill. Og enda
þótt eg nú eigni þér dýrlegan og andlegan líkama, og þótt
mér sé engan veginn algerlega Ijóst hvað meint er með því,
þá er mér það engu að síður augljóst, að það er ekki sá
líkami, sem hér í tímanum fæddist, var breytingum undirorp-
inn og dó, heldur andlegt líffærakerfi (organismi), sem hafði
tekið í þjónustu sína þann líkama, sem það skildi við sig í
dauðanum., (J. H.)
t iíra löðvar lyjólfsson.
Hann andaðist eftir stutta legu úr lungnabólgu, heima að
Arnesi seinasta vetrardag 21. f. m.
Síra Böðvar heitinn var fæddur að Melgraseyri við Isa-
fjarðardjúp 20. september 1871. Var faðir hans sira Eyjólf-
ur Jónsson, er andaðist í Árnesi 1. júlí 1909, þá prestur að
Kirkjubólsþingum. Er ætt síra Eyjólfs nokkuð rakin í N.
Kbl. 1909, nr. 14. Móðir síra Böðvars var Elín Elísabet,
dóttir síra. Björns á Stokkseyri, bróður síra Halldórs á Hofi.
Síra Böðvar heitinn hafði lokið námi á skólum sumarið
1904, og vígist þá aðstoðarprestur til föður síns.
Hann beiðist lausnar vegna heilsubilunar í fardögum 1909