Vikan - 12.12.1968, Síða 2

Colgate fluor
gerir tennurnar sterkari
við hverja burstun.
SPYRJIÐ TANNLÆKNI YÐAR . . .
hann veit betur en nokkur annar, hvað Colgate
Fluor hefur mikla þýðingu fyrir tennur yðar og
allrar fjölskyldunnar.
BYRJIÐ í DAG - ÞAÐ ER ALDREI OF SEINT . . .
Frá allra fyrstu burstun styrkir Colgate Fluor
tannglerunginn og ver tennurnar skemmdum.
Með því að bursta tennurnar daglega með Col-
gate Fluor tannkremi, fáið þér virka vörn gegn
sýrum þeim, sem myndast í munninum og mjög
er hætt við að eyðileggi tennurnar, ekki sízt
tennur barnanna.
Auk þess er þetta dásamiega, ferska bragð sem aðeins Colgate Fluor tannkrem hefur.
Dýrt spaug
Ekki verður annað sagt en ís-
lendingar séu þjóðræknir í
betra lagi. Þeir eru stoltir af
uppruna sínum og menningu
og unna fósturjörðinni af
heilum huga.
Að sama skapi er varla
hægt að segja, að íslending-
ar séu þjóðhollir. Þeim ætlar
seint að lærast að líta á sig
sem hluta af heild og hegða
sér samkvæmt því. Hver ein-
staklingur reynir af fremsta
megni að losa sig undan sam-
eiginlegum byrðum. Það þyk-
ir engin vansæmd að greiða
lága skatta, þótt allir viti, að
þeir séu engan veginn í réttu
hlutfalli við tekjur og efna-
hag. Og sjálfsagt þykir að
reyna að níðast á ríkinu og
láta það hlaupa undir bagga
hvenær sem eitthvað bjátar
á. Fáum virðist detta í hug,
að ríkið sé ef til vill ekkert
annað en hann sjálfur; að
hann sé að níðast á sjálfum
sér um leið og hann níðist á
ríkinu.
Þessa grundvallarmisskiln-
ings og höfuðágalla verður
vart á dæmigerðan hátt, þótt
í smáum mæli sé, í hvert
skipti sem fregnir berast um
væntanlega gengislækkun eða
hækkun vöruverðs. Þá er
rokið til og hamstrað; reynt
að birgja sig upp af vörum á
lága verðinu; reynt að losna
sem lengst við að greiða
hækkunina. Það virðist ekki
bögglast fyrir brjóstinu á
neinum, að ef til vill sé hækk-
unin nauðsynleg til þess að
tryggja afkomu hans sjálfs.
Það hefur syrt i álinn að
undanförnu, og hætta er á
hörðum vetri í fleiri en ein-
um skilningi. Ráðamenn hafa
lýst yfir, að óhjákvæmilegt
sé að leggja auknar byrðar á
almenning. Enginn efast um
nauðsyn slíkra neyðarúrræða.
Vandinn er hins vegar sá, að
því er ekki að treysta, að hver
og einn taki á sig jafn stóran
hluta af byrðinni og hann
getur borið. Eigingirni og
skortur á þjóðhollustu kann
að verða okkur dýrt spaug á
þessum síðustu og verstu tím-
um. G. Gr.
2 VIKAN 49 tbl