Vikan - 03.02.1977, Blaðsíða 3

af hjarta- og æðasjúkdómum, en það er á
Af þessum sjö ástæðum getum
við sjálf ráðið við fjórar fyrst-
nefndu. Númer fimm og sex eru
oftast afleiðingar hinna fyrrnefndu,
svo að á þessu sviði erum við herrar
yfir örlögum barna okkar — og
okkar sjálfra einnig og daglegri
vellíðan.
Við þurfum að forðast offitu og
neyslu þeirrar fæðu, sem eykur
fitumagn blóðsins. Allir ættu að
kappkosta að halda sér vel i þjálfun,
sund, leikfimi, hlaup og göngur
ættu allir að stunda. Það er löngu
sannað, að reykingar eru heilsu
manna hættulegar. Slagorðið er:
„Kennið mér ekki að reykja.” Fyrir
þau okkar, sem hafa fallið fyrir
reykingum er þó ekki öll von úti því
að ef maður reykir undir 10 vindl-
ingum á dag, þá er enn ekki
læknisfræðilega sannað, að það sé
til skaða.
Eitt skulið þið muna — og aldrei
gleyma: Neyðið aldrei börnin ykkar
til að borða allt, ef þau hafa ekki
lyst. Látið barnið ákveða sjálft, hve
mikinn mat það vill borða. Þörfin
fyrir næringarefni er breytileg á
hinum ýmsu þroskaskeiðum barns-
ins. Foreldrar kvarta oft yfir lystar-
leysi barna sinna og segja, að
barnið sé matvant. En það er ekki
þar með sagt, að ekki verði að sjá til
þess, að barnið fái eðlilega næringu.
Það er margt, sem bendir til
þess, að eðlisávísun barna í sam-
bandi við rétt fæðuval sljóvgist
smám saman með aldrinum. I
Kanada var gerð tilraun, þar sem
smábörn voru látin velja frjálst
milli ýmissa fæðutegunda. Minni-
hluti barnanna valdi rétt frá nær-
ingafræðilegu sjónarmiði. Meiri-
hluti barnanna borðaði svo lélega
fæðu, að þau urðu undir meðalvigt.
Það er ekki auðvelt að vera
foreldri í dag, fæðan er framreidd á
ótal vegu og mikið um ,.gervifæðu”,
og þvi erfitt um rétt fæðuval, hin
meðfædda eðlisávísun er göbbuð.
Eitt getum við þó öll verið
sammála um, en það er ofnotkun á
sykri í fæðunni.
Frá fæðingu eru allir gæddir þeim
hæfileika að geta skilið milli þess
sem er sætt og þess sem er súrt. En
ef neytt er sífellt meiri sykurs
daglega i fæðunni, getur farið svo,
að tilfinningin fyrir þvi, hvað er
sætt og hvað súrt, brenglist. ★
5. TBL. VIKAN3