Vikan - 24.02.1977, Blaðsíða 12

MEÐ SÍGARETTUR
OG VÉLBYSSUR
Þaö hefur væntanlega ekki farið fram hjá lesendum. að
Vikan brá sér í Lundúnareisu ekki alls fyrir löngu. Þeir Arni og
Jim fóru reyndar gagngert til að hitta rallykappann Roger
Clark, en lentu í ýmsu öðru óvæntu í þessari skemmtilegu
heimsborg. Þeir rákust til dæmis óvænt inn á bátasýningu,
og ekki nóg með það, því að á bátasýningunni lentu þeir á
tískusýningu. Ekki þótti þeim félögum sérstök ástæða til að
gefa skýrslu um fatnaðinn, sem til sýnis var, en þeir höfðu
gaman af því, hvernig sýningarfólkið kom fram. Á
meðfylgjandi myndum má fá svolitla hugmynd um það efni,
en þær sýna glöggt, að breskt sýningarfólk leyfir sér
ýmislegt, sem sennilega yrði tekið óstinnt upp hérlendis.
Getið þið ekki rétt ímyndað ykkur óánægjuraddirnar hér, ef
sýningarfólk birtist á sviðinu með sígarettu í munninum eða
vélbyssu í handarkrikanum?
12 VIKAN 8. TBL.