Bjarmi - 01.01.1984, Blaðsíða 4

BREF
Kristni-
boðar
skrifa
Elsa Jacobsen:
Verkefnin kalla
Elsa Jacobsen kristniboði í Eþíópíu
sendir íslenskum kristniboðsvinum
innilegar jóla- og nýárskveðjur. I1ún
skrifar bréf sitt í Geresse í Gamu Gofa.
Þar starfa kristniboðar frá Færeyjum og
Danmörku. Reyndar lýkur hún bréfi
sínu í Irgalem þar sem hún hefur unnið
undanfarin ár.
Á svæðinu kringum Geresse hafa
kristnir menn haft frjálsar hendur til trú-
boðs segir Elsa. Öðru máli gegnir um
sveitirnar nálægt Arba Minch, höfuð-
stað fylkisins. Þar eru margar kirkjur
lokaðar „en fallega kirkjan inni á kristni-
boðsstöðinni fyllist af fólki í guðs-
þjónustum á sunnudögum. Margir
verða að sitja úti vegna þrengsla.
Daglega er orð Guðs flutt á sjúkra-
húsinu í Arba Minch. Þangað koma
sjúklingar úr ýmsum byggðum lands-
ins. Predikarinn sem starfar á spítal-
anum fer um stofurnar á hverjum degi
og talar við sjúklingana um Jesúm."
Frá Gídole segir Elsa bæði góðar
fréttir og dapurlegar. Ýmsir sem játuðu
nafn Jesú áður eru orðnir hálfvolgir í
trúnni eða jafnvel fallnir frá. Margir hafa
orðið að þola frelsisskerðingu. „Þrátt
fyrir ofsóknir og þjáningar eru margir
sem koma saman um orðið af stakri
trúmennsku á ýmsum stöðum til að
upphyggja og styrkja hver annan í
trúnni á Jesúm."
Elsa heimsótti Konsó (hún var í Gamu
Gofa í síðbúnu sumarleyfi). „Einn dag-
inn rakst ég á Gandó. Árin eru farin að
færast yfir hann. Samt er hann enn þá
fyrirmannlegur og beinn í baki. Að því
er andlegt líf hans varðar er hann hinn
sami og áður. Hann hefur staðið stöð-
ugur í trúnni allt til þessa dags. Biðjið
að hann verði trúr allt til enda." Pá
hvetur Elsa kristniboðsvini að biðja fyrir
Gújí Argó og fyrir Adane Asfá, þau þurfi
bæði á hjálp að halda. Einnig skrifar
hún: „Prestarnir í Konsó þarfnast mik-
illar fyrirbænar."
Meðan Eisa var í Konsó komu kristni-
boðar frá AddisAbeba, ogslóst hún í för
með þeim suður í Voitódal. Varð þetta
stórkostleg ferð, segir hún.
„Þar sem við komum að ánni Ómó á
heima þjóðflokkur sem Keró nefnist.
Þeir eru alveg út af fýrir sig og lifa mest
á villibráð og fiski úr fljótinu. Nokkrir
karlmenn sem urðu á vegi okkar kunnu
hrafl í amharisku.
Ég spurði þá hvort þeir hefðu heyrt
um Jesúm Krist. Einn svaraði að hann
kannaðist við nafnið en vissi ekkert
frekar. Annar kvaðst aldrei fyrr hafa
heyrt nafnið, ekki heldur aðrir þorps-
búar.
Peir eru enn margir í þessu landi sem
hafa aldrei heyrt um Jesúm, son Guðs,
„hann sem vegna misgjörða vorra var
framseldur og vegna réttlætingar vorr-
ar uppvakinn" (Róm. 4,25). Hvernig
geta þeir trúað á hann sem þeir hafa
ekki heyrt um?
Pú, æskumaður, sem lest þetta, ertu
fus þegar Drottinn kallar þig til að fara
með fagnaðarerindið til þjóðanna?
Tíminn er naumur."
„Frestarnir ■ Konsó þarfnast mikillar fyrirbænar," segir Elsa í bréfl sínu. Myndin er af
klrkjunni í Konsó.
m.
4
v