Bjarmi - 01.10.1991, Blaðsíða 7
RENEWING GODS WORLD - TOGETHER
Ist WOIN.D ftSSEMBLY OF YMCftS
12th WOhLD COUNCtL OF YMC&S
hópar, um sjö konur í hvorum, annar til Hong
Kong og hinn til Bankok í Tailandi til þess að
kynna sér ástand þessara mála þar. Kynntu
hópamir niðurstöður ferðar sinnar og var sér-
staklega átakanlegt að hlýða á frásögn hópsins
sem fór til Bangkok þar sem „sex - túrismi“ er
útbreidd atvinnugrein. Kom m.a. fram að í
stríðinu við Indókína varð Bankok eins konar
hvíldarstaður fyrir bandaríska hermenn. Spruttu
þá upp vændishús og næturklúbbar sem fjölgaði
stöðugt. Fátækt er mikil í Tailandi en atvinnu-
möguleikar kvenna litlir. Varð úr þessu at-
vinnugrein sem hefur vaxið með „aðstoð"
ferðaskrifstofa á Vesturlöndum. „Ferðamenn-
irnir sem koma til okkar hafa ekki áhuga á
höllum, söfnum og öðrum sögulegum menn-
ingarverðmætum" sagði ung tailensk kona, sem
tekið hefur þátt í að vinna gegn „sex-túrisma“ í
heimalandi sínu. Það var greinilegt að henni
fannst Vesturlandabúar lítilsvirða þjóð sína. Hún
hafði líka áhyggjur af afstöðu stjórnar landsins,
sem virti að vettugi útbreiðslu eyðni þar í landi.
„Eyðni er bara eins og hver annar sjúkdómur"
er afstaða stjórnarinnar. Þar ráða peningasjón-
armið ferðinni.
Mikið var rætt hvað konur í KFUM gætu gert
til þess að vinna gegn „sex-túrisma“. Var á-
kveðið að semja ályktun og bera upp til sam-
þykktar á heimsþinginu. Brasilísk þingkona
hvatti til þess að konur beittu ríkisstjórnir sinna
landa þrýstingi. KFUM konur í Tailandi eru
þegar famar að vinna gegn „sex-túrisma“ í
heimalandi sínu.
Inngangserindi, umræðuhópar og ályktana-
gerð voru þau ytri form sem einkenndu fundina.
Þeir voru ágætur undirbúningur undir sjálft
þinghaldið og gáfu fólki kost á að mynda per-
sónuleg tengsl í minni hóp strax í upphafi.
Hreyfing í vexti
Að kvöldi 23. ágúst var setningarathöfn
þingsins. Það var stórkostleg stund. I risastórum
samkomusal Hilton hótels voru samankomnir
rúmlega 800 þátttakendur frá yfir 100 löndum.
Meginþema þingsins, sem tengdist að þessu sinni
ábyrgð mannsins á sköpunarverki Guðs, var
letrað stórum stöfum á vegginn fyrir framan
okkur: „Renewing God's World Together“. í
heila viku var unnið undir þema þingsins. Kór-
eanski guðfræðiprófessorinn David Kwang-sun
SUH flutti prédikun út frá I. Mós. 9: 1-17 og
Samir H. Kafity biskup biskupakirkjunnar í
Jesúsalem hafði kjarnmikið inngangserindi um
sama efni. Það var sérstakt ánægjuefni að á
þinginu gerðust 5 ríki fullgildir meðlimir í
heimssambandi KFUM, en það voru KFUM í
Tékkóslóvakíu, Eistlandi, Gambíu, Póllandi og
Tógó.
Hvers vegna fátækt?
Vinnuhópar voru mikilvægur liður í þing-
störfunum. Þeir voru 10 og íjölluðu um ólík efni
sem öll tengdust með einhverjum hætti megin-
þema þingsins. Meðal efnis sem fjallað var um
má nefna: Fátækt og þróunarhjálp, frið, heil-
brigði fyrir alla, rétt fatlaðra, kynþáttamisrétti,
umhverfismál, stórborgarstarf o.fl. Við tókum
Þátttakendur á
heimsþingi KFUM
í Seoul. A veggnum
má sjá yfirskríft
þingsins.
Þetta er heim-
urinn okkar,
við erum ein
fjölskylda og
eigum í sam-
einingu að
virða sköpun
Guðs oggera
heiminn byggi-
legri.
HjjaooiB 7