Æskan - 01.11.1932, Blaðsíða 5

ÆSKAN
93
Þá var það, að hann fann upp á því, að koma
á sérstökum »móðurdegi«. Dagur móðurinnar átti
að verða minnisstæður og í heiðri hafður um allan
heim. Þann dag áttu allir að minnast móður sinnar
og þess, er þeir áttu henni að þakka.
Nú er þessi félagsskapur kunnur um mestan
hluta heimsins. Meðlimum fjölgar dag frá degi.
Það er heldur engum erfiðleikum bundið, að ganga
i þetta félag. Það er hvorki inngangseyrir né árs-
tillag, og í því eru allir meðlimir jafnir. Eina skil-
yrðið, sem félagsskapurinn setur, er, að maður
sendi móður sinni blómvönd eða kveðju einn
sunnudag á ári. Sunnudaginn fyrstan í maí. Ein-
kunnarorð félagsins eru þessi:
»Gleymdu ekki móður þinni«.
Fyrsta sunnudag í mai, skaltu senda móður
þinni kveðju, blóm, bréfspjald, eða eitthvað annað,
hvort sem þú ert staddur heima hjá henni, eða í
fjarlægð.
Eg hefi ekki orðið þess vör, að sá siður hafi
verið tekinn upp hér á landi, að halda sérstakan
móðurdag. En mér finnst hann mjög fallegur.
Kæru börn! Þið getið komið þessum sið á, þegar
á næsta ári. Þið hafið langan tima til umhugsunar
og undirbúnings, meira en heilt misseri.
1 nágranna-
löndunum veit
eg til þess, að
börnin, t. d.
skólabörn,
keppast við að
búa sjálf til
einhvern smá-
hlut fyrir móð-
urdaginn — og
senda hann svo
mömmu sinni.
Þau teikna eða
k 1 i p p a ú t
myndir, sauma
eitthvað eða
smiða, yrkja
vísur, skrifa
bréf o. s. frv.
Það er eins og
þið vitið svo
ótal margt,
sem þau geta
gert.
það væri
hægt að segja
ykkur margar
Kona frá Marokko með barn silt.
sögur og láta ykkur heyra ótal mörg kvæði, sem
sýna, hve móður ykkar þykir vænt um ykkur. En svo
er eftir að vita, hve mikið þið viljið gera til þess
að gleðja hana. Þið gleðjið hana mest með því
að vera dugleg og siðprúð, iðin og hjartagóð, og
svo gætuð þið reynt að sýna lit á að gleðja hana
með því, að senda henni eitthvað á móðurdaginn
og halda þeim sið meðan hún er á lífi, þó að þið
stækkið og farið að heiman.
Eg mun nú, ef eg lifi, minna ykkur aftur á
móðurdaginn, þegar hann nálgast. Og ef þið eruð
mér sammála, þá verður þessi fallegi siður tekinn
upp hér á landi, þegar á næsta ári. M. J.
MOMMUVÍSA
Elskulega mamma min,
mjúk er alltaf höndin þín,
tárin þorna sérhvert sinn,
sem þú strýkur vanga minn;
þegar stór ég orðinn er,
allt það launa skal eg þér.
Sig. Júl. Jóhannesson
(Sólskin).