Morgunblaðið - 03.08.1960, Blaðsíða 10

10
M O P n ri v 7> r 4 n 1Ð
Miðvikudagur 3. águst 1960
fltrgiuit ,
Otg.: H.f. Arvakur Reykjavik.
Framkvæmdastjóri: Sigfús Jónsson.
Ritstjórar: Valtýr Stefánsson (ábm.)
Sigurður Bjarnason frá Vigur.
Matthías Johannessen.
Eyjólfur Konráð Jónsson.
Lesbók: Arni Óla, sími 33045.
Auglýsingar: Arni Garðar Kristinsson.
Ritstjórn: Aðalstræti 6.
Auglýsingar og afgreiðsla: Aðalstræti 6 Sími 22180.
Áskriftargjald kr. 45.00 á mánuði innanlands.
1 lausasölu kr. 3.00 eintakið.
VOPNAÐ
HLUTLEYSI
¥|ESSA dagana er íslenzka
*■ kommúnistamálgagnið í
hinum mesta baráttuhug fyr-
ir hlutleysi, og sl. sunnudag
gerir það tilraun til að líkja
hlutleysisstefnu sinni við
stefnu Svía og Finna í land-
varnarmálum. Er því rétt að
bera lítillegá saman stefnu
þessara ríkja annars vegar og
íslenzkra kommúnista og
hinna nytsömu sakleysingja,
sem þeim fylgja að málum,
hins vegar.
Svíar og Finnar verja, sem
kunnugt er, gífurlegu fé til
landvarna. Eru hernaðarút-
gjöld þeirra sízt minni en
þeirra þjóða, sem saman eru
í hernaðarbandalögum.
Þessar þjóðir reyna þannig
að tryggja fullveldi sitt með
miklum vopnabúnaði, en
treysta ekkert á hlutleysis-
yfirlýsingar.
Um Finna er það að segja,
að það er á almannavitorði,
að hinn austræni nágranni
þeirra beitir þá þvingun til að
koma í veg fyrir að þeir hafi
náið samstarf við vestrænar
lýðræðisþjóðir. Hefur þetta
glögglega sannazt að undan-
fömu í sambandi við tilraun-
ir Finna til þátttöku í hinu
nýja fríverzlunarsvæði. Og
að því er herbúnað Finna
varðar, þá blandast víst eng-
um hugur um það, hvorki
þar í landi né annars staðar,
hverjum óvinum sá her
kynni að mæta, þótt vona
verði að til slíkra hörmunga
dragi ekki oftar.
Því er aftur á móti svipað
farið með Svía eins og Sviss-
lendinga, að þessar tvær
þjóðir hafa um langt skeið
haft hinn öflugasta herbúnað,
sem þekkist meðal smærri
ríkja. Lega þessara landa
hefur verið þeim nokkur.
trygging fyrir því, að þau.'
drægjust ekki inn í hernaðar-
átök. Þó hefur öllum verið
það ljóst, að það var fyrst
og fremst herstyrkurinn, sem
forðaði-þeim frá innrásum í
styrjöldum. Þótt máttugri
óvinir hefðu vafalaust getað
sigrað þessi ríki, þá töldu
þeir þýðingu þeirra ekki svo
mikla, að fórnandi væri þeim
herstyrk, sem þyrfti til að
sigra þau.
Reginmunur er á óvopnuðu
hlutleysi, sem hlyti að verða
hlutskipti okkar íslendinga,
ef við ryfum tengslin við At-
lantshafsbandalagsríkin og
hinu vopnaða hlutleysi þess-
ara ríkja. Hlutleysisyfirlýs-
ingar eru einskis nýtt papp-
írsgagn, ef þeim er ekki hægt
að fylgja eftir með herstyrk.
Þétta vita allir menn og líka
þeir sem hér berjast fyrir
hlutleysi, enda er barátta
þeirra einmitt háð vegna
þessarar vitneskju.
UTAN UR HEIMI
Farangursgeymslan var of lítil,
BILAR
TiTÚ um verzlunarmanna-
-*•’ helgina streymdu þús-
undir höfu.ðborgarbúa og
íbúa annarra bæja út um
landsbyggðina til að njóta
hvíldar og hressingar. Voru
þá flest farartæki notuð og
sum býsna fornfáleg. Félag
íslenzkra bifreiðaeigenda
veitti viðgerðarþjónustu á
vegum úti, útvarpað var um-
ferðarþáttum og aðvörunum
og auglýsingum frá Slysa-
varnaríélagi íslands. Allt er
þetta góðra gjalda vert, þótt
ekki hefði sakað að sumar
auglýsingar Slysavarnarfé-
lagsins hefðu verið skynsam-
legar orðaðar.
Meðal þess, sem flestar
fjölskyldur þrá að eignast, er
lítill fjölskyldubíll. Samt er
eins og allir stjórnmálamenn
séu sammála um, að bifreiðar
bera að skattleggja sem hinn
versta munaðarvarning. —
Vegna hinna gífurlegu inn-
f flutningsgjalda á bílum, er
svo haldið við hér á landi
20—30 ára gömlum skrjóðum.
Er vissulega tímabært að
hugleiða, þegar áhrifa við-
reisnarinnar fer að gæta og
allur almenningur að búa við
bætt kjör, hvort ekkí væri
rétt að lækka gjöld á bifreið-
um, svo að allur fjöldi manna
gæti eignast lítinn bíl.
En jafnvel þótt menn vilji
að ríkið hirði áfram jafnmikil
gjöld af bifreiðanotkun og nu
á sér stað, þá væri samt full
ástæða til að lækka innflutn-
ingsgjöldin. —• - Tekjumissinn
mætti bæta ríkinu með því að
hækka heldur benzínverðið,
sem þrátt fyrir allt er hér
lægra en í nágrannalöndun-
um. Þannig yrði komizt hjá
þeim gífurlegu útgjöldum,
sem samfara eru því að halda
við úr sér gengnum bifreið-
um. Er ekki vafamál að þjóð-
hagslega væri það mun hag-
kvæmara, og samhliða mundi
öryggi stórum aukast.
Keypti kádilják
Kaupm.hðfn
PRINSINN af Kuwait, hans
hátign Sheikinn Abdallah
Murabak Al-Sabah, kom - i
heimsókn til Kaupmanna-
hafnar í lok síðasta mánaðar.
— Hann kom til Kaupmanna-
hafnar í aukavagni, sem
tengdur var við járnbráutina
frá Hamborg, og hélt rak-
leitt til Tre Falke hótelsins,
því þar hafði einn ættingja
hans búið í fyrra. Úr þvi
ættinginn hafði mælt með
hótelinu varð sheikinn að búa
þar, jafnvel þótt hann fengi
aðeins eitt tveggja manna
herbergi, að vísu það stærsta
sem hótelið hafði upp á að
bjóða, auk minna herbergis,
til að matast í.
Eftir þriggja daga dvöi í Kaup
mannahöfn, ók sheikmn til
Stokkhólms, þar sem hann ætl.
ar að dveljast í tvo daga.
Hætti við að sigla
Ætlunin hafði verið að sigla
til Stokkhólms, og í Kaupmanna
höfn hafði hann árangurslaust
reynt að kaupa eða fá leigða
skemmtisnekkju með áhöfn. En
löngun hans til að sigla hvarf
þegar honum var sýnt hvar
Stokkhólmur var. Hann hafði
haldið að borgin væri rétt hinum
megin 'við sundið.
Á meðan Sheikinn dvaldist í
Kaupmannahöfn fékk hann tæki
færi til að fara í búðir. Einn
daginn mætti hann á bifreiða-
sölu Andersen & Martini og
keypti þar stærstu Cadillac-bif-
reiðina, sem unnt var að fá, þótt
honum þætti farangursgeymslan
helzt til lítil, en bifreiðin kost-
aði 125 þúsund danskar krónur
(ísl. kr. 691 þús.)
Væn ferðataska
En vegna þess hve farangurs
geymslan var lítil, svipaðist
hann betur um og keypti síðan
tvær Opel Caravan bifreiðir
undir farangunnn.
Sheikinn er á ferð um Evrópu
í einkaerindum. í farangri hans
er stór ferðataska, sem er full af
dollaraseðlum, og er þeim skipt
í búnt þegar þarf að gera inn-
kaup eða borga reikninga.
Samkvæmt dönsku blöðunum
er sheikinn mjög hrifinn af Dan-
mörku og danskri byggingarlist.
Hefur hann samið við danska
arkitekta um að teikna hótel-
byggingu í Kuwait og íbúðarhús
fyrir fjölskylduna í Sviss. Ekki
er þó endanlega ákveðið hvort
úr þessu verður, en Danir vona
að ekki fari eins og þegar sheik-
inn hafði pantað bifreið af gerð-
inni Rolls Royee og skyldi vatns-
kassahlíf hennar vera úr skíru
gulli. Þegar afhenda átti bifreið-
ina, neitaði hann algjörlega að
taka á móti henni, þvi maður-
Abdallah prins af Kuwait
inn, sem kom með hana, var svo
ófríður.
Góð daglaun!
Prinsinn er elzti sonur kon-
ungsins í Kuwait, sheiksins Ab-
dulla Salim as Subah, sem er
ríkasti maður veraldar, og nema
daglegar tekjur hans af olíulind-
um r Kuwait sem svarar ísl kr.
3,9 milljónum. Aðaláhugamál
hans er bifreiðir og lengstu
lúxusbílar, sem smíðaðir hafa
verið, hafa lent í Kuwait.
Hann hefur þann sið að gefa
karlhnönnunum í fjölskyldunni
500.000 dollara í peningum þeg-
ar þeir eiga afmæli. En þótt
hann hafi varið ógrynni fjár til
að efla velmegun í landinu með
þeim árangri að hún er þar nú
langt um meiri en í nokkru ná-
grannalandanna, gengur þó svo
mikið af, að hann leggur árlega
um 4.400 milljónir króna í reikn-
ing sinn hjá Englandsbanka.
En það er líka nauðsynlegt
að eiga smá aukaskilding ef
fjölskyldan skyldi einhvern
tíma verða auralaus á ferðum
sínum í Evrópu!
Viðiirkcnriinj;ii
mótmælt
Teheran, íran, 27. júlí (Reuter).
ÍRAN sleit í dag stjóriimálasam-
bandi við Arabalýðveldið og til-
kynnti sendiherra Arabalýðveld-
isins í Teheran að hann yrði að
hverfa úr landi innan 24 klukku-
stunda.
Mikill ágreiningur hefur risið
milli ríkjanna síðan íran birti
fyrir fjórum dögum viðurkenn-
ingu á sjálfstæði ísraels. 1 gær-
kvöldi hafði sendiherra Írans hjá
Arabalýðveldinu verið vísað úr
iandi.
AÐ BERJAST MEÐ ÓVINUM
Mahmoud Shaltout, trúarlegur
leiðtogi Múhamedstrúarmanna í
Arabalýðveldinu, sendi írans-
keisara í dag símskeyti, þar sem
sagði meðal annars: „Viðurkenn
ing yðar á bófaflokkinum í
Ísrael hefur hryllt Múhamedstrú
armenn um allan heim“. Og í
símskeyti til leiðtoga Múhameds-
trúarmanna í íran sagði Shaltout
að viðurkenningin væri það
sama og að taka stöðu við hlið
fjandmannanna. Skoraði hann á
leiðtoganna að grípa fram fyrir
hendur keisarans til að tryggja
einingu Múhamedstrúarmanna.
14 útlendir
blaðamenn
í TILEFNI funda Norðurlanda-
ráðs hér í Reykjavík eru komnir
hingað til lands fréttamenn
blaða og útvarps frá Danmörku,
Noregi og Svíþjóð. Eru þeir sam-
tals fjórtán, 3 fyrir tímaritið
Nordisk Kontakt sem er gefið
út á vegum Norðurlandaráðs, 3
frá Danmörku, 6 frá Noregi og
2 frá Svíþjóð.