Heimilisblaðið - 01.07.1914, Blaðsíða 9

HEIMILISBLAÐIÐ
55
skilja þá eftir í veraldarsollinum. Hún batt
því báða hundana í band við mitti sér og steypti
sér í fljótið. En hundunum þótti þeir kveðja heim-
inn í ótíma, og drógu konuna að landi — og
björguðu með því lífi hennar.
Stærsta sagnarit í heimi er sagan um borg
arastríðið í Bandaríkjunum, sem er gefin út á
kostnað Bandaríkjastjórnarinnar. Sagan er í
120 stórum bindum og i hverju bindi eru þús-
und blaðsiður. Henni fylgir og stór landabréfa-
bók í 30 bindum! Til þess að koma þessu rit-
verki fyrir, þarf eigandi þess að ætla því níu
metra langa bókahyllu. Hún vegur um 260
kgr. Bókin var gefin út smámsaman í heftum,
1100 talsins, og maður, sem gerðist áskrifandi
þegar hann var 30 ára, var orðinn fullra 40
ára áður en hann fékk siðasta heftið. Utgáfu-
kostnaðurinn var geisimikill, hljóp reikningur-
inn 93,750,000 kr.
Flestar bifreiðar i heimi á indverskur fursti,
Hadarabad að nafni. Á hann yfir 400 bifreiðar,
sem hann notar ýmist sjálfur eða konur hans.
Hann á sem sé um 200 konur.
Fyrir skömmu tóku menn eftir því í Brist-
ol á Englandi, að asfaltið í einu strætinu rifn-
aði upp hvað eftir annað. Það var þvi rifið
upp og kom þá í ljós að gorkúlur, sem náð
höfðu að þróast þar, eyðilögðu það.
Á eynni Sumatra vex blóm eitt, er heitir
Rafflesía Arnóedi, og er stærsta blóm í heimi.
Blómhringurinn er 1 metri í þvermál, og veg-
ur 6 kgr. Blómið þarf um 9 lítra vatns á dag.
í Stokkhólmi eru 80 þús. símaáskrifendur.
Eftir því hefir fimti hver maður í borginni síma
heima hjá sér.
120 kolamokara þarf til að hita undir
kötlunum á Imperator, stærsta skipi heimsins.
Framan við Búddamusterið í Tókíó í Jap-
an er stærsta klukka í heimi. Hún vegur um
871,800 kgr., og þarf þvi mjög mikið afl til að
hringja henni. Hún er ferfalt stærri en hin
fræga kirkjuklukka í Moskva á Rússlandi, sem
er 20 metrar að ummáli og 6,30 metra að þver-
máli.
Nýlega var seldur í Munchen vasaklútur,
sem tónskáldið mikla, Rikard Wagner átti, og
var með fangamarki hans, og var greitt fyrir
hann 13,000 kr.
í Cirkus í Kristjaníu hefir bjarntrúður einn,
Weisse að nafni, sýnt tamda birni. Tók hann
upp á því meðal annars að kenna einum af
björnum sínum hjólreiðar, og lét hann björninn
síðan ríða um hallargarðinn, þar sem hjólreið-
ar eru bannaðar. Hann vissi það gerla, að
þetta varðaði við lög, en hélt áfram engu að'
síður. Lögreglan sagði, að allir væri jafnir fyr-
ir lögunum, jafnt birnir sem menn, og málsókn
hafin gegn birninum. En bjarntrúðurinn þyk-
ist munu sleppa vel frá þessum vandræðum,
þvi að hann gæti látið sökudólginn „afplána
sektina með einföldu fangelsi upp á vatn og
brauð.“ Sé það konungalíf fyrir bangsa, en.
sjálfur þurfi hann hvergi nærri að koma.
Stærsta málverk í heirni er myndin af
„Paradis“ eftir Tintoretto, frægan málara í Fen-
eyjum, og er hún í stóra salnum i „IIertoga“-
höllinni í Feneyjum. Hún er 25.62 metra löng
og 10.37 metra há.
I Mexíkó City er torg allmikið, eigi alllangt
frá aðalstræti bæjarins. Þar er stór búð und-
ir berum himni og þar seldir aðeins stolnir
munir, Auðvitað selja þjófarnir ekki sjálfir
þessa hluti, en hafa aðra fyrir sig. Getur mað-
ur þar oft og einatl keypt dýrindis gripi fyrir
lítið verð, því að áríðandi er að selja gripinn
áður en eigandinn kemur og vitjar hans.
Lundúnaborg, höfuðborg hins brezka ríkis,
er hér um bil 26 kílómetra frá vestri til aust-
urs og 19 frá norðri til suðurs. í henni er
stærsta kirkja mótmælendatrúarmanna, Skt. Páls
dómkirkjan, sem er 111 metra há, kostaði um
13,500,000 krónur og var 35 ár í smíðum.