Alþýðublað Hafnarfjarðar - 01.04.1978, Blaðsíða 4

4
A Iþýðublað Hafnarfjarðar
ALÞYÐUBLAÐ
HATNARDARÐAR
Utgefandi: Alþýðuflokkurinn í Hafnarfirði
Ritstjóri: Guðni Björn Kjærbo
Setning: Acta hf.
Prentun: Hafnarprent
Alþýðuflokkurinn, ykkar val.
íslenzkir kjósendur eru orðnir langþreyttir á ríkjandi stjórn-
málaástandi í landinu. Stjórnleysi og síendurtekin loforðasvik
ríkisstjórnarinnar valda fólki þungum búsifjum. Hver nauð-
synjamálið af öðru bíður nú úrlausnar Alþingis. Augljóst mis-
rétti viðgengst víða í þjóðfélaginu. Allir virðast sammála um að
úrbóta sér þörf. En ekkert gerist. Meirihlutastjóm Sjálfstæðis-
flokks og Framsóknarflokks hefur ekki tekist að koma málum
fram. Þar skortir viljann til verksins. Misrétti í skattamálum,
seinvirkt og svifaseint dómskerfi, misréttið í ójöfnum kosninga-
rétti, nauðsyn á sameiginlegum lífeyrissjóði fyrir alla lands-
menn, mengun á vinnustöðum, Kröflustefnur í orkumálum og
síðast en ekki síst árangurslausar bráðabirgðaaðgerðir gegn
verðbólgunni. Allt eru þetta mál sem bíða afgreiðslu. Svo virðist
sem þing menn séu hættir að skilja þarfir fólksins í landinu. Þeir
láta sér fátt um finnast þó stórir hópar fólks líði fyrir misrétti,
sem ekki er leiðrétt. Alþýðuflokkurinn hefur verið utan ríkis-
stjórnar sl. 7 ár. Hann ber því ekki ábyrgð á stjórnleysi og I
ringulreið í íslenzkum stjórnmálum í dag.
En Alþýðuflokkurinn hefur lýst sig viljugan að gera allt sem í
hans valdi stendur til þess að koma á skipulagi í þjóðfélaginu.
Skipulagi sem miðar að því að rétta hlut láglaunahópa, leiðrétta
misretti og uppræta spillingu og síðast en ekki sist að berjast
gegn verðbólgunni eftir markvissum leiðum. Alþýðuflokkurinn
hefur nú lagt fram ítarlegar stefnuyfirlýsingar í mikilvægustu
málum eins og t.d. í efnahagsmálum, iðnaðar- og orkumálum,
skattamálum, landbúnaðarmálum og um það hvernig spillingin
skuli upprætt. Frumkvæði Alþýðuflokksins um svo ná-
kvæma stefnumótun eru nýmæli í íslenzkum stjórnmálum.
Alþýðuflokknum er það kappsmál að gefa kjósendum sem
gleggstar upplýsingar um stefnu sína í öllum málum þannig að
flokkurinn verði dæmdur af verkum sínum. Það er réttur kjós-
enda að vita fyrir kosningar hvað flokkurinn ætlar að leggja af
mörkum til íslenzks þjóðfélags að kosningum loknum.
Alþýðuflokkurinn gengur til kosninga með bundnar hendur.
Alþýðuflokkurinn er bundinn af stefnumálum sínum. Með þeim
mun flokkurinn standa og falla. Loforðasvik núverandi ríkis-
stjórnar koma ríkisstjórnarflokkunum í koll við uppgjörið
kosningunum.
Umhugsunarvert fyrirbæri.
Eitt er það fyrirbæri hér í bæ, sem er öðrum fyrirbærum
merkilegra. Það er meirihluti bæjarráðs, þeir kollegarnir Árni
Grétar Finnsson og Árni Gunnlaugsson. Með harðfylgi og ofríki
hefur þeim heppnast að draga völd bæjarstjórnar í hendur
meirihluta bæjarráðs, þ.e.a.s. í sínar hendur.
Mýmörg dæmi eru þessu til sönnunar. Flest mál bæjar-
stjórnar hafa raunverulega verið afgreidd af meirihluta bæjar-
ráðs og samþykki meirihluta bæjarstjórnar nánast verið forms-
atriði.
Fjárhagsáætlun samþykkt af bæjarstjórn hefur verið gerð
óvirk og ómerk um langt tímabil og meirihluti bæjarráðs tekið
að sér að ríkja og skammta fé úr bæjarsjóði til reksturs og
framkvæmda.
Tekjur bæjarins hafa farið milljónatugum fram úr áætlun og
meirihluti bæjarráðs hefur ráðstafað þessum tekjum án sér-
stakrar heimildar frá bæjarstjórn.
Þeir Árni Grétar Finnsson og Árni Gunnlaugsson hafa
afgerandi áhrif á tillögur um lóðaúthlutanir til bæjarstjórnar,
þar á meðal um lóðaveitingar undir fjölbýlishús, en síðar annast
þeir sem fasteignasalar sölu á mestum hluta þessara íbúða og
taka stórfé fyrir.
Samningaviðræður bæjarráðs og stjórnar Starfsmanna-
félagsins um sérkjarasamningana voru komnir vel á veg og sam-
komulag um ýmsar kjarabætur handa þeim lægstlaunuðu hjá
bændum hafði náðst. En þá sigldi allt i strand og öll orð áður
sögð af meirihluta bæjarráðs voru lýst ógild og ómerk. En hvers
vegna? Jú Árna kom ekki saman við Árna um launaflokk
ákveðins starfsmanns bæjarins. Kapparnir spúðu eldi og eim-
yrju hvor á annan og síðan í reiði sinni ógiltu þeir allt sem þeir
höfðu áður sagt um annað fólk í öðrum störfum. Launafólk
bæjarins skyldi gjalda fyrir áreksturinn þeirra i milli. Minna
mátti þetta ekki kosta. Til er bókun í fundargerðum bæjarráðs
sem staðfestir þetta.
Er nú ekki mál að linni tvíveldi þeirra félaga? Er nú ekki
kominn tími til að hefja aftur lýðræðið i bæjarstjórn Hafnar-
fjarðar til vegs og virðingar? Er ekki kominn tími til að breyta
til? Þeir kjósendur sem vilja breytingu kjósa Alþýðuflokkinn.
EF ÞÚ VILT BREYTA, — ÞÁ X A.
Flokks-
starfið
Ungir jafnaðarmenn
í vetur hafa ungir jafnaðar-
menn starfað með miklum
blóma. Hafa þeir m.a. gefið út
tvö blöð, þrátt fyrir þröngan
kost. Á þriðjudagskvöldum
hafa svo fundir verið haldnir.
Eru þá umræður um hin ýmsu
þjóðfélagsmál svo og það sem
er að gerast í hinu daglega lífi.
Tríóið Bónus hefur einnig
haldið andanum uppi með
þrottmiklum og skemmtilegum
jafnaðarmannasöngvum. Ný-
lega héldu svo ungir jafnaðar-
menn 3ja daga ráðstefnu um
kosningabaráttu Alþýðu-
flokksins. Var þar m.a. rætt
um aðferðir og leiðir félags
ungra jafnaðarmanna í
kosningabaráttunni og má því
væntanlega búast við öflugum
aðgerðum af þeirra hálfu.
Alþýðuflokksfélagið
Nýlega hélt Al-
þýðuflokksfélag Hafnar-
fjarðar aðalfund sinn. í skýrslu
stjórnar kom fram að starfsemi
félagsins hafi verið með mikl-
um ágætum á síðastliðnu
starfsári. Miklar umræður
urðu um flokksstarfið og var
öllum fundarmönnum mikið
kappsmál að gera hlut flokks-
ins sem stærstan í komandi
kosningum. Sigþór Jóhannes-
son sem verið hefur formaður
Alþýðuflokksfélags Hafnar-
fjarðar undanfarin ár baðst
eindregið undan endurkjöri og
var Haukur Helgason
skólastjóri kjörinn í hans stað.
Aðrir í stjórn flokksins voru
kjörnir þeir Bragi Guðmunds-
son varaformaður, Gylfi
Ingvarsson gjaldkeri, Gissur
Kristjánsson ritari og Gunn-
laugur Stefánsson meðstjórn-
andi. í lok fundarins var frá-
farandi formanni þökkuð
giftudrjúg störf í þágu
flokksins.
Kvenfélagið
Kvenfélag Alþýðuflokksins í
Hafnarfirði hélt nýlega
aðalfund sinn. Félagsstarfið á
liðnu ári hefur verið allblóm-
legt. Auk venjulegra félags-
funda hafa verið haldnir
fræðslufundir um jafnaðar-
stefnuna. Einnig hefur félagið
staðið fyrir fjölskylduskemmt-
un með bingói og haldið köku^
basar í fjáröflunarskyni. í
nóvember sl. hélt félagið upp á
40 ára afmæli sitt með myndar-
legu afmælishófi, sem áður
hefur verið sagt frá í Alþýðu-
blaði Hafnarfjarðar. Margir
nýir félagar hafa gengið í fé-
lagið. Á þessum aðalfundi lét
Sigríður Erlendsdóttir af störf-
um sem gjaldkeri félagsins, en
þvi starfi hafði hún gegnt
samfleytt í 40 ár eða allt frá
stofnun félagsins. Henni voru
þökkuð mikil og góð störf fyrir
félagið. Á afmælisfagnaði fé-
lagsins siðastliðið haust var
Sigríður kjörin fyrsti heiðurs-
félagi þess í þakklætisskyni
fyrir mikið og fórnfúst starf í
þágu Kvenfélags
Alþýðuflokksins í Hafnarfirði
og fyrir framgangi jafnaðar-
stefnunnar.
Núverandi stjórn Kvenfélags
Alþýðuflokksins i Hafnarfirði
er þannig skipuð: Ásthildur
Ólafsdótir formaður, Dagbjört
Sigurjónsdóttir varaformaður,
Guðrún Guðmundsdóttir
gjaldkeri, Ásta Sigurðardóttir
ritari og Sigríður Magnúsdóttir
meðstjórnandi. í varastj
meðstjórnandi í varastjórn eru:
Þórunn Elíasdóttir, Þórunn
Jóhannsdóttir, Irma
Karlsdóttir og Guðfinna
Vigfúsdóttir.
Skautasvell fyrir Hafnfirðinga
Eitt dæmi af mörgum
Af hverju er nánast engin
aðstaða til skautaiðkunar hér í
bænum á vetrum? Af hverju er
skautasvellinu á Hörðuvöllum
ekki haldið almennilega við
með þvi að sprauta á það vatni
í miklum frostum? Rauðavatn
fyrir ofan Árbæ er upplýst all-
an veturinn. Hvar er lýsingin á
Hörðuvöllum eða á Ástjörn?
Er frágangssök að mynda litlar
vatnsuppistöður eða tjarnir í
ýmsum bæjarhverfum og láta
náttúruöflin um að mynda þar
svell í kuldum? Hefur engum
dottið þetta í hug?
Jú. Þessi mál hafa ítrekað
komið til umræðu í bæjar-
stjórn, en samt örlar ekki fyrir
neinum úrbótum. í tvö ár hafa
bæjarfulltrúar Alþýðuflokks-
ins verið að kljást við hið
staðnaða meirihlutavald Sjálf-
stæðisflokksins og óháðra i
þessu máli. Það tókst í desem-
ber sl. að knýja þá til fylgis við
málið í orði, en þá lá meiri-
hlutinn á því laginu að
framkvæma ekki neitt.
Á bæjarráðsfundi 1. desem-
ber sl. var lögð fram greinar-
gerð um aðstöðu til skautaiðk-
ana í framhaldi af tillögu-
flutningi bæjarfulltrúa
Alþýðuflokksins um þessi mál.
íþróttafulltrúi bæjarins benti á
staði á Hvaleyrarholti og í
Norðurbæ undir skautasvell og
gerði tillögur um hvernig mætti
halda svellum við. Þá var líka
samþykkt tillaga Alþýðu-
flokksins um að hrinda málinu
í framkvæmd. Áhuginn reynd-
ist þó ekki meiri en svo, að
allur veturinn leið án þess að
lyft væri fingri til fram-
kvæmda í þessum málum.
Þetta er aðferðin hjá Sjálf-
stæðisflokknum og óháðum,
þegar þeir treysta sér ekki leng-
ur til að vera á móti góðum og
gagnlegum málum, en hafa
engan skilning eða áhuga á
framkvæmdinni.
Athyglis-
veröur
sigur-
vegari.
Prófkjör Sjálfstæðis-
flokksins í Hafnarfirði til
bæjarstjórnarkosninga fór
fram síðastliðinn
fimmtudag, föstudag og
laugardag. Segja mátti að
margir væru kallaðir en fáir
útvaldir, ‘því að 36 fram-
bjóðendur voru í
prófkjörinu. Það sem
mönnum þótti
athyglisverðast við þetta
prófkjör var sigurvegarinn,
Sparisióður Hafnarfjarðar
Árni Grétar Finnsson einn
af 24 ábyrgðarmönnum
Sparisjóðs Hafnarfjarðar
var kosinn í fyrsta sæti,
Guðmundur Guðmundsson
sparisjóðsstjóri Sparisjóðs
Hafnarfjarðar var kosinn í
annað sæti, Stefán Jónsson
stjórnarmaður í Sparisjóði
Hafnarfjarðar var kosinn í
fjórða sæti listans, en í
fimmta sætið Hildur
Haraldsdóttir skrifstofu-
stjóri Sparisjóðs
Hafnarfjarðar. Það fer þess
vegna ekki milli mála að
Sparisjóðurinn er tví-
mælalaus sigurvegari í próf-
kjöri Sjálfstæðisflokksins í
Hafnarfirði.