Liljan - 01.08.1916, Blaðsíða 6

58
LILJAN
skýjað alla vikuna og þoka á fjöllum, svo að eigi
gat orðið úr því.
14. júlí lögðum við af stað heimleiðis og hreptum
þann dag stórveður og rigningu og urðum allir renn-
votir inn að skinni. Á leiðinni yfir heiðina hittum við
vegagjörðarmenn, fengum hjá þeim vatn og hituðum
okkur kaffi í sæluhúsinu. Heita kaffið hresti okkur
vel og er drengirnir höfðu lokið kaffidrykkjunni sungu
þeir einum rómi: »guða-veigar lífga sálaryl«. Þrátt
fyrir óveðrið og vosbúðina voru drengirnir kátir og
hressir, sungu og léku á alls oddi alla leiðina. Ferð-
inni var þenna dag heitið niður að Geithálsi. Er við
komum þangað voru engin tiltök að tjalda, þareð allir
voru rennvotir og því eigi annað fyrir hendi, en að
leita húsa á Geithálsi. Þar fengum við að liggja í
gestaskálanum. við fórum úr hverri spjör, sveipuðum
teppunum um okkur og lögðumst til svefns á gólfinu.
Stöðugur straumur af ferðafólki var þar fram eftir
nóttinni og því nokkuð ónæðissamt, en loks komst
þó kyrð á og við sváfum vært það, sem eftir var nætur.
Engum varð meint af vosbúðinni, enda voru flestir
drengjann gamlir og reyndir Væringjar, er vissu hvað
gjöra skyldi svo að eigi hlytist ílt af. Næsta dag 15.
júlí komum við til Rvík. og vorum allir á einu máli
um, að förin hafi verið hin bezta.
Þessi för varð mun ódýrari en förin í fyrra sumar,
enda fengum við flutningstækin lánuð endurgjalds-
laust. Eggert óðalsbóndi Briem lánaði okkur vagn og
aktýgi, en Gunnar Gunnarsson kaupm. hest. Kunnum
við þeim báðum beztu þakkir fyrir.