Ægir - 15.10.1971, Blaðsíða 26

304
ÆGIR
Austin Laing-, aðalframkvæmdastjóri
Sambands brezkra togaraeigenda, sagði að
væri litið á heildarástandið, þá virtist það
ruglingslegt og allt í brotum og sökin
virtist vera allra aðila.
Það væri mjög lítið samband milli þeirra
aðila, sem hér ættu hlut að máli, einkum
væri lítið samband haft við togaramenn
og togaraeigendur, en það teldi hann nauð-
synlegt að togaraskipstjórar væru hafðir
meira með í ráðum en nú væri og jafn-
framt þyrfti að innprenta mönnum meiri
virðingu fyrir veiðitilraunum og rann-
sóknum. Hann sagði að brezkir útvegs-
menn væru ekki svo ýkja upp með sér af
góðu áliti brezkra vísindastofnana utan-
lands. Þetta álit væri oft bundið persónu-
leika einstakra manna. Dtvegsmenn vildu
þjónustu við útveginn, þegar fullkannað
hefði verið, hvað hann vantaði, og hvernig
þörfunum yrði síðan bezt fullnægt. Hann
líkti brezkum fiskveiðirannsóknum sem
„safni af haglega gerðum nálsporum, en
fáum flíkum fullsaumuðum". Laing var
mjög hrifinn af þeirri sögu McNeely, að
skrifstofa hans væri jafnan full af fiski-
mönnum. Laing taldi, að útvegurinn yrði
að vera fljótari að tileinka sér nýjungar
en nú væri. Máski vantaði góðan og reynd-
an skipstjóra; sem gæti skilgreint vanda-
málin og þarfirnar og haft samvinnu við
tæknimenn við lausn viðfangsefnanna.
Þessi maður ætti einnig að fylgjast með
„útfærslu“ annarra skipstjóra á nýjung-
unum og sjá til þess, að hin nýju tæki nýtt-
ust rétt og fullkomlega. Handabakavinna
og kunnáttuleysi við meðferð nýrra tækja
og veiðarfæra væri sannarlega útgerðar-
manninum lítil hvöt til að taka upp nýj-
ungar. Oft krefðust skipstjórar tækninýj-
unga til þess eins að halda virðingu sinni
í flotanum.
Sú var skoðun Laings, að fiskveiðirann-
sóknir þyrfti að framkvæma af mörgum
aðilum, en þeir þyrftu allir að vera gegn-
sýrðir af sama sjónarmiði, sjónarmiði
fiskveiðanna. Jafnvægi þyrfti að ríkja
milli fiskifræðinga og verkfræðinga, eða
með öðrum orðum milli hreinna vísinda-
rannsókna og notagildisrannsókna.
Sjávarútvegsmenn væru mjög gagn-
rýnir á núverandi ástand í þessum málum,
þar virtist allt í brotum og stundum væri
orsökin stjórnmálalegs eðlis. „Ef við eig-
um að búa við svipaða stöðnun næsta ára-
tug eins og þann sem nú er nýliðinn, væri
máski betra fyrir okkur að pakka alveg
saman og einfaldlega fylgja öðrum þjóð-
um eftir“, sagði Laing að lokum.
Þegar sir Fredrick Brundett, forseti
WFA sleit þinginu, sagði hann þessi at-
hyglisverðu orð:
„Við verðum að sannfæra fiskimennina
um, að vísindamennirnir hafi eitthvað
gagnlegt til málanna að leggja og við verð-
um jafnframt að sannfæra vísindamenn-
ina um að fiskimennirnir séu ekki asnar“.
White Fish Authority heldur sýningu
Nokkrum vikum eftir að ofannefndu
þingi lauk, opnaði IDU í Hull dyr sínar upp
á gátt fyrir hinum almenna fiskimanni og
reyndar öllum almenningi, þar á meðal
þingmönnum og öðrum fésum. Þarna gafst
fólki kostur á að kynnast ýmsum nýjung-
um, sem á döfinni eru hjá IDU eða komn-
ar í notkun, svo sem togmælirinn og veltu-
mælirinn, en einnig hinu merka plani
þeirra „simulater“-kerfinu til að þjálfa
fiskiskipstjóra.
Þessi sýning verkaði mjög jákvætt á alla
hlutaðeigandi aðila. En höfundur greinar-
innar í World Fishing segir í lokin: „Kunn-
áttan, reynslan, tölvan og áhuginn er allt
til staðar, en peningarnir ekki“.
Ásgeir Jakobsson
endursagði úr janúarhefti
World Fishing.
/t * S ' ■ rit Fiskifélags íslands. Kemur út hálfsmánaðarlega. Árgangurinn er
J-X7' I I I kringum 400 síður og kostar 300 kr. Gjalddagi er 1. júlí. Afgreiðslu-
sími er 10501. Pósthólf 20. Ritstjóri Már Elísson. Prentað í Isafold.