Ægir - 15.10.1972, Blaðsíða 13

ÆGIR
335
Á öðrum stað í blaðinu er birt skrá yfir
heildarrækjuafla síðustu ára, og aflaverð-
mæti og er þar miðað við rækju upp úr
sjó.
Árið 1969 fundust góð rækjumið við Kol-
beinsey, en þau voru ekkert nýtt á árinu
1971, m. a. vegna fjarlægðar. Allmikið bar
á fiskseiðum í aflanum við SV-land og voru
veiðarnar stöðvarðar fyrri hluta vetrar svo
og um haustið af þeim sökum.
HVALVEIÐARNAR.
Hvalveiðarnar hófust 30. maí svo sem
venja hefur verið ef ekki hafa komið til
verkföll, eins og árið á undan. Það er því
hæpið að bera þessi ár saman, en með
hliðsjón af árunum þar á undan var veiðin
góð. Alls komu á land 554 hvalir. Er það
að fjölda til mesta veiði síðan 1910 er
drepnir voru 649 hvalir. Mesta veiði í sög-
unni var hins vegar árið 1902, en þá komu
á land 1305 hvalir.
Almennt hefur þó þessi samanburður
harla lítið gildi, þar sem tegundasamsetn-
hig hefur breytzt. Á „hvalveiðatímabilinu"
voru steypireyður stærsti hluti aflans, en
nú eru þær ekki til í aflanum. Þá var talið
að jafnaði að ein steypireyður jafngilti
í afurðagetu um tveimur langreyðum og
allt að sex sandreyðum.
Það leiðir hugann að því, að í fyrra voru
veiddar 240 sandreyðar, sem er allt að
fimmföldu ársmeðaltali undanfarinna ára.
Árleg veiði frá 1963 hefur verið frá 3 upp
í 89 og er meðaltalið tæpar 50 á ári. Lang-
reyðar voru nokkuð færri en venja er til,
en fjöldi búrhvala hins vegar áþekkur.
Þessar breytingar á veiðinni, sem raktar
hafa verið, hafa valdið því, að þrátt fyrir
aukningu á afla hefur ekki orðið samsvar-
andi aukning í afurðamagni. Er afurða-
magn nokkuð áþekkt og þó ívið minna
en 1969, en þá voru drepnir 423 hvalir.
Nokkrar breytingar urðu á samsetningu
framleiðslunnar miðað við 1970 en hún er
áþekk og 1969.
Verðmæti framleiðslunnar jókst frá
fyrra ári um tæpar 33 millj. kr. eða um
24,3 %. Framleiðslumagn í heild óx um tæp
3,3% sem leiðir af sér að meðaltalsverð-
aukning afurðanna hefur numið um 20%.
Stafar það mest frá verðhækkunum og auk-
inni frameiðslu á kjötkrafti en verð á hon-
um hækkaði rúmlega tvöfalt samfara þriðj-
ungsaukningu á framleiðslumagni.
Eftirfarandi töflur sýna nánar veiði og
framleiðslu hvalafurða undangengin þrjú
ár.
Langreyður Búrhvalir Sandreyður 1971 208 106 240 1970 272 61 44 1969 251 105 69
ALLS 554 377 423
Framleiðsla hvalafurða: (smál.).
1971 1970 1969
Hvallýsi 2866 2490 2808
þar af búrhvalslýsi 940 533 914
Kjöt 2362 2575 2353
Kjötkraftur 120 85 100
Mjöl 1940 1809 1995
Hinar velþekktu olíukyntu eldavélar
til sjós og lands.
Framleiddar í ýmsum stærðum.
Með og án miðstöðvarkerfis.
ELDAVÉLAVERKSTÆÐI
Jóhanns Fr. Kristjánssonar lif.
Kleppsvegi 62 — Sími 33069 — Box 996 — Reykjavík.